رواية لولاهم لم أصبح خائنه الفصل العاشر 10 - بقلم نورهان هاني

عمر: برضو مش هتاكلي يا موج؟ عمر بزعيق: لحد امتي هتفضلي كده يا موج؟ موج: لحد ما قلبي يخف يا عمر.. عمر: موج انا عارف إنك تعبانه وإن اللي حصل مش سهل عليكي، بس إنتِ كدا هتقتلي نفسك، حاولي تنسي يا موج وتكملي حياتك، حياتك اللي قبل ما تبقي غاليه عندك فهي غاليه عندي. موج: طب ليه، ليه عمل في قلبي كده، يا تري قلبي يستاهل كل القسوة ديه يا عمر!

عمر: قلبك ميستاهلش نور يا موج، قلبك مش شبه قلبه، ولما قلبك يعرف حقيقة ده هيخف صدقيني هيخف. موج: هو قلبي ممكن يخون يا عمر! عمر: قلبك والخيانه طريقين عكس بعض ولا ينفع يتقابلوا قلبك يستحيل يكون شبههم يا موج، قلبك رغم سوادهم لسه أبيض. موج: أتمني يا عمر أتمني. عمر: برضو مش هتاكلي! موج: معلش يا عمر ماليش نفس. ليت الزمان يعود يوماً ما، ليت أبي يحبني، ليت أمي لم تمت، ليتني بجانبهم وهم بجانبي، ليت الحب يُشتري.

دموعي جفت من بكي سنيني اللي فاتت مبقاش عندي دموع تاني أبكيها. وعد: ممكن أدخل. موج: لا. وعد: أنا قولت كدا برضو ياريت بقي لو كوباية عصير هتكون كملت. موج: بالله ما فيقالك يا وعد. وعد: إنما مقولتيش مين القمر اللي برا ده ها ها. موج: ... وعد: هاااااااااااا. موج: ماتيجي جوا ودني احسن يا وعد. وعد: لا الجو هنا أحلي. موج: ضحكتيني وانا مش عايزة أضحك، اعمل انا اي دلوقتي. وعد: تعرفيني علي القمر اللي برا ده ها.

موج: برا يا وعد وخدي الباب في إيدك. وعد: هو ميستاهلكيش يا موج. موج: هو مين! وعد: اللي قلبك لسه مستنيه. موج: إنتِ فكراني زعلانه عشانه وكدا يعني لا خالص انا مكنتش بحبه اصلاً ده انا... ده انا فرحناله جدا. وعد: اومال دموعك ديه إيه! موج: دموعي... آه دموعي ديه دموع الفرحه يا وعد. وعد: طب عيني في عينك كدا.

موج: مش قادرة مش قادرة، ايوا لسه مستنياه يا وعد لسه مش قادرة انساه تعبانه منه اوي قلبي واجعني بسبب حبه اللي محفور جوايا، هتصدقيني لو قولتلك إني مش عارفه أتخطي وجعي يا وعد أنا كل مابص في مرايه أشوف كسرة قلبي كنتي بتقوليلي إن قلبي زي اسمي فاكرة. وعد: طبعا فاكرة يا موج قلبك شبه اسمك مع كل موجه جديدة بتتكون حكاية جديدة زي ما الموجه بتغسل الشط كمان قلبك هيغسل جروحك صدقيني يا موج كل الحكايه شوية وقت.

موج: مش صح يا وعد موج مجرد اسم لأن لسه قلبي مجروح، قلبي كان دايماً بيقولي إن هو البحر اللي الموج جزء منه كان هو بحري يا وعد ازاي البحر قدر يسيب موجته يمكن قلبي هو اللي غلط في أختيار البحر لموجته بس حبي عُمره ماكدب يا وعد. وعد: بس بس إهدي انا معاكي. موج: قلبي قلبي يا وعد واجعني اوي، إزاي يا وعد محبنيش، طب ليه وعدني ليه يا وعد. وعد: هو اللي خسر يا موج هو اللي خسرك.

موج: معقوله كلهم اللي خسروا مش يمكن انا الخسارة مش المكسب، وبخسارتي كسبوا. وعد: لا مش ممكن يا موج، لإني كسبانه بوجودك. موج: انا بحبك اوي يا وعد اوي. وعد: ووعد كمان بتحبك. موج: ها بقي مش هتعرفيني عليه. وعد: حاضر حاضر. موج: عمر يا عمر يااا عمرررررر. عمر: إيه بتزعقي ليه ودني هيجرالها حاجة بسببك. موج: وإيه يعني، انا ولا ودنك يا عمر. عمر: بقي ده سؤال. موج: كان العشم برضوا. عمر: ودني طبعاً.

موج: بقي كدا، صحيح نسيت أعرفك ديه وعد صاحبة عمري. عمر: يوده بقي يا ستي عمر. موج: اخت نور. عمر: اه. عمر: صحيح يا موج عندي ليكي خبر، بس إمسكي نفسك. موج: لو وحش مش عايزه أعرفه. عمر: مش عارف. موج: مش عارف إيه. عمر: أصل تــ. موج: انت لسه هتهته يا عمر قول. عمر: مرات أبوكي ماتت وعشيقها إتحبس وإنتِ الوريثه لأملاك أبوكي. موج: إ... إزاي حصل ده.

عمر: إتضح إن مرات أبوكي كانت بتحط الدوا لأبوكي في الأكل ولما إكتشف ده سجل كل حاجة بالورقه والقلم مع الأدله وبعتها للبوليس ولما عبير وسليم أكتشفو ده قتلوه وكان كاتب الڤله والإراضي بإسم عبير وعشان سليم ياخد كل ده إتجوزها ومضاها علي تنازلات وقتلها بس البوليس عرف كل ده وإتسجن والباقي من أملاك أبوكي بقت من حقك.

موج: مش قولتلك إن لكل خاين مصيره الخيانه كل واحد هيتخان بمقدار خيانته، انا فرحانه فرحانه اوي مش عشان هو وهي ماتو لا عشان داقو من نفس اللي داقت منه ماما، واكيد ربي مش هيسامحهم علي اللي عملوه في حقي. موج: بس انا مش هاخد فلوسه مش عيزاها. عمر: اومال هتوديها فين. موج: هتبرع بيها يا عمر. عمر: فكرة جميلة جدا. وعد: فعلاً فكرة حلوة اوي. موج: طب انا هنام، تصبحوا علي خير.

الدنيا ديه غريبه اوي، إزاي ممكن شخص يمتلك قساوة العالم كله في قلبه، إزاي ممكن حد يتخلي عن وعوده، إزاي ممكن إنسان يخذل إنسان يمكن لإنه مادقش من الكاس بس الأكيد إنه هيدوقه فـ يوم، إزاي ممكن يخونوا بعض، يا تري بيحسوا بإيه، يا تري الشعور بيكون وقتها بالذنب ولا بالحب، يا تري الحب مبرر للخيانه. نمت من تعب قلبي وروحي اللي بقت هلكانه. عمر: انا نازله أتمشي شوية. عمر: طب أستني هاجي معاكي. موج: لا خليك انا حابه أكون لوحدي.

عمر: متأكده! موج: أكيد. كنت ماشيه سرحانه لحد ما خبطت في حد. موج: انا اسفه جدا. نور فضلت بصاله وانا بسأل نفسي ليه، لحد ما جميلة أتكلمت. جميلة: مش يلا يا حبيبي عشان منتأخرش ولا إيه. مشيت بسرعه عشان مضعفش قدامه تاني، روحت الكورنيش قعدت قدام النيل فضلت سرحانه في جماله وإن رغم غسيل الست للمواعين جواه، والزباله اللي الناس بيرموها جواه وحاجات تاني كتير، مع ذلك مبنشوفش منه غير كل الحلو.

لحد ما لقيت حاجة بتقع علي رجلي، بصيت للبنت الصغيرة اللي قدامي وقولتلها. موج: هو إيه ده. طفلة: ده حظك. وابتسمتلي ومشيت، فتحت الورقه. "إبتسم ولا تخضع لقبح العالم، فأنت جميل ولا يليق بك غير الجمال". إبتسمت لجمال الجملة، وقررت أتخطي وأنسي وأكمل في حياتي بس قبل ما أعمل كدا لازم أعمل حاجه تانيه. ومشيت علي بيت نور، وانا مقرره أنساه بس قبل ده كله لازم أعرف ليه؟

، ولازم برضو أتخلي عن كل شئ يفكرني بيه، واريح قلبي، طلعت الأول البيت أجيب صندوق مراسيلي وانزل. وعد: موج.. خير انتِ كويسه. موج: نور موجود! وعد: آه موجود تعالي. نور: موج. موج: انا عارف إنك زعلانه من اللي حصل بس ممكن ننسي اللي فات ونرجع تاني أصحاب. نور: بجد والله. موج: للدرجه دي قلوب الناس رخيصه عندك، انا مش جايه عشان كدا انا جايه لحاجه تانيه. نور: حاجة إيه.