رواية ليان الادهم الفصل الرابع 4 - بقلم دينا مصطفى

عند أدهمّ في الشركه دخل بكل هيبة ووقار على الشركة وجميع الموظفين يتهامسوا ويوجد الخائف منه، والحاقد عليه، والمُعجبين به، وهو لا يبالي ويسير بكل كبرياء. دخل أدهمّ، ثم رفع التلفون ورن على معتز. عندما جاء معتز، قال أدهمّ: ساعة مستني سعتك يا سي معتز. معتز: وفيها إيه لما تستناني؟ ده أنا معتز الشرقاوي برده. أدهمّ بصله بكل برود وقاله: اترزع. معتز: أديني اترزعت. في إيه؟ مش على بعضك كده. أدهمّ:

مفيش، بس عمي ومراته وعياله جايين يوم الخميس الجاي. معتز: طيب كويس. فيها إيه؟ أدهمّ: مش عارف، حاسس أن في حاجة ورا جيتهم فجأة كده. معتز: بيفكر هيكون في إيه يعني؟ عمي إبراهيم مقلقش حاجة؟ أدهمّ: لا. المهم، عملت إيه في الملف؟ معتز: عملت زي ما أنت قلت. دلوقتي بنراقب هدى، بس في حاجة غريبة حصلت. أدهمّ: خير. معتز: أنا شفتها بتقابل الواد خالد بتاع الأرشيف امبارح، وبيتكلموا بصوت واطي، زي ما يكون خايفة حد يسمعهم. أدهمّ:

أممم. يبقا شكي في محله. معتز: قصدك أن هما السبب؟ أدهمّ: متشغلش دماغك أنت. دق دق. أدهمّ: ادخل. أميرة: أدهمّ بيه، في اجتماع النهاردة مع الوفد الروسي. أدهمّ: تمام يا أميرة، اتفضلي أنتِ. معتز: مش المفروض الاجتماع ده كان الأسبوع اللي فات؟ أدهمّ: آه، بس أنا أجلته. معتز: تمام. أنا هقوم أجهز نفسي على وقت الاجتماع. أدهمّ: تمام. نروح عند بطلتنا. شهد: أوف، إيه الدكتور اللي بيشرح بضمير ده. ليان:

ده طلع أمر من أبو كرش. المهم، في موضوع كده. شهد بجدية: في إيه؟ قلقتيني. ليان بخبث: أصل بابا قرر أنه يخطب لعمر. شهد بدموع: بجد؟ ماشي، ألف مبروك. ليان: في إيه يا شوشو؟ أنتِ زعلتي ليه؟ شهد: لا، وأنا هزعل ليه؟ أنا افتكرت حاجة، مهما. همشي علشان أعملها. باي. ليان: استني، تمشي فين؟ قوليلي، أنتِ مخبيا عني إيه؟ شهد اترمت في حضن ليان وانفجرت عياط. ليان: عيونها دمعت غصب عنها. شهد: بحبه، بحبه أوى يا ليان، وهو مش حاسس بيا.

ليان بعدتها عن حضنها ومسحت دموعها وقالتلها: ومين قالك أن هو مش حاسس بيكي؟ شهد: قصدك إيه؟ ليان: يا هبله، ده بيموت فيكي. ده لو ناقص يخطفك كان خطفك. شهد بسعادة: بجد ياليو؟ ولا أنتِ بتقولي كده علشان مزعلش؟ ليان: والله بيموت فيكي. شهد: أمال هيخطب إزاي؟ ليان: لا ياستي، اطمني. مش هيخطب ولا نيلة. أنا اللي عملت كده علشان تعترفي، بس لو كنت أعرف إنك هتعيطي مكنتش قلت. شهد بدموع: أنا بحبك أوى يا ليان، أنتِ أحسن أخت وصديقة ليا.

ليان: وأنا بحبك يا جميلتي وقلبي أنتِ. شهد: بس في مشكلة. ليان: إيه؟ شهد: أنا بابا أصر أننا نروح الإسكندرية يوم الخميس الجاي علشان نشوف عمتي. ليان: بجد؟ وإحنا كمان هنروح نشوف عمي؟ شهد: قولي والله. ليان: والله. وقعدوا يتنططوا في الجامعة والكل يبص عليهم.