رواية لصه سرقت لي قلبي الفصل الثاني 2 - بقلم بدور عاطف

إستيقظت كارما من نومها على صوت طرقات الباب. كارما: حاضر يا اللي بتخبط، جاية أهه. توجهت إلى الباب وفتحته. كارما: دقدق خير في إيه؟ دقدق: المعلم دومة عاوزك. كارما بتأفف: مش هنخلص بقى؟ طب روح أنت وأنا جاية وراك. دقدق: لا دا قالي تجيبها في إيدك، أنت عاوزه يشعلقني؟ كارما وهي تمسكه من ملابسه: تجيب مين في إيدك يا روح أمك؟ لي عيلة صغيرة ولا إيه؟ دقدق: اهدي يا أسطى، ما عاش ولا كان بس حكم القوي.

كارما: أيو كدا اظبط، اتلقح هنا على ما أجيلك. ارتدت كارما ملابسها المكونة من تيشيرت وبنطلون أسود وجاكيت أسود، والكاب بالعكس بعد أن عقصت شعرها على شكل كعكة. كارما: يلا بينا. تحركت كارما وكان الجميع يحييها حتى وصلت إلى منزل المعلم دومة. دومة: حمد الله ع السلامة. كارما: الله يسلمك يا معلم. دومة: كنت فين يا كارما؟ كارما: في البيت يا معلم، يعني هكون فين؟ دومة: هنلف وندور من أولها؟

كارما: أنت عارفني يا معلم ما أحبش اللف والدوران. ثم أخرجت من جيبها كيسًا وقدمته للمعلم. كارما: دا إيراد إمبارح. دومة: هه، تضحكي عليّا بالكيس دا ومقولتيش برضه كنتي فين إمبارح؟ كارما: بينا وبين بعض الشغل، وادي إيراد إمبارح، لكن كنت فين وبعمل إيه دي حاجة تخصني. دومة: والله وطلعلك صوت يا كارما. كارما: تربيتك يا معلم. دومة: ما هو اللي مخوفني إنك تربيتي وأنا معروف إن تربيتي على طول بتكون تربية وس...

كارما في نفسها: طب كويس إنك عارف نفسك. كارما: تأمر بحاجة تاني يا معلم؟ دومة: من النهارده أي طلعة هتطلعيها هيكون معاكي الولا دقدق، ورجله على رجلك. كارما: ودا من أمتى؟ دومة: من دلوقت. كارما: أشطا، بس لو عصلج معايا ولا اتقفشت بسببه والله ما هرحمه ومش هيطلع معايا تاني. دومة: ومن أمتى بتقعي يا كارما؟ ولو حصل يعني، دا حتى المثل بيقول ما يقع إلا الشاطر. كارما بشك: بس برضه إيه لازمة دا كله؟ لتكون مخوني يا معلم ولا حاجة؟

دومة: أخونك؟ قولي كلام غير دا بس الاحتياط واجب برضه. كارما: آه طيب. اتكل أنا بقى. ثم نظرت لدقدق وقالت: قدامي يالا. دقدق: حاضر يا أسطى. ذهبت كارما ثم توجه حمص إلى المعلم وقال: طول عمرك مدلعها يا معلم. دومة بلا وعي: مش هنسى أبدًا اللي حصل زمان، واللي بعمله معاها دا مصبرني على اللي فات. حمص: لي هو حصل إيه؟ دومة: ها؟ أنت لسه هنا؟ روح شوف السريحة ليكون حد فيهم اتمسك.

حمص: ما أنا لسه جاي من عندهم يا معلم وكله تمام، بس مقولتليش يا معلمي لي خليت دقدق يطلع مع كارما؟ دومة: المثل بيقول حرص ولا تخون. حمص: أنت شاكك فيها ولا إيه؟ دومة: لا بس الاحتياط واجب، ويلا اتكل شوف شغلك. ثم أفرغ محتويات الكيس وأخذ يعد ما بداخله. خرج ياسين من الشركة وتوجه إلى منزله وكان معه خالد، فهو إبن عمه وصديق عمره. ياسين: لو هتفضل قالب بوزك كدا يبقى تنزل أحسن. خالد: ما أنت عارف أنا قالبه لي.

ياسين: وأحب أقولك إنك غبي ومبتفهمش. خالد: أنا يا ياسين؟ ياسين: أيو أنت، حد في الدنيا يقول لخطيبته يا لطفي؟ لا ويعاملها كأنه بيعامل واحد صاحبه. خالد: ههههه، ما أنت عارف إني بهزر معاها. ياسين: تقوم تقولها لطفي؟ خالد: مش أحسن من جعيدي هههههه. ياسين: أستغفر الله العظيم. خالد: طول ما هي بتعاند أنا هعاند وخليها تخبط راسها في الحيط.

ياسين: طيب قولها بقى ما تجيش تشتكي، عشان أنا مش فاضي للقرف بتاعكوا دا ولعب العيال اللي مش هخلص منه أبدًا. خالد: أنا مخاصمها، أبقى قولها أنت. ياسين بحدة: خالد! خالد: حاضر ما تتحولش بس وركز في الطريق. خالد: بقولك ما قولتليش إيه اللي في دماغك بخصوص أسر؟ ياسين: هه، أسر دا مش هيهدى إلا لما تنكسر رقبته، وأنا هديله الشرف إني أكسرها بإيدي. خالد: قصدك إيه؟ ياسين: نوصل بس وأفهمك كل حاجة.