رواية ليل بقلم اروى مدحت | كاملة

أنا لسه مفهمتش يا مستر! يعني مثلا حضرتك عاوز تقول.. علي سبيل المثال.. حمزه يأكل التفاح.. كده حمزه مبتدأ صح؟ كان الأستاذ سيتحدث لكن قاطعه صوت آخر. قال حمزه بسخرية: أشمعنا الاسم ده يعني! احمر وجهها.. فهي قد ذكرت أي اسم جاء ببالها ولم تقصد أحدًا بعينه.. قالت: مش قصدي عليك! أي اسم خطر في بالي فحطيته في مثال وخلاص عشان أفهم الدرس! قال حمزه وقد تعمد استفزازها بينما يحرك يده كالأراجوز: ماشي مصدقين إنك مش بتحبي الاسم.. جلست وقد ظلت تسبه في داخلها.. أنه يثير أعصابها بشكل جنوني منذ أتى! .......... خرجت من الحصة مع صديقتها وقد كانت براكين غضبها وصلت أقصاها. قالت: يرضي حضرتك يا قطوف!! ده عيل حيوان والله ما أقصد أقول اسمه هو بالذات! بس هو قاصد يحرجني! طب عملتله إيه ولا هو نكش وخلاص! ربتت قطوف على كتفها وقالت: اهدي بس يا ده عيل أهبل متخليهوش يعكر مزاجك. قطع طريقهم ذلك الشيء.. كتلة الغباء المتحركة.....