رواية ليلة القاسم الفصل السادس 6 - بقلم رحاب احمد

مريم: يا ماما ابنك مش غبي، يعني أنا هرن عليه وأقول ماما خدت حباية غلط وتعبت، هيصدقني مش من حبه فيا يعني. هبه: أمال هنعمل إيه يا أذكى أخواتك. مريم بخبث: إنتي بس اتعبيني شوية وسيبى الباقي عليا. هبه: والله يا بت حلال فيكي التسع شهور حمل. عند ليلى. الشخص: إنتي لو فاكرة إن قاسم بيحبك تبقي غلطانة، هو بس كبرياؤه وجعه لأنك إنتي اللي كنتي بترفضيه السنين اللي فاتت دي كلها. ليلى بعصبية: مين معايا؟ الو الو... رهف (أخت ليلى)

: ليلى بقولك... ليلى ليلى مالك سرحانة في إيه؟ ليلى: لا مفيش حاجة... بصي بقا بصراحة فيه. وحكت لها اللي حصل. رهف بضحك: وإنتي بقا صدقتي الهبل ده يا حبيبتي؟ دي واحدة لسه حالا سامعة مسلسل هندي ولسه سامعة الكلمتين دول فقالت تطبق على أرض الواقع. ليلى: بصي أنا كده كده واثقة في قاسم، بس اللي عصبني الثقة اللي عندها. وبعدين دي واحدة عارفانا، لأنها عارفة إني أنا وقاسم عارفين بعض من سنين.

رهف بضحك: آآآه قولي بقا إن اللي مضايقك فضولك مش غيرتك على الواد. ليلى بصدمة: الواد... والله متربية، اطلعي بره. رهف: طب بس متزعقيش كده، أنا أروح لأخويا حبيبي مليش غيره أصلًا. ليلى بسخرية: أنا أروح لأخويا حبيبي مليش غيره، خليكي يا رب يديكي على قفاكي ووقتها هتجيلي موجوعة. عند هبه. مريم: ماماااااه. هبه: يا بت علي صوتك خليهم يسمعوا. مريم: اسكتي بنتك جت. نور: في مالك يا ماما.

هبه بتمثيل: معرفش يا حبيبتي، نفسي بأخدو بالعافية. نور: ترتاحي بس وأنا هتصل على الدكتور بسرعة. مريم: لا أنا هروح أتصل. نور: لا خليكي إنتي مع ماما، أنا هروح أتصل. وسألتهم وطلعوا. هبه: كل حاجة باظت، كل حاجة باظت. مريم: اسكتي بقا، وإنتي مش عارفة تتعبي يعنى. هبه: هخلي شبشبي يسلم على وشكم. مريم كانت هتتكلم لكن نور قطعته. نور: الدكتور كلها ربع ساعة ويكون هنا. بعد نص ساعة.

الدكتور: والله زي ما بقولك كده، والدتكوا كويسة، ممكن يكون حصل لها كده من التوتر، بس هي كويسة. ممكن كتبتلكوا على مهدئ، بس صدقوني من رأيي إنها مش محتاجة. عن إذنكم. وعند نور. نور: يا حبيبي متقلقش، الدكتور قال إن ده من التوتر. قاسم بقلق: بقولك إيه، مش تعصبيني، روحي خليني أكلمها. نور: حاضر... ماما قاسم عاوز يكلمك. وفتحت الاسبيكر. قاسم: الو يا أمي. هبه: إيه اللي حصل.

هبه في نفسها: مش عارفة أضحك على الواد ونور واقفة زي القاضي المستعجل. قاسم: طول ما إنتي تعبانة مفيش داعي تروحوا أي حتة بقا، ترتاحي إنتي بس كده. هبه: اللي إنت عاوزه يا حبيبي. لكن نور قاطعتها: لا يا قاسم دي كده ماما اتعب أكتر، ده هي قالت إننا نروح الجمعة اللي جاية نقعد أول مرة كده قاعدة بنات، مش لازم نتعب بابا، بعدين نروح نتقدم بعدها على طول. هبه بغيظ: آه آه يا حبيبتي.

قاسم: اللي إنتي عايزاه يا ست الكل، أروح طيب، نستأذن من ليلى. هبه: ماشي يا حبيبي سلام. بعد ما قاسم قفل. هبه: أنا يا بنت الهبلة قولت كده. نور: وإنتي بتخططي إنتي وبنت الحرباية على جو التعبانة. ماما شوفي كلو إلا قاسم، ماشي، وأه مش تقلقي أنا مش هقوله، أصل هيزعل قوي لما يعرف. عند قاسم.

استأذن من والد ليلى ورد عليه بعد ما أخدوا الموافقة من والدها، مع أن باباها هيكون في شغله، بس اتفقوا على إنها فعلاً تبقى قاعدة ستات بس، وهتكون يوم الأربع. يوم الأربع. ليلى: ماما متأكدة إن شكلي حلو؟ بصي الطرحة مظبوطة. سمية: دي المرة المليون اللي بتسأل فيها نفس السؤال، والله آه قمر يا قلب أمك. ليلى: ماما طيب عبدالله راح عشان يستناهم. سمية: آه. عند عبدالله. عبدالله: يا ربي أنا كان مالي ومال المرمطة دي؟

هيا دي آخرة اللي يبقى عنده أخوات بنات؟ أكيد هما دول. هبه: إنتي أخو ليلى. عبدالله: آه. عبدالله في نفسه: وللأسف. هبه: إزيك عامل إيه؟ اتفضل يلا عشان أشوف مرات ابني. ركب عبدالله جنب السواق، وهبه ركبت جنب نور وغرام. نور بصدمة: إيه ده؟ هبه: إيه يا حبيبتي فيه حاجة؟ لا خالص. كملوا الطريق تحت صدمة عبدالله ونور. عند ليلى. رهف: ماما وصلوا وصلوا أخيرًا، بقا هنفرح بالست اللي بنتك بتنام تحلم بيها دي. سمية: طب اتلمي يا لمضة.

(طلعوا كلهم، وخاصة السلام المصري الأصيل) خرجت ليلى. ليلى باستحياء: السلام عليكم. وقدمت المشروبات، مش بيبسي عشان المقاطعة. هبه بتمثيل: إيه القمر ده؟ عاملة إيه يا حبيبتي؟ ليلى: ربنا يخليكي يا طنط. سلمت على نور اللي له آثار الصدمة على وشها، وبعدين غرام. هبه: والله أنا قاسم صدمني بحبه لليلى، كله كان متوقع إنه هيتجوز غرام، كانوا بيحبوا بعض حب مش طبيعي.

نور: بس ده كان حب عيال، ياللي، بس بقا أنا مقولكيش، بجد قاسم بيحبك حب مش طبيعي، حتى لما بييجي يتكلم عنك بحس بفرحة كده في صوته. ليلى ساكتة، بس لما سمعت كلام نور فرحت وزاد حبها لقاسم أضعاف. غرام بغيظ: عاملة إيه يا ليلى. ليلى في نفسها: الصوت ده مش غريب عليا. ليلى: الحمدلله. خلصوا قاعدتهم. طول القعدة كانت هبه متجاهلة ليلى تمامًا. عند هبه بعد ما روحوا. نور: ماما قاسم بيرن. هبه: هاتي الموبايل. قاسم: إيه يا ست الكل.

هبه: البنت جميلة والناس محترمة، بس أنا مش موافقة. قاسم بصدمة: إيه.