رواية ليان الزعيم الفصل الأول 1 - بقلم ايه عيد

عدا سنة كاملة والكل سعيد وفرحان وليان خلصت المدرسة ودخلت الجامعة وحب أسر بيزيد أكتر وأكتر، وحب ميار وحازم. *** صحي أسر على بوسة من ليان. مسكها وقربها منه. ليان بزعل طفولي: أسر، مش كل مرة تعمل كدا. أسر دفن رأسه في رقبتها: اممم. ليان: أنا بكلمك على فكرة. أسر بصلها واستلقى على السرير واخدها في حضنه. ليان بصتله ببراءة: ممكن أطلب طلب؟ أسر: إيه هو؟! ليان قربت وحركت إيدها على صدره العاري بدلع: ممكن أروح عيد ميلاد صحبتي نور؟

أسر بحدة: لأ. ليان قامت من حضنه وبزعل: ليه؟! أسر قام من على السرير ومسك التيشرت وهو بيلبسه وهو بيتجه للبلكونة: عشان انتي لسة صغيرة على الحاجات دي. ليان قامت ومشيت وراه: حاجات إيه؟! دي حفلة عيد ميلاد عادية. ودخلت عنده البلكونة، أسر شدها وحاصرها بين سور البلكونة. أسر بحدة: وأنا قولت لأ، يعني لأ. ليان بزعل: بس أنا عايزة أروح. أسر بغضب: وبعدين معاكي. ليان بحزن: انت مش عايزني أروح ليه طيب؟

أسر اتنهد: عشان في هناك شباب مش كويسين، وهيبقى في مشروبات وحشة. ليان بصتله: بس أنا مش هشرب والله، أنا هقعد شوية وهاجي على طول. أسر دفن وشه في رقبتها بهمس: انتي مبتسمعيش الكلام ليه؟ وطبع علامات ملكيته بقوة. ليان بعدته عنها بلم: أسر بس بقى. وبصتله: بس أنا عايزة أروح. أسر بغضب: هو أنا مش قولت مفيش مرواح؟ ليان قربت منه بدلع: عشان خاطري. أسر ابتسم، وبعدين سابها ودخل جوه. ليان بصوت عالي: موافق؟! أسر ببرود: لأ.

واتجه للحمام. ليان اتضايقت، وقعدت على السرير. *** في شقة حازم. حطت الخادمة الأكل ووجه حازم وميار وقعدوا ياكلوا. ميار: حازم انت وراك حاجة النهارده؟ حازم: آه هروح الشركة والمصانع وورايا شغل كتير. ميار بحزن: كنت عايزة نعمل عشا مميز احنا الاتنين. حازم مسك إيدها بابتسامة: عيوني، أخلص بس اللي عليا وهعمل اللي انتي عايزاها. ميار بابتسامة: أنا بحبك. حازم بابتسام: وأنا بعشقك. ها هتعملي إيه النهارده؟

ميار: هروح الكلية وبعدين هروح عند ماما أقعد معاها شوية. حازم: تمام وأنا هبقى أجي آخدك بليل. ميار: ماشي يا حبيبي. *** في قصر عيلة السيوفي. الخدم حطوا الأكل على السفرة وقعدت سميرة وأميرة، ونزل أسر وليان وراه اللي مضايقة. وقعدوا. أميرة: مالك مضايقة ليه كدا يا ليان؟ ليان بضيق وهي بتبص لأسر: اسألي ابنك. أسر بصلها بحدة: اتكلمي عدل. ليان بصت في طبقها بضيق. أميرة: فيه إيه يا أسر؟ أسر: مفيش، الهانم بتتدلع شوية بس.

ليان بصتله بضيق. وهو أكمل طعامه وقام، وبص على ليان. أسر ببرود: يلا. ليان قامت معاه. وطلعوا وركبوا العربية وليان مش عايزة تتكلم مع أسر. *** في مكان مجهول، يجلس شاب في منتصف العشرين على الكرسي وقدامه واحد تاني كبير في السن. تامر: انت هتفضل كدا، مش هتعرفهم إنك لسة عايش. الراجل: مش دلوقتي. أنا مستني اللحظة المناسبة. تامر: هتستنى لحد امتى يعني، ما أنا مش هسكت. أنا ليا حق هناك.

الراجل: ما قولتلك لسة بدري، أسر مش هيصدق إنك أخوه بسهولة. وكدا كدا كل حاجة مكتوبة باسمه. تامر: أنا مليش فيه، أنا عايز حقي وبس. زي ما هو ليه، أنا ليا، فاهم ولا لأ؟ الراجل بغضب: فهمت خلاص اسكت بقى. *** قدام الكلية. أسر وقف العربية وليان كانت لسة هتنزل. أسر مسك إيدها وقربها منه. أسر بحب: متزعليش مني لو ضايقتك. ليان بضيق طفولي: لا شكراً، دا انت مش ضايقتني خالص. أسر ابتسم عليها: طب تعالي بقى.

وقربها منه أكتر ومسك وشها بإيده وطبع قبلة قوية على شفايفه. ليان بخجل وصدمة: على فكرة احنا قدام الجامعة. أسر بابتسامة: وأنا أعملهم إيه يعني؟ ليان بكسوف: كدا عيب. أسر بابتسامة خبيثة وهو بيقربها أكتر: أحبك وأنتي زي الفراولة كدا. ولسة هيقرب ليان فلّتت منه وطلعت من العربية. ليان بضحك: باي. أسر ابتسم، وشاور بإيده بمعنى مع السلامة. وكان فيه حد بيراقبهم. *** في الجامعة وتحديداً في المدرج. نور بزعل: يعني مش هتيجي؟

ليان بحزن: ولله أسر مش موافق. نور: وهو انتي مش ليكي شخصيتك، يبقى أسر يتحكم فييكي ليه؟ ليان بدأت تفكر بتوتر: عشان هو جوزي وكمان أنا مسئولة منه. نور: يا بنتي فوقي بقى، انتي مش عيلة صغيرة عشان يقولك لأ وأه. أنا لو مكانك هروح الحفلة ومش هيهمني حد. ليان بتوتر: بس لو عرف أنا. نور قاطعتها: وهو هيعرف منين، انتي مش بتقولي إنه بيتأخر في شغله؟ ليان: آه. نور: يبقى خلاص تعالي واقعدي نص ساعة، وبعدين امشي.

ليان بارتباك: انتي متأكدة؟ نور بابتسامة: أيوة متأكدة، انتي كبرتي خلاص ولازم تعملي اللي انتي عايزاه. ليان بتحدي: صح، انتي صح. أنا هاجي من وراه النهارده. نور حضنتها: أيوا كدا. *** بليل أسر بالفعل اتأخر، وليان قررت إنها تروح الحفلة من وراه. لبست فستان وكان على قدها وواصل لقبل الركبة وسابت شعرها مفرود وجهزت نفسها، وطلعت من الباب الخلفي.

وبالفعل راحت الحفلة واتأخرت هناك. وأسر رجع وملقهاش. سأل والدته وجدته والخدم عليها وهما ميعرفوش عنها حاجة، واتصل بيها مردتش. وهو عرف إنها عصت كلامه وراحت الحفلة. *** في الحفلة. ليان كانت مبسوطة ونسيت خالص إنها تشوف تليفونها. وكان فيه شباب في الحفلة معجبين بيها. واحد قرب منها. الشاب: ممكن نتعرف بالقمر؟ ليان بعدت عنه وراحت لنور، والشاب مشي وراها. الشاب: استني بس، أنا بكلمك. نور: عايز إيه يا شهاب؟

شهاب: مفيش أنا كنت عايز أتعرف عليها بس. نور: بس هي متجوزة. شهاب بضحك: أكيد بتضحكي عليا عشان مأكلمها. نور بثقة: لا يا أخينا، دي متجوزة. ومتجوزة أسر السيوفي كمان. شهاب بتوتر: إيه؟! مين؟ نور: لو مش مصدقني ابحث عنها في الفون وهتلاقيها. وبالفعل الشاب بحث واكتشف إنها فعلاً مرات أسر السيوفي، وخاف وبعد عنها بسرعة. ليان مسكت تليفونه. ليان بصدمة: أنا اتأخرت أوي. وأسر متصل عليا كتير. ليان خافت والدموع

بقت تتجمع في عنيها: مش هيسكت. نور: طب أهدي، يمكن لسة مرجعش البيت وبيتصل كدا عادي. ليان بخوف وهي بتلم حاجتها بتوتر: لا أنا لازم أرجع دلوقتي حالا. نور: طب است. مكملتش كلامها لما ليان طلعت بسرعة وهي خايفة. *** في القصر. ليان دخلت بشويش وطلعت على فوق بخوف وبتدعي إنها متلاقيش أسر. بتدخل الأوضة وبتلاقيها ضلمة، بتفتح النور وكانت متجهة للحمام سمعت صوت وراها. أسر بحدة: كنتي فين؟ ليان اترعبت وبصتله بخوف.

أسر قام من على الكرسي وقرب منها، وهي بقت ترجع لورا. لحد ما حاصرها في الحيطة. أسر بحدة: كنتي فين يا هانم؟ ليان بخوف ودموع: كـ كنت. أسر صرخ فيها: انطقي! ليان انتفضت وخافت: كنت في الحفلة. أسر بحدة: اممم، وأنا قولتلك تروحي؟ ليان بخوف: لأ. أسر بغضب: يبقى بتعملي العكس ليه؟ ليان بدموع: أسر أنا آسفة. أسر بغضب: أنا دلعتك كتير وكفاية لحد كدا. أسر مسك دراعها بقوة وطلع برا الأوضة. ليان برعب ودموع: أسر، وواخدني على فين؟

أنا آسفة مش هعمل كدا تاني. أسر اخدها والغضب عماه. ودخل أوضة صغيرة في الدور الخاص بيه وكانت ضلمة. أسر زقها لجوا بعصبية. أسر بغضب: أنا بقي هعلمك الأدب. ليان بخوف ودموع وجريت عليه: أسر، أسر ارجوك متعملش فيا كدا. انت عارف إني مش هستحمل. أسر أنا مش هعمل كدا تاني صدقني، مش هعيدها. أسر بعدها عنه بحدة: أنا ساكتلك بقالي فترة طويلة، وانتي مش بتسمعي الكلام. فا لازم أديلك قرصة ودن صغيرة عشان متتكررش. وطلع وقفل الباب بالمفتاح.

ليان بدموع وخوف: أسرررر. فجأة.