رواية ليالي الرعد الفصل الثامن 8 - بقلم رودينا

ليالي بركاء: ماما وحشتني اووي يا رعد. رعد حضنها وقال: معلش يا قلبي، هي دلوقتي في مكان أحسن كتير من هنا. وبعد شوية. ليالي: يلا نفطر. رعد: يلا. عند ريهام. ريهام بعصبية: يعني إيه المت*خلف ده نسي الاتفاق؟ يعني إيه؟ ها؟ شخص بهدوء: يافندم، إحنا مالنا؟ إحنا بننفذ وهو اللي خلف الاتفاق. إحنا مالنا. ريهام بعصبية: طب غوروا من وشي، غوروا. عند رعد وليالي. رعد: ليالي، إحنا مسافرين بعد بكرة. ليالي: إحنا مين؟ ومسافرين فين؟

رعد: أنا وإنتي. أما بقى مسافرين فين، دي بقى مفاجأة. ليالي: أووه. رعد: بقولك إيه، تعالي نخرج النهاردة ونلحق اليوم من أوله كده. وبعدين بص في ساعته لقي الساعة ٩. ليالي: ماشي، هنخرج امتى؟ رعد: دلوقتي، يلا هنتأخر. ليالي بصدمة: أيوه بس هنروح فين الساعة تسعة لسهر؟ رعد: قومي بس البسي وملكيش فيه.

ليالي دخلت لبست بنطلون أسود وبلوزة سوداء منقطة نقط كبيرة بيضاء من فوق، والأكمام مكشوفين. فلبست تحتها بدي بكم. ورعد لبس بنطلون أسود وقميص أسود. بعد شوية وصلوا المكان. ليالي: وااااو، منظرها حلو أوي. رعد، هو إيه المكان ده؟ رعد: دي قلعة صلاح الدين الأيوبي. ليالي: شكلها حلو أوي. رعد بضحك: طيب يلا ندخل نشوفها من جوه ولا هنكمل فرجة من بره؟ ليالي بسعادة: يلا.

دخلوه واتفرجوا جوه واتصوروا جمب الدبابات والطيارات، وجوه المسجد واتبسطوا. وبعد ما مشيوا من القلعة راحوا أيتوال علشان ياكلوا واتمشوا شوية في التحرير. وراحوا اتصوروا عند أيدين قصر النيل. وبعدين رعد خدها وراحوا السينما يتفرجوا على فيلم وقضوا يوم حلو أوي معاهم. بعد ما روحوا. ليالي بتعب وفرحة: اااااه، كان يوم حلو أوي وعملنا فيه حاجات كتير. رعد: أهم حاجة إنك اتبسطتي. ليالي: اتبسطت اووووي، شكراً يا رعد.

رعد: يارب تفضلي مبسوطة على طول. ليالي: يارب أنا وإنت يا رعد. عند ريهام. ريهام: أنا كنت متفقة مع رعد، إزاي ده يحصل؟ شخص: ... ياترى ريهام متفقة مع رعد على إيه؟ ياترى ليالي الدنيا هتفضل تضحك في وشها ولا القدر ليه رأي تاني؟ وياترى رعد بيتعامل كده في الحقيقة ولا بيمثل؟