رواية ليلة يزن الفصل الثالث 3 - بقلم شهد احمد

عمر. مين قالك الكلام ده؟ هو هيبقا ابني، وليله، ومش هخليه يحتاج أي حاجة. روقي انتي بس وادخلي ارتاحي. ليله. حاضر.

ودخلت تنام وهيا بتبكي على حظها واللي حصل ليها. وقررت أنها تنقم منه وتاخد حقها وحق ابنها. وقررت أنها تشوف مراته وتقولها أنه هيا كمان مراته وحامل منه، وأنه جوزها واحد حقير، وأنه هيا قاعده عماله تربي في العيال وهو داير عمال يلعب ببنات الناس ويتجوزهم لمزاجه وبس، ومش عامل حساب ليها ولا لمشاعرها، وأنه هو واحد خاين وكذاب. والافضل أنها تنفصل عنه ولا تفضل مع واحد حقير زيه. وكده كده هيا بتربي ولادها لوحدها سواء كان موجود أو

لا، فوجوده زي عدمه. وأنه في الآخر القرار ليها تفضل معاه أو تسيبه. ده غير لسه اللي هعمله فيه، هخليه يخسر كل حاجة في حياته وهربيه من أول وجديد وهعلمه الأدب، وأنه يحترم بنات الناس ويصونهم. أصلاً البنت عايزة إيه غير راجل يحبها ويحترمها ويصونها، ويبقا مش شايف غيرها.

وبعد تفكير كتير، وأنه إزاي هتنتقم منه، نامت من كتر التعب. عند يزن. بعد ما ليله مشيت مع عمر، قعد وقال: والله ما هسيبك ي ليله، وهرجعك تاني وهتفضلي مراتي ومش هطلقك. انتي الوحيدة اللي دخلتي عقلي، أحسن من البومة اللي أنا متجوزها. أنا مش عارف إزاي نسيت ومش حطيت ليكي حبوب منع الحمل، وإزاي حملتي؟ أنا بجد مش عارف. لولا الحمل ده كان زمانك دلوقتي معايا وفي حضني، ومكنتيش عرفتي بجوازي ولا بولادي. أنا غبي إزاي نسيت.

وبعدين قال: أنا مش هقعد لوحدي، أنا هقوم البس وأروح لمراتي وولادي، اهو أحسن من القعدة لوحدي عقبال ما أشوف طريقة أرجع بيها ليله. وقال يزن لبس وجهز نفسه ونزل وراح عند مراته مليكه. مليكه. كانت في أوضة الأطفال وسمعت الباب بيتقفل، قالت: ده أكيد يزن رجع. وطلعت تشوفه. مليكه. يزن، انت جيت؟ يزن. لا، لسه. مليكه. بارد. وبعدين قالت: أقصد يعني قولت إنك مش هتيجي، وإنه عندك شغل. يزن. خلصت شغل. وبعدين عايزاني أمشي يعني ولا إيه؟

مليكه. لا خليك، ادخل غير هدومك عقبال ما أجهز ليك الأكل. يزن. تمام. ودخل وغير هدومه. وشوية وكانت مليكه بتنادي عليه. مليكه. يزن، يلا الأكل جهز. يزن. جاي أهو. وبعدين قال: فينك ي ليله قلبي؟ كنتي تيجي تقوليلي بكل رقة. زينو حبيبي، الأكل جهز، هغسلك ونروح ناكل سوا. إنما دي بتنادي من آخر الدنيا، ولا فيه رقة ولا فيه زفت. صبرني ي ربي. وطلع علشان ياكلوا. قعد هو ومليكه يأكلوا، ومليكه كانت بتحط قدام يزن الأكل.

مليكه. بتحط الأكل. أه ي ليله، مش لو كنتي موجودة كنتي جيتي وقعدتي على رجلي وأكلتيني وأكلتك. مليكه. يزن، في إيه؟ الأكل مش عاجبك يعني؟ عمال تبص ليه ومش بتاكل؟ يزن. لا، هاكل أهو. وبدأ ياكل وهو سرحان مع كل تفصيلة في ليله. وبعد شوية كانوا خلصوا أكل، ومليكه قامت علشان تشيل الأكل وعملت كوبيتين نسكافيه وطلعت عند يزن. ولسه هتقعد، الأولاد عيطوا، فقامت تشوفهم. يزن. أهو بدأنا.

وبعدين أخد النسكافيه وفتح الشاشة وقعد يتفرج ويشرب. ومليكه قاعدة جوه متسحوبة مع الأولاد، تسكت ده وتشيل ده. يزن. قاعد بره ولا على باله أي حاجة، ولا عارف بمعاناة مليكه مع الأولاد. يزن. زهق وقال: أنا هفضل قاعد كده لوحدي، أما أشوف مليكه تيجي تقعد معايا. وراح عند أوضة الأطفال ولقى مليكه نيمت الأولاد ونامت جنبهم. يزن. مليكه، مليكه، انتي اصحي. مليكه. في إيه ي يزن؟ سيبني أنام، أنا ما صدقت إن الأولاد ناموا.

يزن. قومي اقعدي معايا، نتكلم مع بعض. قومي أنا عايزك. مليكه. ي يزن. يزن. قولت قومي. مليكه. قامت وقالت: عايز إيه ي يزن؟ يزن. شدها وطلع بيها بره وقال: هو إيه اللي عايز إيه؟ أنا جوزك وليا حقوق عليكي. ده انتي حتى مش سألتي ولا اهتميتي بيا من ساعة ما جيت. مليكه. اومال مين اللي جهز ليك الأكل؟ وبعدين انت جاي مش طايق نفسك وأسلوبك في الكلام متغير، عايزني أعمل إيه يعني؟

يزن. تشوفي، مالي، تقعدي تدلعي شوية عليا، تدلعيني. فين مليكه في أول ما اتجوزنا؟ مليكه. موجودة ي يزن، بس متنساش إنه في أول جوازنا مكنش فيه مسؤولية زي دلوقتي، وانت بدل ما تشاركني، سيبتني لوحدي. يزن. سيبك من كل ده، إيه مش وحشتك؟ مليكه. وحشتني، بس أنا تعبانة وعايزة أنام. يزن. بقولك وحشتيني، تقولي تنامي؟ روحي ي مليكه نامي، روحي. مليكه. تمام. وراحت تنام وقالت: هعملك إيه يعني؟

انت مش بتيجي إلا علشان كده، وأنا تعبت منك، مش محسسني ولا باهتمام ولا بحب ولا بتشاركني أي حاجة، حتى الأولاد سيبهم عليا. أنا مش عارفة إيه اللي غيرك كده. فين يزن حبيبي اللي كنت بحبه. ونامت وهيا دموعها على خدها. يزن. قعد بره متعصب ومش طايق نفسه، وراح علشان ينام. وفي الصباح. ليله. صحيت من النوم وطلعت تشوف عمر، ولقته مجهز نفسه علشان يروح شغله. عمر. رجل أعمال وفاتح شركة على قده. ليله. انت نازل الشغل ي عمر، ولا رايح فين؟

عمر. أه ي حبيبتي، عايزة حاجة؟ ليله. مش هتفطر طيب؟ عمر. لا ي حبيبتي، افطري انتي، أنا اتأخرت على الشغل. ليله. طيب، بس ممكن أطلب منك طلب؟ عمر. أكيد ي ليلى. ليله. أنا عايزة أعرف مراته التانية عايشة فين؟ عمر. ،،،،،،،،،، تُرى رد فعل عمر إيه؟