رواية ليان الادهم الفصل الحادي عشر 11 - بقلم دينا مصطفى

إبراهيم: الموضوع مصطفى هيحكيه بس ياريت منغير انفعالات يا عمر. (ينظر إليه بتحذير) عمر: بنظرة شك. وأنا هانفعل ليه يا عمي؟ إيه الموضوع؟ أدهم: اهدي يا عمر، خلينا نسمع هيقولوا إيه. مصطفى: الموضوع بدأ من حوالي عشر سنين لما كنت بشتغل في المخابرات. وقتها أنا كنت ماسك قضية مهما... (صوت دقات) مصطفى: ادخل. مصطفى: سيادة اللواء طالبكم. مصطفى: حاضر جاي وراكم. (يخرج مصطفى من مكتبه ويمشي على مكتب اللواء ويدخل)

مصطفى: أدي التحية تمام يا فندم، حضرتك طالبتني. اللواء: أه، اتفضل اقعد يا سيادة المقدم. مصطفى: خير يا فندم؟ اللواء: بص يا مصطفى، أنت عندنا من أكفأ الظباط واحنا اخترناك أنت وفريق للمهمة الجديدة، وهي مهمة كبيرة جداً ومفيش غيرك قدها. مصطفى: والله ده شرف ليا يا فندم، بس إيه هي المهمة الخطيرة دي؟ اللواء: (يخرج ملف من درج المكتب) اتفضل، ده ملف فيه كل التفاصيل اللي هتحتاجها. (يقوم مصطفى واقفاً ويؤدي التحية)

مصطفى: تمام يا فندم. (يخرج ليقابل العسكري) مصطفى: يا عسكري. العسكري: أدي التحية تمام يا فندم. مصطفى: اجمعلي الفريق في مكتبي خلال خمس دقايق. العسكري: تمام يا فندم. (يدخل مصطفى مكتبه ويرن على البيت، ترد ليان ذات عشر أعوام) ليان: الو يا بابا. مصطفى: (ببسمة واسعة) الو يا قلب بابا، عاملة إيه يا قلبي؟ ليان: (بدموع تمثيل) قلبك مش حلو يا بابا. مصطفى: (بتأثير من تمثيل بنته) ليه زعلها؟ وأنا أجي أطخه؟ ليان: (بخبث)

بجد هتضربوا بالنار؟ مصطفى: أكيد يا قلب أبوكي، اللي يزعل ليان لازم يتعاقب. ليان: سمعتي يا فاطمة، هييجي يعاقبك ويضربك بالنار. (ترمى له الهاتف وتجري) مصطفى: (على الناحية التانية) أه يا بنت الكلب، دبستيني مع اللي مبترحمش. فاطمة: (بزعل) بقا كده يا مصطفى؟ تقول عليا كده؟ مصطفى: (يضيق من نبرة صوتها الحزين) وأنا أقدر بردوا يا بطة قلبي، دي بنتك الفصعونة. فاطمة: لا والله، وأنت يعني مردتش عليها وقلتلها هاجي أضربه بالنار؟ مصطفى:

(لهم) وأنتي تعرفي عني كده يا فاطمة؟ وأنا اللي كنت فاكر إنك اللي بتحسي بيا. فاطمة: مالك يا مصطفى؟ صوتك متغير كده ليه؟ في حاجة؟ مصطفى: (يتنهد بتعب) مش عارف لسا يا فاطمة، بس حاسس بحاجة غريبة هتحصل. فاطمة: حاجة إيه يا مصطفى؟ قلقتيني. مصطفى: (يحب أن يغير الموضوع لكي لا تقلق) لا ولا حاجة، متشغليش بالك أنتِ. المهم، أمال عمر فين؟ فاطمة: عرفت إنه حب يغير الموضوع. عمر في الدرس لسا مجاش، أبقى رن عليه وأنت جي وهاته معاكم.

مصطفى: حاضر يا سمو الملكة. أي أوامر تانية؟ فاطمة: (بضحك) لا يا قلب الملكة. مصطفى: ملكتي أنا بس. (وفجأة يدخل أصحابه) مصطفى: طيب سلام دلوقتي عشان عندي شغل. فاطمة: سلام يا حبيبي. مصطفى: سلام يا قلبي. (يقفل وبيبص على صحابه، لقيهم متنحين) مصطفى: (باستغراب) إيه في إيه؟ خالد: (زميله فجأة نط بجانبه) ها، كنت بتقولوا إيه ها؟ ها؟ مصطفى: (يزقه ويوقعه من على المكتب) إيه في إيه يا ضنا؟ مالكم؟ محمود: (زميلهم بضحك)

أصلوا يا عيني عايز يتجوز. خالد: أه زي ما بيقولك كده، متجوزني البت الموزة بنتكم. مصطفى: نعم يا روح أمك. خالد: إيه في إيه يا عم؟ أهدي، هتقلني. مصطفى: لا مش كده، بس أنا خايف عليك منها. (أصحابه بصوا لبعضهم باستغراب وقالوا) أحمد: (زميلهم الرابع) أنت بتقول إيه؟ خايف على خالد من بنتكم؟ مصطفى: أه والله يا بني، بنت الكلب لسا موقعانا أنا وفاطمة في بعض، وكل يوم نفس الموضوع. كل يوم إيه ده؟ كل شوية. نفسي أعرف البت دي طالعة لمين.

(وبيبص لمحمود لقيه بيبص في كل مكان في المكتب ولقيهم كلمة بيبصوا له) محمود: إيه؟ في إيه؟ بتبصولي كدا ليه؟ مصطفى: عارف يا محمود، متيجي عندنا تاني هعمل فيك إيه؟ محمود: إيه يا عم؟ أنت بتهددني؟ وبعدين ده بيت أختي وهاجي زي ما أنا عايز ليك فيهم. مصطفى: يا أخي نفسي أعرف دخلت شرطة إزاي؟ دانت أول ما بتجمع على ليان بتقلب زي الطفل الصغير، حرام عليه، بوظتلي أخلاق البت. محمود: أخلاق إيه يا أبو أخلاق؟ دي بنت تبوظ أخلاق بلد.

مصطفى: صبرني يا رب. المهم، ركزوا في مهمة جديدة واحنا اللي هنمسكها. أحمد: مهمة إيه؟ مصطفى: الملف معايا أهو، هنشوف مع بعض. (وبعد ما شافوا الملف اتصدموا) خالد: إيه ده يا ولاد الحرمية دي كلها؟ أحمد: لا وكمان مخدرات. محمود: وسلاح وسرقة أعضاء. مصطفى: (بتفكير) المهمة طلعت مش سهلة. محمود: مصطفى، اخرج أنت من المهمة دي. مصطفى: أنت عبيط؟ أخرج إيه؟ لا طبعاً، مهمة زي دي لازم كلنا نكون فيها.

محمود: مصطفى، أنت عندك ولاد ومراتك، مينفعش تمسك معانا المهمة دي، أنت مشفتش كام واحد عيلته اتدمرت بسبب القضية دي. مصطفى: إن شاء الله مش هيحصل حاجة وهنقضي عليهم كلهم.