رواية لست من نسلي الفصل الثامن 8 - بقلم سوارة

: الحمد لله قدرنا نلحقها قبل ما السم ينتشر بس الجنين... زياد بصدمة: جنين؟! جنين إيه يا دكتور هي مش حامل! الدكتور: لا أنا متأكد من كلامي، الحالة اللي جات معاكم ومتسممة حامل والجنين وضعه مش مستقر! نور وحسينه بيبصوا لبعض بخوف. زياد بذهول: حامل! وبيبص الكل على حسام بشك، وحسام بيبصلهم بخوف من اللي مستنيه. : أنا... أنا ما عملتش حاجة صدقـ... بيقاطع كلامه ألم نزل على وشه. زياد بعصبية: هقتلك يا حسام هقتلك!

معتز بيسحبه براحة: حرام يا ابني توسخ إيدك على أشكال زي دي، أنا هبلغ الشرطة! حسام بخوف: إيه! يا بابا صدقني أنا ما عملتش حاجة. حسينه بصدمة: عايز تبلغ الشرطة على ابنك يا معتز اللي من صلبك؟! مستحيل أسيبك تبلغ على ابني! معتز بعصبية: اسكتي أنتي، دي آخرة رَبَايتك أصلاً، أنا هطلقك كده كده، كان المفروض أعمل كده من زمان بس مش دلوقتي عشان نلم الفضايح شوية، الناس بتبص علينا! نور بتتسحب براحة ورا الدكتور بدون ما حد يلاحظها.

نور بتوتر: دكتور ممكن كلمتين؟ الدكتور باهتمام: اتفضلي، أنتي جيتي مع حالة التسمم مش كده، عايزة تسألي عليها؟ نور بقلق: أيوه أنا جيت معاها بس بصراحة كده أنا عايزة أطلب منك طلب صغير. الدكتور باستغراب: مني أنا؟! اتفضلي. نور بخوف من ردة فعله: ........................ الدكتور بصدمة: إييييييييه مستحيل! زياد بهدوء وخوف: دكتور احنا ممكن ناخدها معانا؟ الدكتور بتوتر: آه طبعاً ممكن تاخدوها معاهم بس تحطوها تحت عينيكم وراحة تامة!

زياد بابتسامة حزن: أكيد يا دكتور! الدكتور: يا ممرضة طلعي إذن باسمي بخروج المريضة سهير عبد الـ... زياد باستغراب: سهير؟! بس اسمها نهر مش سهير! الدكتور وهو بيدعي الصدمة: إيه ده بجد! ده أنا اتلخبطت بينها وبين مريضة تسمم تانية برضه. زياد بأمل: يعني نهر مش حامل؟ الدكتور بتوتر: أبداً ظاهر معايا أساساً إنها مش متجوزة. زياد بفرحة: طلع الدكتور ملخبط بينها وبين حالة تانية يعني نهر سليمة! معتز

وهو بيحط إيده على قلبه: الحمد لله يا رب خوفت مكونش قدام الأمانة اللي أخويا سابهالي، ألف حمد وشكر ليك يا رب. حسينه بتبص على نور بصدمة ونور بتبتسم بخبث وبتغمزلها. حسينه بخوف: أنا بدأت أخاف منك يا نور! زياد بأسف وهو بيبص على حسام: حقك عليا يا حسام ظلمتك. حسام بيبصله بهدوء وبيسكت. الممرضة: الحالة اللي جات معاكم فاقت! زياد بيجري على جوه بلهفة والكل وراه. زياد وهو بيمسك إيديها بخوف: نهر نهر أنتي كويسة حاسة بإيه؟

نهر بتبصله بقوة ووحدة مسافة وبعدين بتزقه بقوة وبترفع سبابتها نحوهم كلهم بعصبية: ابعدوا عني كلكم ولاد الـ***!