رواية لن اثق بك الفصل السابع 7 - بقلم سلمى شريف

جني: ااااااااااااا، أنت اللي جابك هنا؟ أدهم: ........ جني: اصحيييي! أدهم بفزع: إيه؟ جني: إيه؟ أنت اللي إيه؟ أدهم: بتصحيني ليه؟ جني: بتنام جمبي ليه وأنا قولتلك متنمش؟ أدهم: علشان ضهري باظ. جني: وأنا مالي؟ أدهم: يعني يرضيكي تنامي على السرير وتاخدي سريرين معاكي وأنا أبقى نايم على الكنبة؟ جني: آه يرضيني. أمسك أدهم مخدة وضرب جني. جني: يا حيوان! أدهم: أنا حيوان؟ أنا هوريكي. وأمسكوا مخدتين وتبادلوا ضربات المخدات. جني: ههه.

أدهم: هههه. جني: مين هينظف الريش ده؟ أدهم: أنتِ طبعًا، مش هخلي أم محمد تتعب. جني: بارد، وبعدين شغلتها إيه؟ ومالها المخدات القطن؟ أدهم: اشششش، رغاية. جني: بارد. أدهم: هسألك سؤال. جني: لا. أدهم: هو أنتِ عارفة أنا اتجوزتك غصب عنك ليه؟ جني: مش عايزة أعرف. أدهم: علشان بحبك. جني: هو أنا مش قولت مش عايزة أعرف؟ أدهم: طب هسألك سؤال تاني. جني: لا. أدهم: أنتِ ممكن تحبيني؟ جني ونظرت له بتوتر: عمري، عمري ما هحبك.

أدهم: مش مهم، مش فارقة معايا أصلًا. جني: أحسن. في الليل. جني: ممكن طلب؟ أدهم: أمم. جني: أنت غني؟ أدهم: أمم. جني: معاك فلوس؟ أدهم: أمممم. جني: معاك فيلا؟ أدهم: أممممم. جني: معاك عربيات؟ أدهم: بتقري؟ جني: استني بس. معاك... أدهم: ادخلي في أم الطلب. جني: ممكن نسافر؟ أدهم: فين؟ جني: كوريا. أدهم: اشمعنا؟ جني: الناس بتبقى عنيها مشدودة كده، وبيقعدوا يبرطموا بالكلام لاب لاب لاب. أدهم: آه، وبعدين؟ جني: أو تركيا.

أدهم: اشمعنا برضه؟ جني: علشان أقابل كرم بروسلين. أدهم: مين ده؟ جني: انسي انسي، ده أحلى منك بكتير ولا يتقارن بيه أصلًا. أدهم: أنتِ عندكوا تلفزيون؟ جني: لا. أدهم: أمال؟ جني: العيال الملزقة بتتكلم عنه كتير. أدهم: أنا نازل أتمشى بالعربية شوية. جني: خدني معاك علمني السواقة. أدهم: لا. جني: يلا بينا. أدهم باستغراب: إيه ده؟ جني: هقعد فين؟ أدهم: ورا. جني: مش هتعلم السواقة؟ أدهم: لما أجيبلك عربية أبقى اتعلمي.

جني: بجد هتجيبلّي؟ أدهم: بفكر. جني: شكرًا شكرًا، هتروح فين بقى؟ أدهم: همشي بالعربية. جني: خدني نروح المراجيح. أدهم: أفندم؟ جني: مسمعتش؟ أدهم: واحدة في العشرينات تروح مراجيح؟ جني: آه. أدهم: أروح أنتحر أرحم. جني: يلا بقى. وأثناء ذهابهما اصطدما بفتاة. جني: هااااا، أنت خبطت بنت! أدهم: يلهوي المصايب بتترمي عليا. جني: إيه ده، دي تسنيم الحيوانة. تسنيم: إييي! جني: بقى تبيعيني! تسنيم: أنت أعمى؟

جني: أعمى إيه يا حيوانة يا غدارة؟ تسنيم: رجلي. جني: يلهوي يا أدهم، رجليها اتعورت جامد. أدهم وأمسكها وكاد أن يحملها من الأرض. جني: تعالى هنا. وأسندت جني تسنيم وأخذتها إلى السيارة. أدهم: بتغيري؟ جني وضربت أدهم في كتفه. أدهم: إيي، إيديكي تقيلة. جني: تستاهل. أدهم: يعني بتغيري؟ جني بابتسامة: البت متعورة، يلا بينا. أدهم بابتسامة تتسع وجهه: يلا. في المستشفى.

الدكتور: التعويرة بسيطة، حطي عليها شاش وحطلها المرهم ده كل 24 ساعة علشان تلم. تسنيم: ماشي شكرًا يا دكتور. في فيلا أدهم، في غرفة مقفولة بالمفتاح تتكلم بها جني وتسنيم. جني: أنا عايزة أتكلم معاكي في حاجة. جني: انسي، أنا عمري ما هثق بيكي تاني أبدًا. تسنيم: طب اسمعيني بس. جني: مش هسمعك علشان هصدقك وأثق بيكي تاني وتغدري بيا. تسنيم: طب اديني فرصة أفهمك.

جني: لا خلاص، الفرص كانت قدامك قبل ما تبيعيني، وعمومًا شكرًا، أنا وأدهم بقينا بنحب بعض وأنا بعشقه. تسنيم: جني افهميني، اديني فرصة أوضحلك. جني: مش عايزة، وأظن إننا اتكلمنا كفاية. تسنيم: أنتِ اللي اتكلمتي. جني: تمام، شكرًا تقدري تمشي. تسنيم: بقى كده؟ جني: آه كده. وكل هذا يسمعه أدهم من وراء الباب، وتفتح جني الباب فجأة وتجد أدهم.