رواية ليلة القاسم الفصل العاشر 10 - بقلم رحاب احمد

الدكتور : الحمدلله، هو عدى مرحلة الخطر، بس برضه مع ذلك هنخليه تحت الملاحظة عشان نطمن أكتر. حسن: ألف حمد وشكر ليك يا رب. طيب يا دكتور، أنا أقدر أشوف ابني؟ الدكتور: ينفع، بس الأفضل إننا نستنى شوية، على الأقل لحد ما يفوق من البنج. سليم: تمام يا دكتور، سهلة يا عمي. استنينا كتير، أهم حاجة صحة قاسم. حسن: أيوه يا ابني، تسلم يابني على جدعنتك. معرفش لولاك كان إيه حصل لابني.

سليم: إيه اللي انت بتقوله ده بس يا عمي، قاسم أخويا مش بس صاحبي. حسن: ربنا يباركلك يا حبيبي. طب عن إذنك أروح أشوف نور، هيا كمان. سليم: اتفضل يا عمي. عند نور: حسن: عاملة إيه يا قلب أبوكي؟ نور ببكاء: بابا، قاسم عامل إيه؟ حسن: الحمدلله يا حبيبتي، أخوكي بقى كويس. نور براحة: طب الحمدلله يا بابا، ريحتني. حسن بضحك: الدور والباقي على الهبلة اللي اغمى عليها. نور: تشكر يا حاج. طيب، لما قاسم بقى كويس، مش شفتوه ليه؟

حسن: لأنه لسه مش فاق، وكمان لازم تكوني معايا بس وانتي كويسة. نور: لا، إذا كان كده، أنا مية فل وعشرة. عند سليم: سليم: مريم، انتي ظاهرك تعبانة. أجيب لك حاجة تاكليها أو تشربيها؟ مريم بحزن: لا، شكراً. سليم: انتي مالك؟ ليه حاسس إنك متضايقة؟ على فكرة، قاسم بقى كويس. مريم بابتسامة: آه، ما أنا عرفت. سليم: امال إيه اللي مزعلك؟ مريم بدأت

الدموع تتجمع في عينيها: لأن أنا كنت سبب في اللي حصل لقاسم. أنا مكنتش أعرف إني بحبه أوي كده. كنا دايماً بنتخانق، كنت فاكرة إننا بنكره بعض من خناقنا ده. اتضح إن خناقنا ده هو سر حبنا. أول ما الدكتور قال إن حالته بتسوق، معرفش إيه اللي حصلي. حسيت كأن أنا اللي حالتي بتسوق، أنا اللي عاملة حادثة مش قاسم. وأول ما عرفت إنه بقى كويس وإننا هنشوفه أخيراً، حسيت برضه كأن أنا اللي بقيت كويسة. عارف شعور خوفي على قاسم ده مش أول مرة أحسّه. أنا حسّيته قبل كده لما عرفت إنه هيسافر. تعرف أنا عملت إيه؟

سليم بتساؤل: عملتي إيه؟ مريم بضحك: ده أنا... لكن قاطعهم الدكتور: الدكتور: أستاذ قاسم فاق. سليم: طب أنا هروح أعرف عمي. راح، وكلهم دخلوا لـ قاسم. نور: قاسم يا حبيبي، عامل إيه؟ قاسم: الحمدلله يا حبيبتي. فين ماما؟ حسن: أنا مخلتهاش تيجي. قاسم: على العموم، أنا أخدت قراري. حسن: إيه يا حبيبي؟ قاسم: ........ الكل بصوت واحد: إيه؟