رواية ليلة القاسم الفصل التاسع 9 - بقلم رحاب احمد

الدكتور: بصراحة، هو دلوقتي محتاج دعوتكم. احنا هنعمل اللي علينا والباقي على ربنا. حسن: إيه؟ سليم: اهدى يا عمي، إن شاء الله هيكون كويس. نور كانت قاعدة منهارة من العياط على حالة أخوها. مريم كانت قاعدة مستنية الوقت المناسب عشان تطلع تكلم هبة عشان تحكيلها كل حاجة. عند ليلى. ليلى وهيا منهارة من البكاء: يارب يارب، أنا راضية بكل حاجة أنت كتبتها لي وهتكتبها لي. يارب ريح قلبي ورجعه لي بالسلامة.

سمية بدموع: يا حبيبتي، إن شاء الله هيكون كويس. ليلى: والله يا ماما مش مهم نتجوز، مش مهم أي حاجة. المهم دلوقتي إنه يبقى بخير. سمية: إن شاء الله يا حبيبتي هيكون كويس وهتتجوزه. وفي المستشفى. مريم قدرت تشتري خط دولي تقدر تكلم منه هبة. مريم: الو. هبة بكسرة: إيه يا حبيبتي، طمنيني أخوكي عامل إيه؟ مريم بلا مبالاة: الصراحة مركزتش في كلام الدكتور قوي، بس اللي حسيته من شكلهم إنه حالته صعبة.

هبة بعصبية: انتي إيه يا شيخة البعيدة، معندكيش دم. أخوكي بين الحياة والموت وانتي ولا هنا يا شيخة. حرام عليكي، ده أخوكي. انتي إزاي كده؟ مريم بدموع: وانتي اللي جاية تقولي كده؟ انتي اللي جاية تعرفيني يعني إيه أخويا. مش لما تعرفي انتي إني أي أم الأول؟ ده انتي السبب في إن ابنك يبقى بين الحياة والموت زي ما انتي بتقولي. وقفت السكة. هبة بصويت: الو الوو. آآآه يارب ياربي. عند هبة. هبة: أعمل إيه؟

لا أنا كده كله بيروح مني. ابني وجوزي، وحتة البنت مريم قلبت عليا، والراجل اللي كنت مأمنة في الخط صحي وهيطلقني. أعمل إيه؟ في الوقت ده، جت غرام. غرام: إيه يا خالتو؟ إيه اللي حصل؟ هبة: كل حاجة اتضربت على دماغنا، وشكلنا هنخسر كل حاجة. بقولك إيه؟ أنا بفكر إني أوافق على ليلى، بس إن شاء الله ابني يقوم بالسلامة.

غرام بغل: آه، وأنا بقول كده برضه. وبعدين نطلع من غير حاجة أحسن ما نطلع خسرانين. وبعدين أهم حاجة دلوقتي هي حياة قاسم. صاحبتها بقلق منها: صح يا حبيبتي، صح. في المستشفى. الدكاترة والممرضين بقوا يدخلوا ويخرجوا من أوضة قاسم. حسن بقلق: هو فيه إيه؟ إيه اللي بيحصل؟ الدكتور: معلش يا جماعة، سيبونا نشوف شغلنا. لأن حالة أستاذ قاسم للأسف بتسوق.

نور اغمى عليها أول ما سمعت كده. ومريم حست كأن فيه حاجة لمست قلبها. إنما حسن مبقاش عارف يعمل إيه، بس بيتوعد لهبة. واتفاجأ أكتر لما لقاهم بدأوا يعملوا لقاسم صدمات كهربائية. الدكتور: