رواية ليان الادهم الفصل الثامن عشر 18 - بقلم دينا مصطفى

عمر: شهد، كنت عايز أقولك حاجة بس أتمنى تسمعيني للآخر. شهد: اتفضل. عمر: أنا من يوم ما شفتك وأنا بحس بحاجات غريبة، وكل ما بشوفك قلبي مبيطلش دق. وبصراحة أنا اكتشفت إني بحبك. آه، بحبك أوي كمان. وأنتي إيه ياترى؟ بتحبيني زي ما بحبك؟ شهد بكسوف: وأنا كمان بحبك. وقفلت في وشه. عمر بص للتليفون: هي قالت بحبك بجد ولا أنا سمعت غلط؟ لا، قالت بحبك. طلعت بتحبني زي مبحبها. يسعد أدهم ومعتز.

أدهم: معتز، جهز نفسك علشان أنت كمان خطوبتك مع خطوبتي بكرة، والفرح آخر الشهر. معتز بفرحة: بجد؟ أنا خطوبتي بكرة؟ أدهم: آه، بجد. معتز ضمه: أنت أحسن صديق في العالم. أدهم: علشان هعملك خطوبتك بقيت أحسن صديق. معتز بجدية: لا، أنت عارف غلاوتك عندي. أنت مش صديقي وبس، أنت أخويا يا أدهم. أدهم: عارف يا معتز. معتز: طب، أنت خدت رأي سلمى؟ أدهم: أنا بعتلها رسالة وهي جاية دلوقتي. ولسا مخلصش الكلام والباب خبط. أدهم: ادخل.

سلمي: دخلت. أبيه، حضرتك طلبتني؟ أدهم: آه، تعالي يا قلبي. سلمي دخلت وشافت معتز، نزلت عيونها في الأرض. سلمي: خير يا أبيه؟ أدهم: سلمي، أنتي عارفة إني بحبك صح؟ ومش هعمل أي حاجة تضرك صح؟ سلمي: آه طبعًا، كلامك صح. بس ليه بتقول كده؟ أدهم: علشان معتز متقدملك، وأنا عايز آخد رأيك قدامه. ها، إيه رأيك؟ سلمي بكسوف وبتفرك في صوابعها من التوتر، وأدهم لاحظ ده. أدهم ضمه: بلاش التوتر ده يا حبيبتي. أنا مش هغصبك على حاجة. ها، موافقة؟

وبيشاور على معتز: ولا أطرد الواد ده؟ سلمي هزت رأسها علامة على الموافقة، وسابتهم وطلعت تجري. أدهم بضحك: مبروك يا صاحبي. معتز ضمه بفرحة: الله يبارك فيك يا حبيبي. أنا هروح علشان أقول لماما. أدهم: أوك. وسلمي وهي بتجري خبطت في ليان. ليان بأستغراب: إيه؟ بتجري كده ليه؟ وبغمزة: وماله وشك أحمر كده ليه؟ سلمي بكسوف: هو... ليان بضحك: طب تعالي ندخل واحكيلي. ودخلوا. ليان بفضول: ها، قولي إيه اللي حصل. سلمي حكتلها كل اللي حصل.

ليان بفرحة: بجد؟ ده أحلى خبر سمعته اليومين دول. سلمي: سيبك مني وقولي، هتعملي إيه؟ ليان: في إيه؟ سلمي: بصي يا ليان، مش عشان أدهم أخويا هقول كده. لا، أنا الكلام اللي هقوله علشان أنتي في الفترة اللي قعدتيها هنا، أنا اعتبرتك فيها صاحبتي وأختي وحبيتك جدًا. ليان ببسمة: وأنا والله بحبك أوي.

سلمي: أدهم، رغم إنه بيظهر على وشه إنه صعب وعصبي، بس والله ما فيه أحن ولا أطيب من قلبه. وهو لما بيحب بيحب من كل قلبه. وأنا متأكدة إنكم هتكونوا أفضل ثنائي وأفضل من بتوع الروايات كمان. ليان بسرحان: أتمنى. أنا طول عمري بتمنى أعيش قصة حب زي بتوع الروايات. سلمي: صديقيني، هتعيشوا أحسن منها.