رواية ليلة الاسد الفصل السابع عشر 17 - بقلم دنيا محمد

تمارا بتمثيل الحزن: لا والله أزعل، اتفضل ده أنت حتى ما أخدتش مقابل. أسد بياخد منها العصير ويشربه. وميحسش بنفسه بعدها. تمارا: ما تقومي يا ولية تشيليه معايا، أنتِ صدقتي إنك تعبانة بجد ولا إيه؟ سحر: حاضر استنيي. تمارا بتلبس فستان قصير وشبه عاري وتقرب عليه بوقاحة. تمارا: امسكي صورينا وزي ما فهمتك، ما تبينيش وشي، عايزة وش هو بس اللي باين. فيروز: أهلاً.

دولت: يا بنتي قومتي ليه، أسد قالي أبعتلك الأكل مع فيروز عشان أنتِ تعبانة. ليل بابتسامة: لا لا، أنا بقيت كويسة وأهو عارفة أمشي، ما تتعبوش نفسكم. دولت بحب: والله أنتِ جميلة وقلبك أبيض يا ليل. ليل بلطف: ربنا يخليكي. دولت: يلا يا بنتي، كلي أنتِ وفيروز لحد ما أسد يجي. فيروز بتلميح: هو صحيح اللي ماما قالتهولي؟ دولت بتساؤل: إيه اللي قالتهولك؟ فيروز بغمزة: إن أسد كان شايلك.

ليل بإحراج وتردد: أحم، أنا، هو اللي كان شايلني وأنا قلت له يسيبني والله، بس هو اللي ما سمعنيش. فيروز باستغراب وضحك: أهدي أهدي بس مالك، ده جوزك عادي، والله أنا بقول بس إن القلب بيحن! ليل: لو فضلتِ تكلميني كده هطلع الأوضة والله. فيروز بترجي: خلاص خلاص، خليكي بقى، ده أنتِ قموصة. تمارا: يا دكتور؟ دكتور! تمارا باستغراب: هو مش المفروض ساعتين ويفوق، أومال إيه اللي حصل؟ تمارا: أهو فاق أهو. أسد بيفوق يلاقي نفسه قاعد في مكانه.

تمارا: يا أستاذ قوم. أسد بعدم فهم: أنتِ مين؟ وإيه اللي جابني هنا؟ تمارا: يا دكتور، أنا اللي جبتك هنا عشان تكشف على ماما. أسد: آه آه افتكرت، هو إيه؟ تمارا بإعجاب: حضرتك بس غفلت حبتين لما روحت أجيب لك الفلوس. أسد بتفكير: أنا آسف بجد. تمارا: لا لا عادي. أسد: تمام، محتاجة حاجة تاني؟ تمارا: لا، تقدر تتفضل عادي.

فيروز: لا والله، أسد طيب خالص، مش عشان أخويا وكده، بس هو لما بيضايق أو يتعصب مبيشوفش قدامه، دي بس مشكلته، وأنتِ أكيد عارفة كده، مش كنتوا مع بعض وانتوا صغيرين؟ ليل بتوتر: لا بصراحة، أنا مش فاكرة حاجة، وأنا في إعدادي حصلي ارتجاج في المخ، مش فاكرة حتى كان إيه اللي حصل، بس حياتي بدأت من هنا، يعني هما قالوا لي كده. فيروز: اممم. ليل بزفير: بس، وكل ما أخوكي بيفكرني بحاجة بحاول أبين إني فاكرة.

فيروز بضحك: جبنا في سيرته أهو، جه. أسد: عايزة إيه مني يا فيزو؟ فيروز: تعالي كلم ليل. فيروز: هسيبكوا شوية. أسد: سامعك، اتكلمي. ليل: أنا. أسد: ها؟ ليل: أنا عايزة أروح عند مامي بقى. أسد: ماشي. ليل باستغراب: هروح؟ أسد: أكيد، في حاجة تانية؟ عشان عايز أنام. ليل: لا مفيش حاجة تانية. تمارا وتحط رجل على رجل. تمارا بضحك: عملت اللي أنت عايزه، اعملي بقى اللي أنا عايزاه. زين بعدم وعي: تعالي لي وهتاخدي اللي عايزاه.

فيروز: هتيجي تتقدملي امتى يا حمزة؟ حمزة بصدمة: إيه؟ أتقدملك؟ فيروز باستغراب: أيوا، مش قلت لي إنك هتيجي تتقدملي لما نعرف بعض كويس؟ حمزة: آآآه آآآه طبعاً، حددي لي أنتِ معاد وقولي لي. فيروز بفرحة: بجد؟ حمزة بحزن: امم، زي ما بقولك. فيروز: ماشي، تصبح على خير يا حبيبي. ليل: أنت واخدني فين؟ ولييه مخليني أغمض عيوني كده؟ أسد: استني، ده أنتِ رغاايه. ليل بخوف: إيه ده إيه ده، حاسة إني هقع والله. أسد: اتحركي وأنتِ ساكتة.

ليل: أنا شامة ريحة بحر، أنت هتغرقني صححح؟ أسد: فتحي. ليل بتفتح عيونها. ليل بشهقة: يييه إيه ده! وتكمل بفرحة: ده نهر النيل! يا ابن الـ إيه ده، أنا لسه قايلة لفيروز الصبح إني نفسي أشوف نهر النيل. أسد: وهي أول ما قالت لي جيبتك على طول. ليل بلطف: شكراً يا أسد. أسد: مبسوطة واحنا هنغرق كده؟ ليل وبتتأمل في السما.

ليل بمرح: أنت متعرفش أنا قد إيه مبسوطة بريحة البحر وحبة الهوا دول وشكل النجوم اللي في السما، تحس إنك شايف وحاسس بأغنية الليل وسماه ونجومه وقمره بجد والله. أسد بابتسامة: وأنتِ حاسة بإيه دلوقتي؟ ليل بتغمض عيونها وتاخد نفسها: حاسة بهدوء نفسي وحاسة براحة واطمئنان ودفء غير طبيعي. أسد: طب نروح؟ ليل بتفتح عيونها وتنظر له بحزن: لييه؟ أنا مبسوطة والله. أسد بضحك: خلاص والله بهزر. ليل بابتسامة: ممكن نروح بليل خالص؟

أنا مش عايزة أسيب المكان ده، أنا بجد مفتقدة الشعور اللي أنا حاسةه دلوقتي. أسد: حاضر. ليل بخوف وضحكة: إيه ده في إيه، هو إحنا ممكن نقع من المركب دي؟ أسد بيمسك إيديها بطمأنان: ما تخافيش، أنا معاكي. ليل وجسمها يترعش وقلبها يدق بسرعة. أسد بابتسامة: هو أنتِ هتفضلي ماسكة الموبايل؟ ليل: وأنت هتفضل باصص عليا كده كتير؟ أسد: قولي لي طيب نعمل إيه؟ ليل بتفكير: إيه رأيك تكلمني عن نفسك؟ وأنا هكلمك عن نفسي...

وبيقاطعها مسج من موبايلها وتكون من رقم غريب. ليل في ذهنها: إيه الرقم ده والصور اللي بعتهالي دي؟ وبتدخل على المسج بفضول عشان تشوف الصور. ليل بصدمة: أنت عملتت لييي كددده!!!