رواية ليالي الرعد الفصل السابع 7 - بقلم رودينا

ريهام: يعني إيه الكلام ده؟ شخص: يا فندم، وإحنا كنا نعرف منين؟ ريهام بعصبية: امال أنا معينكوا ليه يا بهايم؟ شخص: يا فندم، كنا نعرف إزاي حاجة في علم الغيب يعني. ريهام بتحاول تتحكم في عصبيتها: طب اقفل، اقفل. عند رعد وليالي، بعد ما اتغدوا في المطعم ومشوا. ليالي: الله، رعد ممكن طلب بس؟ بليز متتعصبش عليا. رعد: اطلبي اللي انتي عايزاه. ليالي: ممكن تجيبلي البلونة اللي بتنور ديه؟ رعد: طب وإيه اللي يعصب في كده؟ تعالي.

رعد اشترى لليالي البلونة وكملوا تمشية على النيل. رعد: بتحبي الدرة؟ ليالي: آه، ليه؟ رعد شدها وراحوا عند واحدة بتشوي درة واشترى منها الدرة وكملوا مشي وهما بيتكلموا عن منظر النيل الجميل مع إضاءات المراكب اللي فيه، كان منظر جميل. وبعد مدة روحوا. رعد: مبسوطة؟ ليالي بسرعة وفرحة: أوي. رعد: ربنا يبسطك كمان وكمان. ليالي بخجل: شكراً. رعد: طيب، يلا ادخلي غيري. ليالي: حاضر. دخلت ليالي غيرت ولبست بيجامة موڤ بنص كم وواسعة شوية.

رعد دخل لبس بنطلون شروال وخرج لأنهم اتفقوا هيتفرجوا على فيلم سوا. أول ما رعد خرج، ليالي شهقت ولفت وشها الناحية التانية. رعد ضحك وقال: في إيه مالك؟ ليالي وهي برضو لافة وشها: ادخل البس تيشرت يا رعد. رعد بهزار: تؤتؤ، أنا مرتاح كده. ليالي: ادخل البس تيشرت يا رعد. رعد: لا مش هلبس تيشرت، هاه وريني بقى هتعملي إيه؟ وراح قعد على الكنبة قدام التي ڤي.

ليالي: ولا حاجة، هعمل كده. ودخلت الأوضة جري وقفلت الباب وهي بتضحك لأن رعد جري وراها علشان يلحقها قبل ما تقفل باب الأوضة وملحقش. رعد: ليالي افتحي الباب. ليالي من جوه: لأ. رعد: افتحي الباب، الفيلم هيبدأ على فكرة. ليالي بذكاء: وقفوا عادي. رعد: أوقفوا إزاي يعني، ده تي ڤي مش يوتيوب. ليالي: ما انت موقفه أصلاً. رعد: يا بنتي، هوقفوا إزاي ده تي ڤي. ليالي: شكلك فاكرني هبلة ومش عارفة إنك فاتحه من على النت وموصله على الشاشة.

رعد: لا، طلعتي ذكية. طب اطلعي يلا. ليالي: مش طالعة ولا فاتحة غير لما تلبس تيشرت. رعد: هلبسه إزاي وهو جوه عندك؟ ليالي: سهلة، أوعد إنك تلبسه وهفتح. رعد: خلاص، وعد هلبس التيشرت. ليالي فتحت الباب وأدت وشها للحيطة، ورعد دخل ولبس التيشرت وخدها وراحوا يتفرجوا على الفيلم. بعد ما الفيلم خلص، رعد بص على ليالي لقاها نايمة، شالها ودخل حطها على السرير وحضنها ونام.

تاني يوم الصبح، صحي رعد قبل ليالي، دخل خد شاور وخرج لقي ليالي صحيت وقاعدة على السرير سرحانة. رعد: ليالي. ليالي: ....... رعد: ليالي يا بنتي. ليالي بدأت تعيط. رعد: بس بس، اهدى. في إيه؟ ليالي بعياط: ....