رواية ليل الفصل الخامس 5 - بقلم اروى مدحت

ماما !! -أيوه يا ماما يا حبيبي.. كبرت يبني. بعد عنها وزقها وقال: -إيه اللي جابك؟ -ده أسلوب تقابل بيه والدتك؟ -والله حضرتك أكتر واحدة عارفة أنا بعمل كده ليه. -يبني أنت مش فاهم حاجة... أنا كنت مضطرة أسيبك زمان. -مفيش مبرر للي عملتيه. فيه أم تسيب ابنها اللي مكملش خمس سنين قدام جامع وتتخلى عنه؟ أنا مليش أم غير اللي ربتني. ماما ولاء. -أنا أمك. -لا. سابها ودخل أوضته متعصب ورزع الباب وراه. دخلت وراه ولاء.

-يبني دي أمك، مهما حصل كان لازم تسمعها. -وهي قالتلك كانت عايزة تقولي إيه؟ -لا.. بس كانت عايزة تتكلم معاك لوحدكم. أنا مقدرة اللي أنت فيه، بس شوفها يمكن ليها أسبابها. -مفيش أسباب تخلي أم ترمي ابنها يا ماما. وأه.. أنا مش عايز أم غيرك. ربتت على ضهره بحنان وطلعت بره تاني. قعد وفضل يفتكر. flash back -ماماااااا مش عايزة أروح الحضانة. مامتها طلعتها بالعافية. -يا ليل متغلبينيش.

ليل.. طفلة عندها أربع سنين، جميلة جداً، عنيدة أوي ومش بتحب تروح المدرسة. -يلا يا ليل أنا كمان مضطرة أروح، بس نعمل إيه فيهم بقي. -بس يا حمزة البت في الحضانة بتضربني!! -أنا هضربها لك متقلقش. ماما ليل قعدت تضحك عليهم أوي. قالت: -طيب يلا أنتو الاتنين عشان الباص هيجي. روحوا استنوه هناك اهو!! جروا على الطريق يستنوا الباص. وماما ليل بصت لماما حمزة. -عيال ينرفزوا والله.. محدش فيهم حابب الحضانة خالص. ليل مغلباني أوي أوي.

دخلت وقعدت معاها في البيت وكانوا قاعدين يتكلموا. ماما حمزة قالت: -لا لا أنا حمزة مش بيغلبني. لو غلبني بيتضرب على طول!! قعدوا يضحكوا مع بعض. وفجأة ماما حمزة قالت: -أنا سمعت إنكم هتنقلوا.. الكلام ده صحيح؟ -آه للأسف.. مضطرين نسافر. قطع كلامها صوت ليل: -هيييه هنسااافر. بصت وراها لقت ليل وحمزة لسه واقفين. -روحوا الباص زمانه جاي بقى لازم أزعق فيكم يعني؟!! الله! flash back end

-لسه متغيرتيش.. الفرق بس إنك نسيني. يمكن عشان شكلي اتغير؟ لا متغيرش أوي.. أنتِ اللي مأفورة!! سكت شوية وبعدين قال: -إيه ده أنا بكلم نفسي ليه.. أبو أم الجنان. فتح كتاب الفيزياء عشان يذاكر. الفيزياء أصعب مادة هو بيكرهها أوي. -أنا هجيب الفيزياء في شوال.. جايالكم يا شوية أوائل. قطع كلامه صوت رنين الفون. مسكه بسرعة وشاف الاسم اللي مكتوب. "قطوف".