رواية ليان الادهم الفصل الثاني والعشرون 22 - بقلم دينا مصطفى

أدهم: بعصبية وإنتي مقلتليش ليه واحنا هناك؟ ليان: أهو اللي حصل حصل بقى. وبعدين منت ضربته بما فيه الكفاية. أدهم: بسخرية. أه صح. إبراهيم: خلاص بقى يا ولاد. الحمدلله إنها عدت على خير وليان رجعت بالسلامة. كريمة: أه صح. الحمدلله. يلا بقى عشان تتعشوا. ليان: والله انتي اللي فيهم يا كرميلا. أنا فعلاً هموت من الجوع لأن الخاطفين كانوا معندهمش ضمير. وبعدين كملت بصعوبة. يعني يرضيكم أقعد عندهم يوم كامل من غير أكل؟

حازم: بتأثر. لا حرام. ميرضنيش. أدهم: لا والله. معندهمش حق. كان المفروض قتلوكي وريحونا منك. ليان: بصدمة. أنا؟ يقتلوني أنا؟ أدهم: أه. إنتي. ليان: أمال إيه؟ ليان: سمعتي يا كرميلا بيقول إيه؟ أنا مليش فيه. ابنك كان عايزهم يخطفوكي ويموتوكي. إبراهيم: بس يا لمضة إنتي. وإنت يا أدهم. ويلا سيبوها تغير وتنزل عشان تتعشى. وبعدين نتكلم. مصطفى: تمام. يلا. وإنتي يا ليان خدي شور وانزلي عشان تاكلي. ليان: حاضر. نزلوا وسابوا ليان.

فاطمة: يلا يا جماعة. العشا جهز. وإنت يا عمر اطلع نادي لـ ليان. عمر: حاضر. طلع عمر لـ ليان لقيها بتلبس في الكوتش. عمر: بابتسامة حنونة. قلبي القمر. ليان: بنفس الابتسامة. بتجامل ولا إيه؟ عمر: وأنا أجامل إيه بس. إنتي مبتشوفيش نفسك في المراية. ليان: ماشي يا سيدي. هشوف نفسي في المراية. عمر: بضحك. طب يلا يا أختي خفي شوية. بسببك مكلمتش شهد.

ليان: بصدمة. وأنا بقول كده إيه سبب البسمة وكلمت قلبي وقمر. طلعت فرحان إني رجعت عشان أشوف البت شهد. واطي طول عمرك يا برنس. عمر: بهزار. ليه فكراني خايف عليكي ولا إيه؟ لا طبعاً. أنا فرحان إنك رجعتي عشان حبيبة قلبي. ليان: زعلت بجد من كلامه. يعني أنت بتحب شهد أكتر مني؟ ومكنتش خايف عليا؟ عمر: بص لها لقي الدموع في عيونها. مسك أيدها بسرعة. إيه ده؟ إنتي زعلتي ليه؟ ليان: دموعها نزلت. عشان إنت بتحب شهد أكتر مني.

عمر: مسح دموعها. والله كنت بهزر. وإنتي عارفة إنك كل حاجة في حياتي يا هبلة. إنتي بنتي مش بس أختي. ده أنا كنت هموت من الخوف عليكي. وكمان دموعي نزلت قدام العيلة كله. ليان: مسحت دموعها. بجد إنت عيطت؟ عمر: شوفتي. وبعدين أوعي كده. أنا زعلت منك. ليان: ليه إن شاء الله؟ عمر: بقا معقول بعد العمر ده كله تشكي في حبي ليكي؟ لا أنا زعلت بجد. ليان: خلاص بقى. منت مستفز. عمال تحب في البت قدامي وتقولي أنا مكنتش خايف عليكي.

عمر: يعني إنتي بتغيري عليا؟ ليان: أه. عشان إنت أخويا وأبويا وصاحبي وكل حاجة في حياتي كلها. عمر: الحمدلله. هيبتي اللي راحت قدام العيلة مرحتش على الفاضي. وبعدين افتكر إنه كان طالع ليه. أوبس. أنا نسيت إني كنت جاي أناديلك عشان العشا. ليان: يا أخي حرام عليك بقى. أنا هموت من الجوع وإنت واقف ترغي. عمر: بصدمة. أنا كنت برغي؟ ليان: أه. حتى لسه بترغي. عمر: طب أوعى كده خليني أنزل. ليان: بتعب مصطنع. مش قادرة أنزل على السلم.

عمر: عرف إنها بتمثل. لا والله. ليان: بصت له بصة الأطفال. أه والله. عمر: خلاص هشيلك. بس بلاش البصة دي عشان أنا بضعف على طول. ليان: بفرحة زي الأطفال. يعيش عمر يعيش. عمر: بضحك. طفلة والله. وشالها على ظهره. ونزلوا على السفرة. أدهم: هما اتأخروا كده ليه؟ مصطفى: شافهم نازلين أهم. جم أهم. أدهم: بص وشافهم. واتعصب لما شاف عمر شايل ليان. أو بمعنى أصح. غار عليها. عمر: نزل وقعد ليان على مقعدها. اقعدي يا شيخة. كسرتي ظهري.

ليان: لسه هترد. قاطعها أدهم. أدهم: وإنت شايلها ليه من الأصل؟ ليان: وإنت مالك يا حشري؟ مصطفى: بتحذير. ليان عيب. أدهم: سيبها يا عمي. وأنا هقولها أنا مالي. وبص لـ ليان. إنتي مالي يا ليان؟ ليان: باستغراب. مش فاهمه. مالك إزاي؟ أدهم: بكل برود. يعني بعد يومين إنتي هتكوني ملكي. بمعنى أصح. هتكوني زوجتي. ليان: بعصبية. نععععم؟ إنت اتجننت صح؟ مصطفى: ليان. اهدى. ليان: أهدى إيه؟ إنت مش شايفه بيقول إيه؟

مصطفى: وهو مقالش حاجة غلط. إنتي وأدهم وعمر وشهد ومعتز وسلمي. كلكم فرحكم آخر الأسبوع. يعني بعد يومين. ليان: بسخرية. وده قرار مين إن شاء الله؟ مصطفى: بصرامة. قراري أنا وعمك. ومفيش نقاش تاني في الموضوع ده. ليان: قامت بعصبية وسابتهم وطلعت أوضتها. مصطفى: بينادي عليها. ليان استني. ليان. فاطمة: أنا هطلع أشوفها. مصطفى: اقعدي يا فاطمة. اطلع إنت يا أدهم. إنت الوحيد اللي هتقدر تحلها. أدهم: قام بكل برود وغرور وطلع ليها.

عمر: ليه خليت أدهم هو اللي يطلع؟ إنت عارف ليان عنيدة وهيتخانقوا. إبراهيم: أبوك عمل الصح. أدهم هو اللي هيعرف يتفاهم معاها. معتز: دخل في نفس الوقت. السلام عليكم. الجميع: وعليكم السلام. إبراهيم: إنت روحت فين فجأة بعد ما جيت إنت وأدهم؟ معتز: بعد ما قعدت ماما اتصلت وكانت عايزة تطمن علينا. وما استريحتش إلا لما شافتني. عشان كده روحت طمنت. كريمة: الحمدلله. طيب مجبتهاش معاك ليه؟ معتز: أصل هي خدت العلاج ونامت.

سلمي: طيب هي كويسة دلوقتي؟ معتز: بابتسامة كلها حب. أه الحمدلله كويسة. وكويسة أوي كمان. إبراهيم: يا أخي راعي إن إحنا قاعدين. معتز: ببراءة. هو أنا عملت حاجة؟ حازم: لا خالص. سلمي: قامت من كتر الكسوف. عند ليان. أدهم خبط. ليان: بدموع. مين؟ أدهم: أنا يا ليان. ليان: بعصبية.