رواية لست من نسلي الفصل الحادي عشر 11 - بقلم سوارة

كده بقى نجحت الخطة الأولى! وأنا مش هخليكي يا نهر بعد ما خليتي ابني يبعد عني، وكنتي عايزة تخربي بيت بنتي وعايزة تاخدي ابني الثاني برضه تنتصري عليا وهتشوفي! زياد وهو بيقفل الباب براحة: يا ترى يا ماما ناوية على إيه؟ كده في حاجات مستخبية ومش مفهومالي كتير، سواء وصية عمي ولا كلام نهر اللي قالته وأنا ما عملتش حاجة، وفي مؤامرات كتير بتحصل من ورانا وأنا لازم أعرف كل حاجة والحقوق تترد لأصحابها!

في صباح يوم جديد على طاولة السفرة. حسينة بخوف وحزن: لسه مصمم ما ترجعش الولد؟ طب على الأقل ادّي له فلوس، ده ابنك حتى! معتز بجمود: هو اللي صمم مش أنا، ولا مليم من فلوسي هديه له إلا لما يتنازل عن كلامه! زياد بسخرية: هو اللي مش هياخد منك أساسًا، لأني لحقته وادّيته من فلوسي أنا شخصيًا ورفض! حسينة بشهقة وزعل: يعني إيه؟ يعني كده خلاص أنا خسرت ابني؟ ابني لازم يرجع، رجعوا لي ابني! : السلام عليكم.

الكل بيبص تجاه الصوت بيلاقوها نفيسة جاية ومعاها تغريد. زياد بتأفف وصوت غير مسموع: أهو ده الناقص، اللزقة وملكة التمثيل شرفوا! نهر بتسمعه وبتبص عليه مسافة باستغراب من كلامه، بعدين بتستوعب بتضحك وزياد بيبص لها وبيبتسم، بعدين نهر بتفتكر وبتكشر له وبتنزل رأسها على الطبق قدامها وزياد بيبص لها بحزن وبيلف وشه. نور باستغراب وذهول من مجيئهم: وعليكم السلام خالتي وتغريد، اقعدوا اتفضلوا افطروا معانا.

نفيسة باستغراب: طب ما أنتي زي القطة بسبعة أرواح أهو، أمال إيه؟ نور باستغراب من كلامها: مش فاهمة! حسينة بتتوتر وهي فاهمة كل حاجة. نفيسة: أصل أكرم اتصل عليا وقالي إن الحمل تاعبك وإن مدين لكي بنج ومش هتفوقي إلا على الليل، بس أنا شايفاكي أحسن من تغريد نفسها! نهر كانت هتتكلم بس افتكرت كلام نور ليها وأنها اعتذرت منها فسكتت. زياد بهدوء: ونور مش حامل أساسًا عشان الحمل يتعبها!

نور بتسمع كلام زياد وبتبص على رياكشنات حماتها بتحس برجفة في جميع أنحاء جسدها وبتقع على الأرض مغشي عليها. حسينة بخوف وهي بتبص على زياد بغضب: نوووووور! نفيسة بعدم فهم: استني مش فاهمة إزاي نور مش حامل أساسًا؟ حد يوضح لي! الكل بيبص لها بتجاهل وهما خايفين على نور وبيتصلوا على الدكتور وبيجي يفحصها. الدكتور: ده تعب الحمل، جسمها ضعيف، كتبت لها على شوية فيتامينات! زياد بيقف على الزاوية وبيتأفف: تاني! نفس الكدبة!

نفيسة بتقعد شوية هي وتغريد ولما يحسوا بتجاهل وعدم ترحيب بيهم بيقرروا يمشوا. نفيسة بتفكير: يا ترى يقصد إيه زياد بكلامه؟ تغريد بتدقيق: هو قال إن نور مش حامل أساسًا، وأنا سمعته لما الدكتور قال حامل قال تاني نفس الكدبة، يعني نور مش حامل! نفيسة بشهقة: هييييييه مش ممكن معقول نهر!

زياد بعصبية: دي مش حاجة يتلعب بيها ها، بعد كم شهر أكيد جوزها هيعرف إنها كدابة، بعدين أنتم إزاي باقين على راجل مستعد يسيبك عشان حاجة ما لكيش دعوة بيها. معتز بعصبية: إحنا خلاص هنلم الفضايح دي كلها عشان نرتاح، نهر تولد ونور تاخد الطفل تربيه وأنت ونهر تتجوزوا. زياد بحدة: إييييييه؟ أنت عايزني أتخلى عن أبي، لا ده مستحيل! معتز

بحدة وهو بيجز على سنانه: وأنا مش بخيرك، سمعة العيلة بيكم كلكم وأنتو حطيتوها تحت الطين، بنت عمك هتتنستر بأنك هتتجوزها وعشان محدش يتكلم على الطفل وسمعة نور هتاخده على أساس إن ابنها وهتربيه ومنها بيتها ما يتخربش! نهر بعصبية: يااااااا سلام وأنتو فاكريني إيه اللي عايز فلوس يستغلني واللي عايز شهواته يستغلني واللي ما بيخلفش أخلف له، ليه شايفيني إييييييييه حرام عليكو!

وبتسيب الصالة جري وبتطلع على فوق، زياد بيبص عليها وهي بتطلع بحزن شديد. : مييييييييييييييين؟ زياد بهدوء: نهر ده أنا افتحي لي الباب شوية عايز أتكلم معاكي. نهر بعصبية: وأنا ما عنديش كلام معاك! زياد بحزن وهو يطرق: نهر أبوس إيدك افتحي الباب عايز أفهم منك كل حاجة حصلت لأني ما عملتش حاجة! نهر بضحكة سخرية: ما عملتش حاجة والله، أنت مش فاكر؟

مش فاكر لما ******* أنت كنت السبب في موت أبويا الأساسي، مش الثعبان لأن أبويا مات على حسرته بسببك! وبتقفل الباب في وشه. زياد بتذكر وتدقيق: في اليوم ده أنا فاكر إني لما صحيت لقيت نفسي في بيت عمي بس ما كانش في حد فيه، معقولة! : أنا هروح أشوف كاميرات المراقبة في اليوم ده عشان أفهم كل حاجة! وبيروح وبيفتح التسجيلات على تاريخ اليوم كان كل شيء عادي لحد ما جات لقطة... زياد بصدمة: معقولة.. دي جريمة مدبرة! يتبع.