رواية لست من نسلي "نادر المالكي" الجزء الثاني الفصل الثامن 8 - بقلم سوارة

عمر هرب من السجن وخطف سهر!! الكل بصدمة: ايييييييييه؟؟ .. ازاي؟؟؟ سامح باستعجال: مش عارف أنا هراجع كاميرات المراقبة بتاعة القصر!! نهر وهي بتقعد في الأرض ورجليها مش شايلاها: بنتييييي يارب مش هقدر أتحمل خسارتها!! زياد بجمود: نهر متخافيش قومي مفيش وقت للكلام ده سهر هترجع!! مالك كان بيبص عليهم والخوف بينهش قلبه أكتر منهم وحاسس إنه مسؤول منها ومش عارف السبب قرر يروح يشوف تسجيلات المراقبة مع سامح.

مالك بهدوء: شغل كاميرات المراقبة. سامح يومئ له وبيشوف كاميرات المراقبة. مالك بتدقيق: وقف اللقطة دي!! ... مين ده اللي ركبت معاه؟؟ سامح بتنهد وحزن: ده يبقى خطيبها السابق. مالك بتفهم: هي كانت بتحبه ومتعلقة بيه؟؟ سامح يومئ له بحزن. مالك وهو يضع يده على كتفه بثقة: متخافش هلاقيها!! ... خدني على السجن اللي كان فيه ولو تقدر أشوف كاميرات المراقبة. سامح بأمل فيه: تمام يلا!! كانوا طالعين بس بيوقفهم زياد.

زياد بجري: استنوا أنا جاي معاكم!! نادر: وأنا. مالك بهدوء: لا خليكم مع نهر واحنا هنجيبها. نهر ببكاء: مالك جيبلي بنتي يا مالك زي ما جبتلي ابني. مالك بابتسامة: ما تخافيش أوعدك هنجيبها... يلا يا بطل. وبيمشوا هو وسامح وبيوصلوا القسم وبيشوفوا الكاميرات بعد واسطات. مالك بملاحظة: قرب اللقطة دي يا بطل. سامح بغيظ وهو بيقرب اللقطة: لو سمحت يا عمو اسمي سامح من ساعة ما جيت بتقولي بطل.

مالك بضحك: وأنا إيش عرفني باسمك عشان كده كنت بقولك بطل... وبيستشعر اسم سامح وبيفتكر حد كان قريب ليه بحزن. مالك بحزن: قرب اللقطة. سامح بيستغرب تحوله وبيقرب اللقطة. مالك بتركيز: إيه ده أكل بعدها ده عمل مكالمة بعدها شايف هنا جاله صينية أكل تاني!! سامح باستغراب: يعني إيه؟ مالك بتدقيق: معناها هيكون السر ورا الصينية التانية لأنه هرب بعدها. سامح بابتسامة بلهاء: أيوووووه صح انت صح حتى أنا أخدت بالي السر في الصينية التانية.

مالك بيأس: انت مفهمتش صح؟ سامح وهو يومئ: عايز الصراحة مفهمتش ولا حاجة من كلامك وإيه علاقة الصينية التانية. مالك بغيظ: طيب اكتم وتعرف!! وبيكملوا الاتنين تحديق في الكاميرا بعد مسافة بيلاقوا عمر مطلع إيده من قبضان الزنزانة وفي إيده مفتاح وبيفتح فيها وبيخرج براحة وبيستخبى مسافة تحت الطاولة لحد ما المكان فضي شوية وأخد مسدس من الدرج وهرب. سامح بصدمة: إذن الصينية اللي دخلت له كان فيها المفتاح!! .. والا إزاي وصله؟؟

.. أكيد من الصينية!! مالك بغيظ: بجدددد؟؟ .. طلعت بتفهم والله!! .. وبيكمل... المهم عمر ده معاه سلاح ممكن يأذي أختك فخلينا نستعجل. وبيطلعوا بره القسم بس سامح بتجيله مكالمة بيرد عليها. عمر: هههههه إزيك يا سامح أن شاء الله متكونش كويس... سامح بعصبية: عمر!! ... ده انت يومك أسود معايا!! عمر بضحكة سخرية: هههه واضح. مالك بيشاور له يشغل مكبر الصوت وسامح بيشغله. سامح: قوول عايز إيه بالمختصر واختي ليه خطفتها؟؟

عمر: عايز إيه عايز انتقم بس من نادر ده وأخته دي يبقى أكبر انتقام ليه لما أقتلها قدامه زي ما ضربني قدام كل الموجودين !! سامح بيحاول يتعقب مكان التلفون بس مبيقدرش لأول مرة وده بيخليه يستغرب و مالك بيشاور له بمعنى حاول تهديه وبيمسك منو التلفون وبيعلي الصوت وبيقربه من أذنه سامح بيستغربه بس بيكمل. سامح: متتهورش يا عمر سهر والله بتحبك ولو ما بتحبك مكنتش جات معاك هي بتحبك أوي.

عمر بضحكة سخرية: وهي تستاهل اللي هيجرالها لأنها غبية أوي وأخوها هعلم عليه تعليمة مينساهاش طول عمره !! مالك بيشاور له بمعنى اسأله ليه. سامح: لييييه طب عرفت مشكلتك مع نادر عشان فرمایا نرجع لسبب المشكلة انت ضحكت عليه ليه واخدته على اسكندرية.

عمر: لأنه حكالي قصته وعنوان القصر واسم أمه وأبوه فعرفت إنه أخوكم الضايع وأنا أساساً كنت رايح أخلص عليك عشان سهر الوحيدة اللي تاخد الورث وبعدها كنت هضحك عليها وأخليها تكتبه باسمي وآخده بس طلع لي ده معرفش منين وبقي عليا انت وهو فقولت أخلص عليك ولبست مقنع وأخفيت وشي وطعنتك بس هو رفيع أويي فأنت قدرت تعرف إنه مش هوا ومقدرتش ألبسها فيه بس ده اللي حصل بس هو طلع أذكى مني وكشفني إنه هوا أنا !!

مالك بيبتسم وبيشاور له بمعنى خلاص وسامح قفل على طول. مالك بثقة: الواد ده في القصر!! سامح بنفي: مستحيل احنا شوفنا السيارة وهي بتاخد سهر وبعدين هوا مش غبي عشان يروح القصر وحتى لنفترض إنه صح انت عرفت إزاي؟؟ مالك بيأس: هو في القصر صوت البناء اللي جنبه ده ده نفس صوت البناء اللي جنبنا وأنا سامع الصوت بقوة كأنه قريب منه يبقى هوا في القصر وبعدين احنا مكملناش المقطع !!

سامح بيطلب دعم القوات بناء على طلب مالك وبيروحوا القصر وهما بيدوروا في كل حتة فيه لحد ما فتحوا المخزن.