رواية ليان الادهم الفصل السادس 6 - بقلم دينا مصطفى

ادهم: جه عند ليان واول ما رفع عينه جت في عينيها قلبه وقتها دق. ادهم بيبص في عينيها محس بنفسه اللي لما ليان مدت ايدها: ليان: ازي حضرتك؟ ادهم: فاق من الصدمة ورسم البرود على وشه. ليان استغربته جداً. ادهم: مدلها ايده. ادهم: اهلا. وبعدها قعد جمب عمر. ليان لحازم: هو انت متأكد إن ده أخوك؟ وهي بتشاور على أدهم. حازم بضحك: آه، ليه؟ ليان: أصل انتوا ناس روشة كده، لاكن هو أعوذ بالله، أنا خفت من نظراته. حازم: لا متخافيش، هو كده.

سلمي: بس يا حازم، متخليهاش تاخد عنه فكرة غلط. ليان باستغراب: وأنا آخد فكرة غلط عنه ليه؟ سلمي: مش قصدي، بس هو أدهم شديد شوية، بس والله قلبه طيب قوي. ليان: ربنا يخليكم لبعض. عمر لأدهم: سمعت إنك مسيطر على السوق اليومين دول. ادهم بنظرة استغراب قدر يخفيها بمهارة: إزاي هو يعرفه؟ عمر: متستغربش، أنا عارف كل حاجة عنك. ادهم بإعجاب من شخصية عمر: وعارف إيه بالظبط.

عمر: عارف إن اسمك الصياد، لأنك أي صفقة بتحط عينك عليها بتصطادها بطريقتك الخاصة اللي الكل عايز يقرب منك عشان خبراتك المتعددة. ادهم: منكرش إنك عجبتني يا حوت الاقتصاد. عمر: ههه، كنت عارف إنك عرفتني. وضمه بعض تاني: وحشتني يا دومي. ادهم: خبطه على كتفه. ادهم: دومي في عينك يا طفس. عمر: إنت لسه فاكر؟ والواد معتز عامل إيه؟ ادهم: قرفني في عيشتي زي الأول وأكتر كمان.

والكل مستغرب إزاي لسا شايفين بعض وبيتعاملوا كأنهم عرفين بعض من زمان. عمر وأدهم بصّوا لهم. ادهم: أنا هفهمكم من قبل ما تسألوا، أنا وعمر ومعتز كنا مع بعض في الجامعة في لندن. ليان: آه يا عمر، هو ده دولاكورا؟ ادهم: بص لها. ادهم: دولاكورا مين؟ ليان: لسا هتتكلم. عمر مسكها وحط إيده على بقها بخوف من أدهم: لا، مش أنت يا كبير، دي قصدها على معتز، مش كده يا ليو؟ وبيبص لها بتحذير. ليان: بعد ما شال إيده. ليان: إنت خايف من إيه؟

وبعدين بصت لأدهم. ليان: لا، إنت هو دولاكورا اللي عمر قالي عليه، وإنك كنت مكرهم في عيشتهم، وكمان كنت بتضرب الواد الغلبان اللي اسمه معتز، مش كده يا عمر؟ عمر بصدمة: هنموت أنا وإنتي يا أختي دلوقتي، عمر مين يا أختي، هو أنا قولتلك ده كله إمتى يا بت إنتي. ليان: لما كنت مستنية نتيجة الثانوية وأنت قعدت تحكيلي، فاكر. ادهم باستمتاع من كلامها: وحكالك إيه كمان. ليان: و أمم. عمر: اسكتي، هنموت.

إبراهيم: خلاص يا ولاد، يلا عشان العشا. وخرجوا كلهم عشان العشا وقعدوا يتعشوا. سلمي: إنتي في سنة إيه يا ليان؟ ليان: أنا في تانيه طب. حازم: الله، بقا عندنا دكتورة في العيلة، إنتي هتعالجيني ببلاش. ليان بضحك: أنا تحت أمرك، بس ليه. سلمي وهي بتاكل: أصل هو بيضرب كتير من أبيه أدهم. ليان بصوت واطي سمعه إبراهيم وكريمة: والله طلع أمر من دولاكورا. كريمة بصت لإبراهيم لقيته بيبص على أدهم اللي مشلش عينه من على ليان.

كريمة: بتفكر في اللي بفكر فيه. إبراهيم ببسمة: تفتكر ممكن يحصل اللي في دماغنا. كريمة: وميحصلش ليه، ادي إنت بس. عمر بيبص في ساعته: ليو، يلا الساعة عشرة ونص أهي. ليان: حاضر. سلمي: يلا. ليان: أصل النهارده الخميس واحنا ليلة الجمعة بنقعد مع بعض، وأنا أعلمه الحاجات اللي باخدها في الجامعة، وهو يعلمني أمور الشركة وكده يعني، بنستفاد من بعض. حازم: حاجة جميلة برضه، تمام. حازم: إحنا بكرة هنقضي اليوم كله مع بعض. ليان وعمر: أكيد.

ادهم: اتضايق من كلام ليان مع حازم، بس هو مش عارف ليه اتضايق. ادهم: أنا بستأذن، عندي شوية شغل هخلصه. الجميع: ربنا معاك. ادهم دخل المكتب وهو مضايق لنفسه. ادهم: هو في إيه، أنا متضايق ليه كده، وقلبي دق ليه أول ما بصيت في عينيها، أهدي يا أدهم، وأوعى تفتح قلبك لأي حد. ادهم: وبعدين دي حاجة طبيعية، أي حد أول ما هيشوفها هيحصل معاه كده، أيوه، دي حاجة طبيعية. وطلع على أوضته وهو بيقنع نفسه إنها حاجة طبيعية.