رواية ليان الادهم الفصل الخامس عشر 15 - بقلم دينا مصطفى

أدهم: المهم أسمعوني أنا عندي ليكم خبر مهم. إبراهيم: ببرود. عارف أبني هيقول إيه. خير يا أدهم. أدهم: بص لابوه. يعني مش عارف. إبراهيم: وأنا هعرف منين يعني. أدهم: والله على العموم أنا أخذت قرار إني هجوز. كريمة: بفرحة. بجد يا حبيبي. وضَمَّته. ألف ألف مبروك يا قلبي. ليان: بتكلم نفسها. هي مين اللي أمها داعية عليها دي. أدهم: سمعها. أنتي. ليان: من الصدمة طيرت اللي في بقها على عمر. عمر: إيه القرف ده.

أدهم: لمصطفى. عمي أنا بطلب أيد ليان للجواز. مصطفى: وأنا مش هلاقي حد أحسن منك يا أدهم لبنتي. بس لازم رأيها هي الأول. أدهم: أكيد يا عمي. اتفضل. مصطفى: عمر هات مامتك وليان وتعالوا. عايزكم. عمر: حاضر. وده كله وليان لسه في الصدمة. عمر: خدهم لفوق ودخلوهم. مصطفى: أكيد أنتوا سمعتوا اللي حصل تحت، صح؟ فاطمة: هو بصراحة أدهم شاب كويس ومش هنلاقي أحسن منه لليان. مصطفى: وأنت يا عمر؟ عمر: أنا رأيي من رأي ماما. بس ليان هي صاحبة الحق.

مصطفى: بص لـ ليان. ها، قولتي إيه يا ليان؟ ليان: بعد أما فاقت من الصدمة. قولتي إيه؟ في إيه؟ مصطفى: في موضوع جوازك أنتي وأدهم. ليان: وهو بقي أنت بتاخد رأيي ليه؟ منت خت رأيهم هما. ملهوش لزوم رأيي. عمر: يعني إيه؟ لازم رأيك علشان دي حاجة تخص حياتك. ليان: بسخرية. والله بعد ما بابا خد رأيكم وأنا آخر من سألني.

مصطفى: بس ده مكنش قصدي يابنتي. وبعدين مسك أيدها. حبيبتي أنتي عارفة غلاوتك عندي. أنتي بنت قلبي وأنتي عارفة كده كويس. وصدقيني أدهم شاب كويس ومش هيزعلك أبداً. ليان: بدموع. بس إنتوا عارفين إني نفسي أعيش قصة حب وأحب وأتحب. مصطفى: ومين قالك إنك مش هتحبي وتتحبي؟ ليان: لا والله. أمال اللي حضرتك بتطلبهوه مني ده إيه؟ عمر: أدخل في الموضوع. ليان بابا معاه حق. أدهم كويس وأنا واثق مية في المية إنه هيكون قد الثقة دي.

ليان: بزهق. يا عمر افهمني. عمر: أهدي يا قلبي وصدقيني مش هتندمي. ليان: قعدت على السرير بزعل. يا جماعة افهموني. أنا مبطقوش. إزاي عايزيني أتجوزه. أنا بكرهه. فاطمة: قعدت جنبها وحطت أيدها على رأسها وقالت لمصطفى وعمر. ممكن تسبوني معاها لوحدنا؟ عمر: ليه؟ مصطفى: شد عمر. تعاله يلا وسيبهم. عمر: حاضر. يلا. وخرجوا وسابوهم. فاطمة: ها يا حبيبتي إيه سبب رفضك للجواز من أدهم؟

ليان: يا ماما افهميني. أنا مش معارضة فكرة الجواز. بس أنا عايزة أتجوز عن حب. وأنتي عارفة كده. نفسي أعيش قصة حب زيك أنتي وبابا. فاطمة: بس أعظم قصص الحب هي اللي بتكون بعد الجواز. ليان: تمام. أنا معاكي في الفكرة دي. بس أنا وأدهم ده مبنطقش بعض. هنتجوز إزاي؟ ها فهميني. فاطمة: وفيها إيه؟ مش ممكن يكون هو معجب بيكي؟ ليان: معجب مين ده مبيعجبش بحد. فاطمة: أنا تعبت معاكي. وبعدين أبوكي مينفعش يرفض الجوازة دي.

ليان: قامت وقالت بانفعال. ليه؟ ها ليه مينفعش يرفض؟ إيه السبب؟ قوللي. فاطمة: لسه هترد سمعوا الباب بيخبط. أدخل. ودخل أدهم. أدهم: أحم. ممكن أدخل. ليان: منت دخلت خلاص. فاطمة: بتحذير. ليان. أدهم: ممكن نتكلم شوية. فاطمة: طيب أنا هنزل أشوف كريمة. أدهم: اتفضلي. ليان: بشر. إيه اللي جابك هنا؟ أدهم: قعد على الكنبة اللي جمب السرير بكل برود وقالها. اقعدي. ليان: بعند. مش هقعد. أدهم: بزعيق. أنا قلت اقعدي.

ليان: بلعت ريقها وقعدت بسرعة. أدهم: ها إيه بقي اللي مش عاجب الست ليان؟ ليان: بعصبية. أنت كلك على بعضك مش عاجبني. إزاي عايزيني أتجوزك؟ أنت إنسان بارد ومستفز. أدهم: بكل برود كأنه مسمعش حاجة. ها خلصتي؟ ليان: لسه هترد. أدهم قاطعها. دوري أنا أتكلم. قولت تحت إني هتجوزك. ليان: وأنا مش موافقة. أدهم: ليه؟ ليان: إيه اللي ليه؟ بعد كل اللي قولته ده ولسه بسأل؟ أدهم: طب إيه رأيك نتفق؟ ليان: اتفاق إيه؟

أدهم: يعني مثلاً أنا ممكن دلوقتي أخلي أبوكي اللي هو عمي يعلن إفلاسه بمكالمة تليفون. ليان: قامت وقفت بذهول. لا لا أنت مش ممكن تعمل كده. صح؟ أنت بتقول كده علشان أوافق صح؟ أدهم: وأنتي عمرك سمعتي إني بهزر قبل كده؟ ليان: بس ده عمك. معقول تعمل فيه كده؟ أدهم: آه. وأعمل أسوأ من كده كمان. ليان: بغل منه. آه يا واطي. وهما اللي فاكرينك ملاك. أدهم: طلع تليفونه وقعد يلعب بيه. ها قولتي إيه؟ هنتفق ولا؟

ليان: بدموع محبوسة. هنتفق يا حيوان. أدهم: توتو. مش عايز طول لسان. فاهمة؟ يلا اقعدي علشان نخلص لأني زهقت. ليان: قعدت. ها قول اللي عندك.