رواية ليلة القاسم الفصل الخامس 5 - بقلم رحاب احمد

بصي أنا عارفة إن إبليس يتعلم منك، بس ريحي خالتك وقولي ناوية على إيه. غرام بخبث: خالتي والنبي تريحي، سيبيني كده أنا عارفة هحرقهم إزاي. هبه: بصي أنا فرحانة من اللي تعابير وشك ونبرة صوتك، بس فضولي هو اللي حارقني يا بنت اختي. غرام: بصي صعبتي عليا، تعالي أقولك… هبه: لأ دماغ شياطين بصحيح، الله يرحم أمك كان القوي والضعيف يديها على قفاها. عند نور نور: بص أنا مهما أحكيلك مش هقدر أوصفلك سعادتي، أخيراً قاسم.

عبدالله: ربنا يوصله بالسلامة يا حبيبتي. نور: المهم قولي شغلك عامل إيه. عبدالله: بصي أنا مش مغرور، بس عمرك شفتي حد لسه متخرج ويلاقي فرص شغل كده؟ نور: أهم حاجة بعد ده إنك مش مغرور، وبعدين أنت اه لسه متخرج، بس تعبت على نفسك وأنت في الكلية… أيوه يا مريم… طيب بص بقا أنا هقوم دلوقتي. عبدالله: طيب يا حبيبتي. عند ليلى الأب: بصي يا حبيبتي أنا عمري ما هقف قدام سعادتك، خليه ييجي يطلبك وربنا يقدم اللي فيه الخير. ليلى بصوت

مخنوق قامت حضنت أبوها: ربنا يخليك يا حبيبي. قامت ليلى جري. قاسم بقلق لإن كان عارف إنها هتكلم والدها: إيه يا حبيبتي، قال إيه؟ ليلى بهزار: قالي مستحيل أرضى. قاسم بصدمة: إيه، أنتِ بتهزري طبعاً؟ لا مستحيل. ليلى: إيه حيلك حيلك براحة، أنا أبويا مش شرير، بابا موافق. قاسم بفرحة: عارفة أنا لو مكنتش في مكان عام ويعتبر البلد كلها حواليا، كنت قومت رقصت وزغرطت أخيراً. ليلى بقلق: قاسم بس معرفش ليه مامتك حاسة إنها مش هترضى.

قاسم: يا حبيبتي أمي دي أطيب قلب في الدنيا، وبعدين أنا وريتها صورتك وهي بقت كل ما تكلمني تقولي، هيا عاملة إيه وسلميلي عليها، بجد بتحبك قوي. ليلى: ربنا يستر يا حبيبتي. قاسم: طب بقولك سلام أنتِ دلوقتي عشان أروح أعرف ست الكل. ليلى: طيب سلام يا حبيبتي. عند هبه هبه: والله ما حد فاهمني غيرك أنتِ يا مريومة يا عسل، أهو شفتي كنا لسه في سيرته أخوكي بيرن، المفروض إني أخلي عن حبي للست ليلى.

هبه: الو يا حبيبي عامل إيه ومراتك عاملة إيه؟ أوعى تكون مبتسلمليش عليها دي مرات الغالي. قاسم: لا طبعاً وأنا أقدر يا ست الكل، أخيراً يا ست الكل هناخد بقا معاد عشان تروحو بقا نطلب إيديها. هبه: إيييييه؟ قاسم بقلق: في إيه يا ماما؟ هبه: لا يا حبيبي، ده يا ألف نهار أبيض، أخيراً يا حبيبي، أيوه كده نروح قوي. قاسم: طيب يا ست الكل. هبه: سلام بقا يا حبيبي عشان أنا وأختي نعمل الغدا. قاسم: طيب يا ست الكل سلام. بعد ما قاسم قفل.

هبه: بت بقولك أنا عندي القلب صح؟ مريم بعدم فهم: أيوه يا ماما سلامتك يا حبيبتي. هبه: على بليل ترني على أخوكي قوليلو إني خفت حبابة غلط وتعبان. مريم: بجد يا ماما؟ وازاي سكتت كده؟ هبه: يا غبية أخوكي خلاص عايزنا ناخد معاد ونروح نتقدم. مريم: أنا أرفعلك القبعة.