رواية لست من نسلي "نادر المالكي" الجزء الثاني الفصل السابع 7 - بقلم سوارة

مالك! نادر بيبص عليه بصدمة، وزياد عيونه بتنزل دموع وبيجري عليه. نهر بتبتسم بخفة، وسامح بيبص عليه وحاسس إنه شايفه قبل كده. زياد بيحتضنه بقوة ومالك بيبادله الحضن. مالك بابتسامة: متغيرتش يا زوز أبداً، لسه زي ما أنت. الأربعينات ما أثرتش معاك! زياد وهو بيمسكه من أكتافه بعدم تصديق: أنا مش مصدق نفسي بجد! نادر بيبص عليهم بابتسامة حزن، وهما متلميين مع بعض. بيطلع على فوق براحة، بس مالك بيلاحظه. مالك باستغراب: دقيقتين وراجع!

كان قاعد وهو زعلان وشارد، وحاطط إيديه على عنقه. بيلقى اللي بيحط إيده في كتفه. مالك بابتسامة: مالك يا بطل؟ نادر بابتسامة وهو بيمسح الدمعة اللي نزلت منه غصب عنه: مفييش، بس سرحت شوية! مالك بابتسامة: شويتين تلاتة! نادر بيضحك على كلامه. مالك بهدوء وهو بيقعد جنبه: زعلان؟ عايز نور؟ نادر بيتنهد بحزن: أنا مش عايزها، بس في نفس الوقت مش عايزها تتحبس. هي برضو عليها فضل عليا وتعبت فيا!

مالك بيومئ له: أنت بتقول كده عشان حاسس إن عليها فضل عليك؟ نادر بحزن: مش هخبي عليك، أنا بحبها. ويمكن أكتر من أمي. هي كانت بتحاول تحميني من أي حاجة وتعبت في تربيتي، ومكنتش تحرمني من حاجة. حاسس إني باللي عملته، وخصوصاً إنهم عايزين يسجنوها، إني حد مش كويس ورديت الحسنة بالأذية!

مالك بهدوء: بص يا نادر، أنت ممكن تشوف نور كانت بتحاول تحميك من أي حاجة، بس أنا هحطك قدام الأمر الواقع. هي كانت بتخبيك. نور عمرها ما فكرت فيك، أنت فكرت في مصلحتها. نور خطـ*ـفتك عشان تنقذ جوازها. وأكبر دليل من ده إنك من لما كنت في بطن أمك وهي بتخطط عشان تخطـ*ـفك. أمك زمان كان عندها مشكلة في الدما..غ بسبب صدمة، بقيت تتصرف زي الأطفال. واستغلوها بأبشع الطرق. أنا مش هكدب عليك، أنا مش هقدر أقولك أكتر من كده من عمايل نور، لأنها أختي برضه. بس نهر برضه بعتبرها زي أختي، وأنا عارف هي اتعذ..بت إزاي في حياتها. عشان كده برضه كان لازم أتكلم. نهر اتظلمت من الكل يا بني، من أبوك وعمتك وحماتها وجدتك وعمك وكله. متبقاش عليها أنت كمان. هي كانت بتحبك من قبل ما تيجي.

نادر بصدمة: أنت بتتكلم بجد؟ مالك وهو بيقوم: بجد والله. ومش عايزك تقول الكلام ده قدام نهر. كفاية اللي اتحملته في حياتها. وحاول أسبوع واحد بس تقعد معاها وتقرب منها، ساعتها هتعرف كلامي... وبيمشي وبيسيبه وهو بيفكر في كلامه وقرر يسمع لنصيحته. كانت قاعدة لوحدها بحزن وبتفكر في كلام ابنها في السفرة: معقووول بيحبها أوي؟ أكيد هيكون متعلق بيها ويحبها وعمره ما هيحبني قدها! نادر بابتسامة وهو بيقعد

وبيحط راسه على رجليها: الجميل سرحان في إيه؟ نهر بابتسامة: ولا حاجة. نادر حس إنها زعلانة وبتفكر في كلامه: أنتِ كويسة؟ بتفكري في حاجة مدايقاكي؟ ... أنا دايقاكِ؟ نهر حست إنه عارف ونادم، فقررت تغير الموضوع عشان ما يضايقش: عايز الصراحة؟ بفكر أجوزك لمين يا نادر؟ نادر بضحكة وهو بيقوم من رجليها بصدمة: تجوزيني! من أولها كده! نهر: أولها إزاي؟ ما أديك زي القرد قدامي، ولا فاكر نفسك شحط؟ نادر بصدمة: قرد وشحط!

نهر بضحكة: قول يا نادر، أنت في كلية إيه؟ نادر: أنا خريج. نهر بصدمة: خرييييج؟ 21 سنة؟ إزاي؟ نادر بفخر وهو بيمسح التراب عن أكتافه بتمثيل: لما كان عمري 4 سنوات دخلت المدرسة، ولما دخلت الجامعة كان عندي 16 سنة! نهر بابتسامة: طب خريج إيه؟ نادر بابتسامة: أنتِ حاسة من شكلي إني إيه؟ سامح من وراهم وهو بيقعد معاهم: حراااا..مي. شكلك يديك على إنك حرااا..مي! نهر بضحك وتأييد: أيوووووه!

نادر بغيظ: هههه، أنا بقى اللي بخليهم يحاسبوا المجر..مين دول. سامح باستغراب: شرطي ولا محقق ده اللي هوا إزاي؟ نادر بخيبة: والله أنا مش عارف أنت إزاي ضابط يا ابني؟ أنت بتفكر منين؟ ده اللي طلع معاك! سامح بابتسامة بلاهة: أيوه برضو إيه؟ نهر بضحكة: محامي! الله يسترك يا ابني. سامح بيخبط على راسه، وكلهم بيقعدوا يضحكوا، غافلين عن اللي بتتسحب وراهم بخفة وتهرب. بعد مسافة وفي وقت العشاء.

مالك بملاحظة: أنا حاسس إني شايفك قبل كده أو أعرفك يا ابني. سامح بصدمة: والله حتى أنا لما شوفتك حسيت بكده. زياد باستغراب: إزاي ده؟ مش ممكن؟ أنت نزلت قبل كده مصر يا مالك في 21 سنة؟ مالك بنفي: أبداً محصلش! سامح باستغراب: وأنا محصلش. سافرت على بره. غريبة! نهر باستغراب وهي بتبحث بعينيها عن سهر: أمال فين سهر؟ سامح: طلعت قبل شوية عشان أنده لها وملقيتهاش. هي ما قالتلكيش إنها خارجة؟ نهر بخوف: لا مقالتش!

الكل بيقوم من على السفرة وهما بيدوروا عليها في أرجاء القصر. زياد بخوف: شوفت سهر يا محمد؟ الحارس محمد بتذكر: أيوه، خرجت قبل شوية! سامح باستغراب: إيييييه؟ خرجت ومن غير ما تقول لنا؟ معقولة! وبتجيله مكالمة على تلفونه، بيرد عليها: الووووو؟ إيه؟ سهر!