رواية روآية ليه اعـور رآسسي وآحَـساسك جَـمآد ~ الفصل الثالث والثمانون 83 - بقلم Khalek Poetess

هو دآئما بالقرب 
ليفعل شيئاً حيآل حُزني وألمي 
يسندُني كلمآ شآرفتُ على آلوقوع 
ينتشلُني من أصعب آلموآقف 
ويقفْ بجآنبي في أصعب آلظروف ! 

كانوا جالسين يتغدون ف احد المطاعم القريبة من بيته
وهي مستمرة تحرك ملعقتها ب عبث داخل كاسة الشوربة 
ومالها عين تناظر فيه 
ب الرغم انها حاسة كيف نظراته اخترقت اعمق ذرة ب داخلها !
وقفت يدها بعد ما حط يده عليها وهو ينطق بحدة : حرام كذا !
سحبت يدها من تحت يده وهي تحطها ف حضنها 
وتوجه انظارها له 
كان يناظرها وهو يشرب الببسي 
ابتسمت لا اراديا بعد ما نطق : لا اللحين احلى! 
نطقت وهي لا زالت مبتسمة : من شوي قلت لي كان احلى ! اثبت ع رأي واحد! 
نطق بعد ما دفع الحساب وهو يمد يده لها : انتي حلوة!
ابتسمت ب احراج وهي تمد يدها له
ومشوا خارجين من المطعم بيرجعها البيت 
نطقت باستعطاف وهي تستوعب الطريق : اصيل ما ابغي ارجع البيت وين بتروح ؟!
نطق وهو يناظر قدام : اليوم عندي اجتماع مهم ادعيلي اطلع منه وانا المنتصر! 
عقدت حاجبها وهي تشد ع يده وتجبره يوقف : مع ابوي ؟! 
ناظر بعيد عنها لثواني ورجع وجه انظاره لها : ايوا! 
نطقت بقوة وبوضوح : ما قلت لي ايش خطتك معه ؟ وايش ناوي تسوي معه بعد الي صار ؟!
تنهد وهو ينطق بعجز لا ارادي : ما بسوي شي ! من يوم ح ( قطع كلمته وشعوره الحقيقي الي كان بينطق فيه سهواً قدامها ) ظهرتي قدامي ودريتي بكل شي وانا مو قادر اسوي له اي شي !
نطقت بعقدة حاجب : ليه ؟!
اصيل وهو يبلع ريقه : ما ابغيه يدري انها حية ! امك للحين تحب هالنذل رغم الي سواه فيها ! ما ابغيها تشوفه وتضعف وتسامحه وما بتتحمل صدمة لقاءها فيك ،، عقابي له يجبرني اعترف ب وجودك لها وانا ما ابغي أأذيها ! واصلا انا مرسل له شهادة وفاتها مزورة!
فتحت عيونها وهي ترجع تضربه ع صدره : كم مرة اقولك لا تفاول عليها؟!
رفع حاجبه وع ثغره شبه ابتسامة 
كملت وهي تناظر بعيد : ودي ارتكب فيه جريمة وادخل سجن لكن ،،
سكتت وهي ما على بالها الا شكله مع سلوى وعبد الله وعسل
عيلة كانت تتمناها !
وتحسدها !
نطق وهو يناظرها بحدة : وانتي كمان تحبيه وانا اتفرج عليك انتي وامك واتكتف عشان ما أأذيه عشانكم !
ابتسمت ب استهزاء وهي تناظر الشارع الي وراه : ايه احبه انا ! بس احبه مع عيلته الي كنت دائما اشوفها اجمل ب دوني ! تدري اصيل ا وهي تناظر بعيد عنه ) قبل لا اشوفك كنت اتمنى لو اني ميتة مع امي ف الحريق ! وانا اشوفه سعيد مع عيلته بدوننا بس اللحين ( وهي تناظر عيونه بضعف ) صرت اتمنى لو ان الحريق اكل الكل الا انا وامي تركنا نعيش مع بعض !
اجهش صوتها والدمعة ابتدت تطفو ف عيونها 
والي ما خفت عن اصيل 
الي مشى وعطاها ظهره كأنه ما يبغي يشوف دموعها !
او انه ما يبغي يسمع هالكلام !
او انه تمنى تحكي شي يخصه!
شكرا ،،
أو آحبك مثلاً !
مشت وراه وهي تمسك يده 
لف لها وابتسمت له وهي تنطق وعيونها ب عيونه : اللحين ابغيك انت وامي وبس !
ابتسم ولا اراديا تغيرت نظراته !
لتصبح النظرات الشبيهة بالنظرات الصباحية الحقيرة اللا ارادية !
الي خلتها ما ترفع راسها بوجهه لساعات طويلة 
نطق وهو يرفع حاجبه : واخوك ؟ ما تبغيه ؟!
سكتت شوي بعدها قالت بذكاء : ان كان الي ببالي ف ما ابغيه !
رد وكأنه فهم عليها : ليه ؟!
ناظرته بعمق وهي ترد من بين اسنانها وكأنها معصبة منه : لأنه نذل وحقير !
ابتسم لا اراديا وهو يتذكر حال فيصل بعد ما درى انها درت عندها اخ 
وكيف طلب منه يصورها له وهي عنده ف البيت بدون ما تدري 
وكيف انه شايل هم لو انها رفضته لانه ما قال لها 
وبالتأكيد خوفه ب محله !
لأن شكلها عارفة انه عمر الحارس الشخصي لبيت عمها!
ذكية مثل فجر لا يمكن تعبر عليها كذا امور !
نطق وهو يعطيها ظهره مرة ثانية : بتأخر ع الاجتماع 
مشت وراه وهي تنطق بأمر : ب اجي معك عشان افرح ب انتصارك ضد ابوي !
نطق بدون ما يلف لها : وان خسرت المناقصة ؟! 
مشت بسرعة وهي تمسك يده وتمشي بجنبه : ب اواسيك ب حزنك !
ناظرها بطرف عينه وهو يشوفها تضحك 
كان وجهها طفولي لدرجة 
وكأنها بالامس كانت انسانة ثانية شابة 
واللحين ما هي الا طفلة !

/
\
/
\

فرنسا /
بعد ثلآث سآعآت 

رجع بكرسيه لورا ووقف وقفة أسد 
وابتسامة الانتصار منحوتة ع وجهه! 
تعب سنين 
تعب عقل 
قلب 
وروح،،
انتهى ب راحة أبدية !
نال مُراده !
انتقم !
رغم انتقامه هذا ما كان الانتقام المرجو
لكن 
عشان آبوه 
عشان عمته 
عشان فيصل
عشانها هي 
وعشان كرامته 
ونفسه 
هذا الي تمناه من عمر طويل !
انه يشوف هالانسان يذوب قدامه 
وكأنه شمعة !
كأنه رجل رومانسي 
وبيستمتع ب منظر ذوبانها !
وجه انظاره ناحيته 
وهو يناظره ب نظرة آل " سويتها " 
" انتقمت منك "
" رد فعل لفعلك البآئس الحقير "
مد يده لاكثر من شخص 
وهم يهنئوه بهذا الانتصار المبين 
الي ظهر فيه الحق 
وزهق الباطق !
هذا اليوم بيخلد ب ذاكرته !
وهو يكسب مناقصة كان عمر العاصم 
بنفوذه وبسلسلة شركاته 
وبخمسين عام من عمره 
يبني لها !
عشان تكون له !
واصيل الشاب الثلاثيني 
ب شركته الوحيدة
قدر انه ينتشلها من بين يده !
ويضحك عليه كمان !
ابتسم براحة 
ابتسامة من قلبه 
لأن هالخطوة بتكلف عمر الكثير! 
لأن قروضه وميزانيته كلها تعتمد ع هالمناقصة !
والي بتكون كأنها ثقب 
ب قارورة امواله!
انسحب شوي شوي 
وهو يبغي يركض ويصارع الزمن عشان يهديها انتقامه ! 
طلع بسرعة من الباب 
لكنه وقف بعد ما سمع صوته 
الي يميزه من بين الف صوت : اصيل !
لف له ووقف وهو يسحب سجارة ويفتحها قدامه 
ويحط يده باحد جيوبه وهو ساكت 
نطق عمر بحدة : وينه ابني ؟!
ابتسم اصيل باستهزاء وهو يسحب نفس من السجارة ويناظر فيه مطولا : ب ابلغه بيزورك ،، لكن اذا رفض ف مالي حيلة !
نطق بحدة اكبر : لا تخليني اطلع لك بكل مكان عشان اعرف مين يكون !
رد بنفس وتيرة صوته : ما يحتاج تدور عشان تعرفه ! بتعرفه تلقائيا ! ما بتغلط فيه ! 
مشى وعطاه ظهره 
لكنه رجع وهو ينطق بابتسامة : المناقصة هذي والفلوس الي خسرتها كانت رد ع حسابات بنتك الي جمدتها ! عشان المرة الجاية تحسب حسابك وما تتعرض لزوجتي !

ܓܨ•••
✖ 

كانت جالسة ب كافتريا الشركة
الي ب طابقها الثالث اجتماع يجمع اصيل وابوها 
بمنافسة كبيرة 
رغم معرفتها بضرورة بر الوالدين 
وانهم دين ودَين 
لكن تعترف انها هي 
وجوارحها 
واحاسيسها 
وقلبها كله معه !
مع عدو ابوها !
كانت تبغي تشوف الهزيمة ب عيونه 
بدون ما تشوفه !
اصيل بينقل لها نظرته 
ما تبغي تشوفه
طالما هي حية ! 
وتشم الهوا 
تبغي يكون بعيد عنها وعن نظرها !
بُعد السما عن الارض !
تنهدت وهي تسند يدها ع الطاولة وتخبي راسها فيها 
دقايق وهي تسمع اسمها بصوته 
صوته الحنين كالعادة 
الي ما تقدر تفرزن هو سعيد او حزين 
لأن ما تسمع من صوته الا الحنية ! 
بكل الاحوال والظروف! 
رفعت راسها له وابتسمت ع ابتسامته وهي تنطق بسؤال : كيف ؟! 
غمز لها وهو مبتسم 
رفعت يدها ب خمس اصابع متباعدات 
توسعت ابتسامته وبانت الغمازة الي تزين وجهه وهو يفتح يده بنفس الطريقة 
وتلتقي يدهم مع بعض ب الهوا 
نطق وهو يسحبها بيده : خلينا نطلع من هنا مابغيه يشوفك 
مشت بجنبه : وانا ما ابغي اشوفه اساسا 
مشوا مع بعض لخارج الشركة 
بالرغم انها ما هي مستوعبة كمية الخسارة لابوها 
لكنها كانت مستمتعه بانتصار اصيل عليه !
شعور الحزن الي بيشعر فيه 
بيبرد قلبها 
الي اعتاد انه يكون ملتهب ل 18 سنةة !
ركبت السيارة معه 
وما حست ع افكارها الا وهم واقفين عند بناية صغيرة 
فيها شقق 
استغربت وجودهم 
لفت ل اصيل باستغراب : ليه جينا هنا ؟!
اصيل وهو يجهز اوراقها : بحجز لك شقة ! 
عقدت حاجبها باستغراب وهي تنطق بخوف : ليه ؟ بتنفذ طلبي اني اطلع من بيتك ؟ ( وهي تكمل والخوف مسيطر عليها وكأنها تراجعت عن قرار انها تسكن لحالها بعيد عن الجميع ) اصيل اخاف ان
قاطعها وهو ينطق بابتسامة وهو ينزل من السيارة : انزلي بس !، ما عندي بنت تسكن لحالها !
ابتسمت وكأنها ارتاحت نفسيا انه مو مفكر يتركها هنا لحالها 
نزلت وراه وهي تشوفه بيدخل فعلا بيحجز شقة 
ركضت لعنده وهي تمسكه وتنطق ب زعل : اصيييييل ايش بتسوي فهمني !
اصيل بنفاذ صبر وهو يوقف طواعية لرأيها : ايش تبغين فجرر ؟؟ ب احجز شقة وبعدها بنظل هنا ننطر الشيخ ! 
نطقت باستغراب : اي شيخ ؟ لا يكون بنتزوج اللحين ؟!
كملت بقوة وهي تحاول توصل لطوله الي قدامها ،، بنظرها بس : ابغي افهم ايش بتسوي ؟ بتملج عليّ ؟! انا ما بتزوج رجال يتصرف بدون لا يقولي شي اصلا ! 
رفع حاجبه وطرف ابتسامة انرسمت ع فمه : بتتزوجين واحد زي كذا غصباً عنك !
كمل بجدية وهو يشوف ابتسامتها المستهزأة : ب احجز هالشقة كأنها لك لان بكرا بتشوفين امك 
قاطعته وهي مبتسمة بفرح : والله ؟!
هز راسه لها بتأييد وهو يكمل : وبخصوص من تكونين بالنسبة لامك ف بنملج اللحين عشان زواجنا يكون هو سبب حضورها ومفاجأة لها ! 
عقدت حاجبها بزعل وكأنها طفلة وهي تعطيها ظهرها وتمشي : انا ما اتزوج ب الطريقة هذي !
ابتسم بنفاذ صبر وهو يلحقها لبرا البناية : فجررر !
لفت له وهي تتكلم بجدية بعيدة كل البعد عن المزح بعد ما شبكت اصابعها وهي تناظر الارض : اصيل تكفى لا تضحك علي بس ما ابغي اتزوج كذا !
حط يده بجيوبه وهو يوجه انظاره لها : ايوا ؟! كيف تبغين تتزوجين برنسس فجر ؟!
ناظرت بعيد وكأنها تخجل تناظر عيونه وهي تنطق بصوت واطي : ابغي احد احبه ويحبني ! ( وهي تختلس النظر له ،، نطقت بقوة بعد ما شافته يناظر بعيد عنها ) يعني ع الاقل ،، تحبني ؟ 
تقرب منها وابتعدت هي خطوة لورا 
تقرب خطوة ثانية 
وثالثة 
وابتعدت خطوتين متتالية 
تحرك خطوة صغيرة بعدها ووقفت هي! 
ما غير الجدار وراها 
وهو قدامها !
ما يفصلهم الا كم سنتيمتر !
وعيونه كانت مصوبة كأنها طلق ناري داخل عيونها !
نطق بكلمات واضحة وهو يشوفها تنزل راسها وهي تتنفس بصورة سريعة وبارتباك واضح : انا ما اتزوج بنت ما احبها ! وزواجنا هذا كنت اخطط له من قبل 5 سنين ! 

مخرج •••

[ ~ رُبَّ كَبوَةٍ أورثتْ تصحيح مسار 
مهما كان لها في نفسك من ألم ~ ]

‏

~ كفآكِ كفاً تكفُ كفها عن كفي وكآفُ أحبكَ تكفيني!