رواية ليل الفريد الفصل الرابع 4 - بقلم جنى ابراهيم

ليل: إيه ده؟ بصي كده يا مريم، مش ده سامر ابن عمك؟ مريم: أيوه، هو. إيه اللي جابه هنا؟ ليل: معرفش. مريم: هروح أشوفه عايز إيه. ليل: ماشي يا حبيبتي، روحي انتي وأنا هروح أشوف شغلي. في قصر فريد الهواري. فريد صحي من النوم، دخل استحمى، اتوضى وصلى. فريد افتكر ليل. فريد: معرفش ليه أنا عمال أفكر فيكي. فريد راح لأوضة جدته. فريد: صباح الخير يا جدتي. وباس إيديها. كوثر بحب: صباح النور يا عيون جدتك. فريد: فريدة وحمزة راحوا الكلية.

كوثر: أيوه، راحوا الكلية. فريد بمشاكسة: يعني أنا وانتي هنفطر لوحدنا يا قمر. كوثر: قمر إيه بس؟ خلاص بقى، هنعيش زماننا وزمان غيرنا. فريد: لا طبعًا، ده انتي قمر. يلا بينا نفطر عشان أنا جعان أوي. كوثر بحنية: يلا يا حبيبي. فريد وكوثر فطروا. فريد: مع السلامة يا حبيبتي. لو احتجتي أي حاجة، رني عليا. فريد راح الشركة. فريد: بلغى معاذ يجيلي دلوقتي، واعمليلي قهوة فرنساوي بالبن بتاعي. السكرتيرة: حاضر يا بشمهندس فريد.

السكرتيرة بلغت معاذ إنه يروح لفريد المكتب. معاذ: صباح الخير يا كينج. فريد: صباح النور. عرفت إننا أخدنا الصفقة. معاذ: أيوه طبعًا يا كينج، مش أنا قولتلك إننا هناخدها؟ ده انت الكينج. فريد: دلوقتي، احنا عندنا اجتماع هنخلصه وبعدين نطلع على المستشفى. معاذ: ماشي. مالك مستنينا هناك؟ فريد: ليه؟ معاذ: واحد زميله اتصاب ونقلوه المستشفى، وقال هيستنينا هناك عشان بعديها نخرج مع بعض. فريد: ماشي، يلا.

فريد ومعاذ خلصوا الاجتماع، وبعديها طلعوا على المستشفى. في المستشفى. مريم راحت لسامر. مريم: عايز إيه؟ إيه اللي جابك هنا؟ سامر: جيت عشان أشوفك. مريم: ملكش دعوة بيا يا أخي، سيبني في حالي. مش كفاية أنت وأبوك وأعمامك أخدتوا ورثي أنا وأمي؟ سامر: أنا عايز أتخطبك، وأنتي عارفة كده كويس. أنتي بتاعتي أنا وبس. مريم: لا، أنا مش بتاعتك. أنا حرة نفسي. ولو أنت آخر راجل، مش هتجوزك.

سامر مسك مريم من دراعها: لا، أنتي بتاعتي أنا وبس، فاهمة ولا مش فاهمة؟ مريم وهي بتضربه: ابعد عني، سيبني في حالي. : ابعد عنها. وراح ضرب سامر. لو مبعتش عنها، مش هرحمك، فاهم؟ سامر: ومين أنت بقى إن شاء الله؟ الحمى بتاعها؟ مين ده يا ست هانم؟ أتربى مقضياها مع الكل، جت عليا؟ مريم بغضب: اسكت يا حيوان. أنا أشرف منك ومن كل اللي تعرفهم. سامر: سيبني أرجوك، وأنا همشي. سامر خاف ومشي. : حضرتك كويسة؟

مريم: أه الحمدلله. متشكرة جدًا لحضرتك. : لا شكر على واجب. أحب أعرفك بنفسي، مالك البحيري. مالك البحيري شعره أحمر وعيونه لونها أزرق وجسمه رياضي. بيشتغل ظابط في المخابرات. وصاحب مالك ومعاذ من زمان. عايش مع باباه ومامته وملوش إخوات. مريم: اتشرفت بمعرفتك. أنا الدكتورة مريم، بشتغل هنا دكتورة عيون. مالك: اتشرفت بحضرتك. أنا آسف لو كنت بعطلك عن شغلك. مريم: لا عادي، ده أنا اللي آسفة إني عطلت وقت حضرتك. مع السلامة.

مالك: مع السلامة. مريم راحت تشوف شغلها. في الوقت ده معاذ وفريد وصلوا. مالك راحلهم لما شافهم. مالك: عامل إيه يا كينج؟ ليك وحشة والله. فريد: أنت اللي وحشتني، بقالنا كتير مبنشوفكش. مالك: أعمل إيه بقى؟ كله من شغلي. معاذ: إيه يا عم؟ كيس جوافة أنا يعني؟ متسلم عليا أنا كمان. مالك: إيه يا عم ده؟ أكيد هسلم عليك انت كمان. فريد: طب، أسبكم مع بعض وهروح أشوف شوية حاجات هنا في المستشفى.

في الوقت ده ليل جت عليهم. فريد في الوقت ده قلبه دق جامد وحس إنه مبسوط إنه شافها، وإنه عايزها طول الوقت قدامه. الإحساس ده استغربه جدًا، ده هو معرفهاش إلا من قريب. ليل: إزيك حضرتك يا فريد بيه؟ فريد: الحمدلله. وبلاش بيه دي، قوليلي بشمهندس فريد أحسن. ليل: حاضر يا بشمهندس فريد. فريد بتوهان: اسمي طالع منك زي السكر. ليل اتحرجت: شكرًا لذوق حضرتك يا بشمهندس فريد. معاذ: في إيه يا دكتورة ليل؟

يعني سلمتي على بشمهندس فريد وما سلمتيش علينا؟ فريد ضرب معاذ على قفاه، وليل اتحرجت أكتر. ليل بحرج: لا طبعًا، أكيد مش قصدى. أهلًا وسهلًا بحضرتكم. فريد: تعالي معايا يا ليل عشان تفرجيني على المستشفى. ليل: حاضر يا بشمهندس فريد. معاذ ومالك قعدوا في أوضة المكتب. مالك: هتفضل لحد إمتى يا معاذ مخبي حبك لفريدة؟

معاذ بغضب: أنت عارف كويس يا مالك إني مستحيل أتخطب. أنا مش عايز أبقى زي أبويا. من وأنا صغير بشوف أمي قد إيه بتتعب بسبب إن بابا كان ضعيف الشخصية، بيمشي ورا كلام أمه اللي كانت مفهمماه إن لازم يقسى على أمي. ده كان بيضربها كل يوم. كل ما أشوف وشها، والدرجة إن ملامحها ما كانتش باينة، كانت من كتر ما هو معذبها كانت بتنام وهي واقفة. عارف يعني إيه بتنام وهي واقفة؟

وبعدين سافر يشتغل ومبعتلناش ولا مليّم. ففي الآخر اكتشفنا إنه متجوز على أمي واحدة غنية. لفت عليه، واضطرت أمي تبيع بسكويت وحلويات عشان تصرف علينا وتعلمني. مالك: أنت مش زي أبوك، أنت حاجة وهو حاجة. أنت بتحب فريدة، مضيعش حبك من إيدك. : إنتوا بتقولوا إيه؟