رواية لصه سرقت لي قلبي الفصل السادس 6 - بقلم بدور عاطف

دخلت كارما المنزل وجلست بجوار والدتها وقالت: ها يا كرملة أخبارك إيه؟ كريمة: الحمد لله، جاية بدري النهارده. كارما: خلصت بدري وجيت على طول، أنا هدخل أنام بقى عشان عندي مصلحة بكرة، ادعيلي إنها تتم على خير. كريمة: ربنا معاكي يا بنتي. تحركت كارما ودخلت غرفتها وتسطحت على الفراش، وقبل أن تغمض عينها استمعت لطرقات على الباب فذهبت وفتحت. كارما: إيه يا واد، جاي ليه الساعادي؟ الفتى: المعلم "دومة" عاوزك. كارما:

طب اتكل أنت وأنا جاية وراك. دخلت كارما وأخذت شيئًا ما وذهبت. دخلت كارما منزل المعلم. دومة: أهلًا وسهلًا، شفتي والله. كارما: أستغفر الله العظيم. حمص: ما تظبطي يابت واتعدلي قدام المعلم. كارما: أنت بالذات ما أسمعش حسك، وإلا أنت عارف هيجرالك إيه كويس أوي. دومة: أركن أنت يا حمص. ثم نظر لكارما وقال: الواد "دقدق" بقاله يومين في الحبس، أنتِ حتى ما سألتي ولا جيتي بلغتي. كارما:

عشان يستاهل، أهو ضيع عليا السبوبة اللي كنت هعملها. دومة: طيب والليلة ما عملتيش أي مصلحة؟ كارما: عملت، وادي المعلوم اللي طلعت بيه. دومة: في نفر جديد نزل المنطقة وبيحلق على شغلنا، ما تعرفيش هو مين؟ كارما: وأنا هعرفه منين؟ حمص: طبعًا، ما أنتِ بتخرجي في أي وقت وتيجي براحتك، وما حدش يعرف بتقبي وتغطسي تروحي فين. كارما: وحياة أمي أنت فاضلك معايا تكة، ولولا وجود المعلم أنا كنت رديت عليك كويس. ثم نظرت لدومة وقالت:

أنا وصلت المعلوم، أتكل أنا بقى. وكادت أن تذهب حتى سمعت ذلك الاسم. بداخل فيلا السويفي، كانت تجلس نور في غرفتها وتنظر في الهاتف ثم ألقته وقالت بتأفف: أعمل إيه دلوقت؟ الفون وقفلت! معقولة ما قلقش عليا؟ لو كده كان رن على بابا واطمن. أوووف، أنتِ فين يا كارما؟ طب أعمل إيه دلوقت؟ أنا خلاص دماغي هينفجر من كتر التفكير. عاااااااا، ماشي يا خالد والله ما هرحمك. عند كارما توقفت عندما استمعت لهذا الاسم: "كايا". التفتت له. دومة:

متفاجئتيش يعني؟ كارما وهي تنظر لحمص: وهتفاجأ من إيه؟ حمص: هه، طبعًا مش حبيب القلب. نظرت له كارما نظرة لو كانت رصاص لقتلته. دومة: الواد ده رجع ظهر تاني. كارما: أنا حكايتي خلصت معاه من زمان، وماليش صالح بيه. دومة: وأنا مش هخاطر بيكي، بس لو عرفت إن ليكي خلطة بيه هيكون ليا تصرف تاني. كارما: وأنا قلت كلمة ومبرجعش فيها. دومة: ماشي. تحركت كارما وذهبت.

وصلت كارما إلى منزلها ودخلت غرفتها واتجهت إلى تلك الخزانة وأخرجت منها حقيبة، فتحتها وأخذت شيئًا ورفعته وابتسمت ثم قالت: خليهم على عماهم كده، بس هانت كلها كام يوم وأخلص منهم ومن قرفهم.