رواية ليان الزعيم الفصل السادس 6 - بقلم ايه عيد

ليان: اسر..... ا انا.... بحبك. اسر اتصدم وبصلها. ليان بطفولية: انا عايزة شوكولاتة بقي. اسر عارف انها مش في وعيها وبتقول اي حاجة وخلاص. اكيد مش هتحبه بالسرعة دي. اسر: طب قومي غيري هدومك. ليان: اه الفستان دا مضايقني اوي. وجريت على اوضة الملابس. واسر قاعد مستنيها وهو متأكد ان حد حطلها حاجة في العصير. *** تحت في الصالة بعد ما الحفلة خلصت والمعازيم مشيو. أميرة بعصبية: فضحتنا! شوفتوا عملت ايه.

كريمة بخبث: انا كنت عارفة ان البنت دي مش طبيعية. سيا بكبرياء: اسر ذوقه دايما حلو. مش عارفة ازاي اختار البيئة دي. سميرة بعصبية: سيا ممكن تسكتي شوية. يمكن هي تعبت او حاجة. أميرة بعصبية: تعبت؟ تعبت ازاي يعني انتي مشوفتيهاش وهي عمالة تعيط زي الأطفال وتقول عايزة شوكولاتة؟ دا ايه العبط دا.... يقولوا علينا ايه دلوقتي. كريمة: احنا خلاص اتفضحنا بسبب خدامة.

سميرة بغضب: يووه دا انتوا ايه، انا تعبت وهدخل اوضتي. اما اسر ينزلكم بقي ويشوف حكايتكم. *** برا في الجنينة. ميّار كانت ماسكة التلفون وبتتكلم بخوف: ارجوك انت قولت مش هتعمل كدا. انت عايز مني ايه؟ مجهول: انا قولت اللي عندي. يا اما تيجي يا اما افضحك قدام أخوكي..... وانا بصراحة سمعت كتير عن اسر السيوفي والاعرفه انه مبيرحمش. فا تخيلي بقي هيعمل فيكي ايه لما يعرف ان اختك ماشية على حل شعرها. ميّار

بدموع وغضب وصوت عالي: اخرس انت عارف كويس اني معملتش حاجة وانت اللي ضحكت عليا. مجهول: انا قولت اللي عندي وانتي ومزاجك بقي. وقفل السكة في وشه. ميّار قعدت على الأرض وبدأت تبكي. حازم كان واقف بعيد وسمع كل حاجة. قرب منها ونزل لمستواها. ميّار رفعت وشها ليه واترمت في حضنه وهي منهارة. وحازم بدأ يمسح على شعرها بحنية. حازم بهدوء: احكي. ميّار بعدت عنه وخايفة أحسن يقول لـ اسر. حازم مسك ايدها: قولي ومتخافيش. انا في ضهرك.

ميّار ارتاحت ليه وبدأت تحكي. ميّار: انا اول ما دخلت الجامعة اتعرفت على شاب وفهمني انه معجب بيا وبيحبني. وانا حاولت ابعد عنه كتير لاني.... بحب حد تاني.... وبصت على حازم. حازم بصلها بلهفة: مين هو؟ مين؟ ميّار بكسوف: ...... حازم: طب كمل. ميّار: جالي في يوم وقالي انه عايز نبقي أصحاب وبس. وكان عايز مني اني أفهمه حاجة في المحاضرة. وانا صدقته....

وأكملت بدموع: وكنت غبية. أخدني عربيته على أساس هنروح أي كافيه. لكن هو خدرني وأخدني شقته و.... حازم بغضب: وايييه.... انطقي! ميّار بدموع: مش فاكرة حاجة. كل اللي فاكره اني صحيت وهدومي كانت مت*قطعة واكتشفت انه صورني صور وحشة أوي.... أكملت بلهفة: بس هو ملمسنيش. هو صورني بس. انا روحت مع واحدة صاحبتي لدكتورة وانا لسه سليمة. بس المشكلة دلوقتي هو عايزني أروح بكرة الشقة دي. حازم وقف وبغضب: اسمه ايه الواد دا؟ ميّار

وقفت وبخوف: وائل. حازم: معاكي رقمه؟ ميّار: اه. حازم: هاتيه. ميّار عطته الرقم. حازم: انتي هتروحي عنده بكرة وتتصلي عليا قبل ما تطلعي من البيت. فاهمة؟ ميّار بخوف من شكله اللي اتحول: حاضر. وبيمشي حازم. وميّر هي مش عارفة ازاي بس حست براحة لما حكتله. *** فوق عند اسر. بتخرج ليان من غرفة الملابس. واسر بيتصدم لما بيلاقيها لابسة قمي*ص من بتوعه أبيض. بتجري وتقف على السرير، وبترفع ايدها لفوق وبضحك: يلا نلعب.

اسر برفعة حاجب: نعم؟! ليان بتروح عنده وبتقعد على رجله. اسر بابتسامة خبيثة: دا احنا شكلنا اتجرأنا زيادة عن اللزوم، بس عاجبني. ليان بتقرب منه وببراءة: ممكن اطلب طلب صغنون؟ اسر وهو سرحان فيها وبصوته الرجولي: وانا موافق. ليان بابتسامة: حتى قبل ما أطلب وافقت. اسر قربها منو أكتر. دفن وشه في رقب*تها وهمس بهدوء: وانا تحت ايدك. اطلبي اللي انتي عايزاه. ليان: ممكن أروح المدرسة. اسر بصّلها: وانتي مقدمة في مدرسة؟ ليان ببراءة: لا.

اسر: تمام بس بشرط. ليان بزعل طفولي عقدت ذراعيها: يوه شرط تاني. اسر ابتسم: امم. ليان بضيق طفولي: ايه هو بقي؟ اسر: مش دلوقتي هقولك بكرة أما تفوقي من اللي انتي فيه. ليان وقفت وبثقة: بس انا فايقة. وفجأة وقعت على الأرض. ليان: آآآه. اسر ابتسم وحاول يمنع ضحكته: طب يلا تعالي عشان ننام. شالها وأخدها ناحية السرير وحطها عليه. ليان ببراءة: ممكن طلب كمان صغنون؟ اسر استلقى جنبها: ايه؟ ليان: ممكن أنام في..... اسر فهم قصدها

وابتسم وفتح دراعوا ليها: تعالي. ليان جريت عليه وابتسمت بطفولية ودفنت وشها في حضنه. وهو ابتسم عليها وحس بإحساس جميل عمرو ما حس بيه قبل كدا. *** في الصباح وتحديداً في الملجأ. دخل مسعود بسرعة رهيبة على رحاب. مسعود بصوت خشن: الحقي يا أبلة لقيتها. حنان بلهفة: لقيتها فين ياض؟ مسعود: دي مشهورة على السوشيال ميديا يا أبلة ومعاها...... وسكت. رحاب: وريني كدا. أخدت التلفون وشافت الصورة واتصدمت.

رحاب بخوف بلعت ريقها: ا اسر السيوفي. مسعود بنفس الخوف: هنعمل ايه دلوقتي؟ الراجل دا مش سهل. رحاب: ما انا لازم أجيبها يعني أجيبها. حتى لو هخطفها. مسعود: بس افترض اسر السيوفي قفشنا. رحاب بعصبية: ما انت لازم تخلي بالك يا غبي. احنا لو مرجعناش البت دي هنا هنخسر كتير. جهز الرجالة ولازم تراقب البت دي لحد ما تخطفها. مسعود بقلق: ماشي. *** في القصر، في غرفة اسر.

ليان صحيت ودماغها كانت واجعاها أوي. حاولت تقوم لاقت نفسها مش عارفة تقوم وكأنها مربوطة. بترفع راسها وبتتصدم. ليان بصويت: آآآآآآآآآآآآآآآآآآآآآآآآآآآآآآآآآآآآآآآه. اسر صحي باستغراب من صويتها: في ايه؟ ليان بعدت عنه: انت ازاي تقرب مني كدا؟ اسر ابتسم ورجع استلقى تاني: انتي اللي جيتي بنفسك مش أنا. ليان بصدمة: نعم؟! اسر: أيوا. مكنتيش عارفة انتي بتقولي ايه امبارح. ليان بتوتر: بقول أي حاجة.

اسر قام وقرب منها وحاصرها في الحيطة واقترب يشم ريحتها. وليان مقدرتش تمنعه ولا تبعد عنه. اسر بصوته الرجولي الهاديء: قولتيلي.... بحبك. ليان اتصدمت: ايه؟ أنا قولت كدا؟ اسر: اممم. وقعدتي على رجلي. ليان صدمتها بتزيد أكتر. اسر بصّلها بابتسامة خبيثة: ولبستي قمي*صي. ليان بصدمة وهي بتبص على نفسها وفعلاً لابسة قمي*صه. جريت على غرفة الملابس وهي بتصرخ: آآآآآآه. اسر ابتسم على منظرها. وفجأة تلفونه رن. واستغرب لما لاقاه عدو. رجب.

دخل البلكونة ورد. رجب بخبث: أهلاً بعريسنا. اسر ببرود: عايز ايه؟ رجب بشر: مش عايز حاجة. كنت عايز أباركلك بس. وأقولك خلي بالك من العروسة. شكلكوا بتحبوا بعض أوي. اسر ببرود: وانت متصل بيا عشان الكلمتين دول؟ رجب: ههههه تفهمني انت كدا على طول. كنت بقول يعني لو تسلمني الشحنة اللي هتيجي دي أو.... هخلي العروسة تزعل. اسر بنفس البرود: طب ما تقول كدا من الأول عشان انا مبحبش اللف والدوران..... وأكمل

بنبرة مخيفة خلت رجب يخاف: ولو تقدر تعمل حاجة اعملها. وأنا مستني. وقفل السكة في وشه. *** خارج القصر. خرجت ميّار واتصلت على حازم وقالتله أنا رايحة العنوان كذا. وركبت تاكسي. وراحت الشقة وهي خايفة. رنت الجرس وفتح وائل. وائل بخبث: أهلاً بالقمر بتاعي. أنا كنت عارف إنك مش هتكسري كلامي وهتيجي. ادخلي. دخلت ميّار وهي خايفة والدموع في عينيها. وائل قفل الباب واتجه ناحيتها بخبث.

وائل: أنا مكنتش أعرف إنك حلوة بالشكل ده. أوبس. أسف نسيت إني شفتك قبل كدا من غير حاجة. هههههه. ميّار بخوف: ابعد عني وإلا هصوت وألم عليك الناس. وائل بسخرية: وأنا معنديش مانع بالمرة تعرفي الناس كل حاجة. وأخوكي يعرف. وبدأ يقرب منها وهي بترجع لورا. وفجأة الباب بيتكسر وبيدخل حازم بغضب جنوني. وبيمسك وائل من ياقة قميصه وبيضرب بوكس. ووائل مش بيبقى قادر عليه. ميّار واقفة في الزاوية بتعيط وحازم نازل ضرب في وائل.

وائل وشه كله بقى ينزف ومش قادر ياخد نفس. ميّار بدموع: حازم. ك كفاية ارجوك. انت كدا هتضيع نفسك. حازم مردش عليها ومكمل. ميّار بدموع وصوت عالي: حازم كفاية. أنا عايزك جمبي. حازم وقف وبصلها. وبعدين دخل على أوضة وائل وأخذ التلفون واللابتوب وكسرهم مليون حتة. ودور كويس وملقاش أي فلاشات أو أي حاجة تاني. وبعدين أخد ميّار وخرجوا. وركبوا العربية. حازم قاعد بياخد نفسه وهو متعصب. ميّار: حازم.

حازم بعصبية: تانييي مرة متكلميش شباب في الكلية. انتي فاهمة؟ ميّار بخوف: حاضر. وبعدين بتعيط. حازم هدى بعد ما شاف دموعها: أنا آسف. مكنش قصدي أتعصب عليكِ. ميّار بدموع: لا. متتأسف. انت معاك حق. حازم بيمسك وشها ويقربها منه: لا. أنا عملت كدا غصب عني من غيرتي عليكِ. ميّار بصتله: غيرتك؟ حازم بصّلها بحب: ميّار أنا.... أنا بحبك. ميّار مصدومة وبنفس الوقت مكسوفة وساكتة. حازم: ايه؟ مش هتقولي حاجة؟ ميّار

نزلت وشها في الأرض: أنا..... حازم بحزن: أنا فهمت. انتي بتحبي حد تاني. ميّار بسرعة: لااا. أنا بحبك انت. حازم ابتسم. وميّر استوعبت هي قالت ايه ولفت وشها الناحية التانية بكسوف وهي مبتسمة. حازم وهو مبتسم: طب هوصلك البيت دلوقتي عشان ميحسوش إنك اتأخرتي. ويّار ساكتة خالص.