رواية ليالي الرعد الفصل التاسع 9 - بقلم رودينا

ريهام: أنا كنت متفقة مع رعد، إزاي ده يحصل؟ شخص: يا مدام، إحنا مالنا؟ إحنا نفذنا الاتفاق. رعد هو اللي ما نفذش. ريهام: ماشي يا رعد، إن ما وريتك. وأنتي يا ليالي، موتك هيكون على إيدي. عند رعد وليالي. رعد: ليالي. ليالي (وهي نائمة) : نعم يا رعد. رعد: قومي فوقي كده. ليالي: عايزة أنام. رعد: لأ، كفاية نوم. ليالي: قمت أهو، نعسانة. رعد: قومي البسي يلا عشان نخرج. ليالي: نخرج فين؟ رعد: هنروح مطعم سي فود على البحر.

ليالي: أيوا، بس مفيش بحر في القاهرة. رعد: منا عارف. أومال مصحيكي دلوقتي ليه؟ عشان نلحق نروح إسكندرية. ليالي: طيب، بس هنرجع إمتى؟ وإحنا هنسافر بكرة. رعد: مش مهم، قومي بس البسي وسيبى الباقي عليا. ليالي قامت لبست بنطلون جينز أزرق وبلوزة واصلة بعد الركبة بشوية. ورعد لبس بدلة رصاصي، وخدها ورايحين إسكندرية. بعد ما وصلوا. رعد: حط الشنط في الشقة بتاعته اللي في إسكندرية. ليالي: رعد، إحنا رايحين فين؟ رعد (وهو يقلد طريقتها)

: أنا قولتلك إحنا جايين هنا ليه. ليالي (بهزار) : طبعاً، أنا لو حلفتك دلوقتي إني بنسى مش هتصدق. رعد (بطريقة مضحكة) : والله. ليالي (بضحك) : والله. رعد لما شافها بتضحك فرح، وقال وهو رايح ناحيتها بهزار وضحك: طب تعالي بقى. وقعد يزغزغ فيها وهي فطسانة على نفسها من الضحك. ليالي: رعد خلاص، أه. خلاص كفاية. خلاص بطني وجعتني من كتر الضحك. يا رعد. (شرقت وهي بتضحك) رعد (بهزار) : أنا معملتش حاجة، معملتش حاجة. وعمل كأنه خايف.

ليالي ضحكت تاني وعينيها دمعت من كتر الضحك. ورعد فرح أكتر أنه ضحكها أوي كده. وبعدين راح حضنها، وهي كمان حضنته وهي مبتسمة وفرحانة. وبعدين رعد خدها وراحوا مطعم سي فود وطلب رعد الأكل. تأكلوا وهما مبسوطين وطايرين من الفرحة. وبعد ما قضوا اليوم رجعوا الساعة ٩ بالليل. ليالي: رعد، أحضر لك العشا؟ رعد: لا شكراً، أنا شبعان. ليالي: أوكي. رعد: يلا ننام عشان عندنا سفر بكرة. ليالي: يلا. ورعد خد ليالي في حضنه وناموا. تاني يوم الصبح.

ريهام: أيوا يا زفت، عملت اللي قولتلك عليه؟ شخص: أيوا يا مدام، حصل. ريهام (بشر) : تمام، فلوسك هتوصلك بعد ما يحصل. شخص: تمام، مستني. عند رعد وليالي. صحى رعد وقعد يبص لليالي بحب. شويه بعدها بشويه ليالي صحيت. ليالي: إيه اللي مصحيك بدرى؟ رعد: مش عارف. ليالي: طيب، أوعى. رعد: ليه بقى؟ ليالي: هقوم آخد شاور. رعد: طيب، قومي. ليالي قامت خدت شاور، ورعد كمان خد شاور ولبسوا وجهزوا. وهما رايحين المطار. ليالي (بتردد) : رعد.

رعد: عيون رعد. ليالي (بتوتر أكتر وخجل نزلت راسها في الأرض وغمضت عينيها) : أنا جعانة. رعد (بحنان) : طيب، استني. هنزل أجيب فطار وأجي. خليكي هنا، متنزليش. ليالي: حاضر. رعد راح جاب فطار وفطروا وهما في الطريق. وصلوا المطار وركبوا الطيارة. قبل ما الطيارة تتحرك. ليالي (بدموع) : رعد، أنا خايفة. رعد (بحنان) : متخافيش، أنا معاكي أهو. ليالي: رعد، والنبي تعالي ننزل، أنا خايفة. رعد: متخافيش. إنتي ركبتي طيارة قبل كده؟ ليالي (بخوف)

: لأ، مركبتش. رعد (بحنان) : طيب، خلاص. هتلاقيها خايفة بس عشان أول مرة. ليالي حضنت رعد بخوف ورعد كان بيطمنها وبيطبطب عليها. وبعد شوية وقت الطيارة كانت في الجو. فجأة بوووووووووووم. الطيارة انف*جرت. ياترى رعد وليالي بخير ولا لأ؟ ياترى الطيارة انف*جرت كده من نفسها ولا كانت مدبرة؟ ياترى لو مدبرة، ريهام هي السبب ولا لأ؟ ياترى ريهام كانت متفقة مع الراجل يعمل إيه وهو نفذ؟ وياترى مستنية إيه اللي يحصل عشان تدفع للشخص ده فلوس؟