رواية لين صخر الفصل الرابع 4 - بقلم جهاد موسى

لين طلعت الجناح وفضلت تدور على صخر. نزلت تحت لقت غرفة كبيرة وبابها مفتوح في آخر الممر. اتجهت للغرفة والدموع اتجمعت في عينها لما لقت سهر بتحاول تقرب من صخر وتحضنه. الدموع نزلت من عينيها كالشلال. جريت لين. صخر لما شافها رمى سهر على الأرض بغضب كبير وجرى وراها. طلع على الجناح ملقهاش. نزل تحت. جرى طلع الجنينة فضل يدور عليها.

لحد ما لقى حاجة على الأرض بعيد عنه بكتير. فضل يجري على أمل أنه يلاقيها. وصل عندها لقاها مغمى عليها ورجليها بتنزف دم. والكلب مر"مى على الأرض مي"ت. صخر بغضب وبصوت عالي: مراااااد! جه مراد بسرعة. معاه الحرس بتاعه وفي إيده مسد"س. صخر بغضب: إيه اللي حصل؟

مراد بتوتر: الهانم كانت بتجري بسرعة جدا والكل"ب كان سايب. ودي أوامرك. لما لقاها بتجري جرى عليها. بس أنا لحقته وضر"بته بالن"ار قبل مايعملها حاجة. وهي خافت لما خربشها واغمى عليها. صخر شالها بسرعة ودخل القصر. كانوا كلهم واقفين وسهر الدموع في عينها. ليلى وهيام بخوف: هي حصلها إيه؟ صخر مردش عليهم وطلع الجناح. نيمها بهدواء وجاب علبة الإسعافات وطهرلها الجرح. وسبها نايمة وخرج.

كان عدي واقف بره بيدخن بغل. جت سهر من وراه بخبث ومسكت إيده. شد عدي إيده من إيدها بغضب وضر"بها بالقلم بق"وة حتى نزفت مناخيرها د"م. عدي بغضب: اياكي أشوف بتقربي مني تاني. مش هرحمك يا سهر. سهر بغل: أنا مش عيزاك. أنا عايزة صخر يرجعلي تاني وعايزاك تساعدني. عدي بسخرية: انسى. صخر عمره ما هيبصلك تاني بعد ما هربتي يوم فرحكوا عشان تروحي لحبيب القلب. صخر من ساعتها بقى اسم على مسمى. صخر. حتى قلبه مبقاش معاكي.

سهر بدموع: بس أنا لسه بحبه. عدي: سيبيه في حاله يا سهر. عقله كله مع مراته الجديدة. وشكله هيحبها. وسابها عدي ومشي. واقفة هتولع. كل ده تحت أنظار ليلى اللي الدموع مغرقة وشها على عمايل أختها وحب طفولتها عدي. رجع صخر بليل. كانت لين لسه نايمة. وصحيت على صوت حركته. لين بتعب: إيه اللي حصل؟ أنا آخر حاجة شوفتها لما الكلب كان... وسكتت وقعدت تعيط. صخر بهدواء: متخفيش. مفيش حاجة حصلت. هو جرح بسيط في رجلك ويخف. لين بكثوف: أنا جعانة.

صخر باستغراب من كثوفها: أنا طلبت أكل من الدادا منى و... لقى حد بيخبط. كانت الدادا. خد صخر الأكل وقفل الباب. وحط الأكل على السرير وقوم لين. قعدها على رجله وبدأ يأكلها. لين: احم. أنا هعرف آكل لوحدي. وبعدين أنا مبحبش الأكل المسلوق. صخر مكنش بيرد عليها وبيأكلها. لين: خلاص. شبعت. شال صخر الأكل ونزل من غير ما يتكلم. لين قامت تأخذ شاور سريع وطلعت. وطلعت كان صخر قاعد بيشتغل على اللابتوب.

لين لبست بيجامة واسعة جدا باللون الرمادي في بينك. برمودا. وراحت على الكنبة عشان تنام. صخر قام قفل اللابتوب وراح شالها بهدواء. نيمها على السرير وحضنها بتملك. وكان نفسها في وشه وهو بيستنشقه بحب. تاني يوم في جناح لين وصخر تحديدا. صحي صخر قبل لين. واخد شاور ولبس بدلة باللون الرمادي. وكان بيصفف شعره بهدواء. صحت لين بنشاط ووجهت كلامها لصخر. لين: أنا عايزة أرجع مدرستي تاني. صخر ببرود: لا.

لين بدموع: بس أنا بقعد هنا لوحدي ومفيش حاجة أعملها. صخر بتنهيدة: طيب قومي جهزي. هاخدك معايا الشركة. لين بفرحة: حاضر. قامت لين لبست بنطلون بوي أبيض وتيشرت أوفر سايز بكم نفس اللون. وفردت شعرها. ونزلت مع صخر اللي كان قلبه مولع من الغيرة وجمالها. اتجاهوا للشركة. ودخل صخر بهيبته وكبريائه المعتاد. وهو ماسك إيد لين بقوة. وكانوا الموظفين مستغربين وجود لين وجمالها. دخل صخر المكتب ودخلت وراه السكرتيرة.

السكرتيرة: حضرتك في اجتماع كمان خمس دقايق. صخر: شوفي عدي فين عشان يحضر الاجتماع. عدي من وراه وهو بيبص للين بخبث: أنا موجود من بدري. لين بزهق: أنت هتروح فين وتسيبني؟ صخر بحدة: مش هروح. في اجتماع هحضره بس وجاي بسرعة. لين هزت رأسها بلا مبلاه. حضر صخر الاجتماع. وكانت لين هتم"وت من الزهق. لحد ما دخل عليها شخص بخبث وقفل الباب وراه. لين بخوف: أنت مين؟ وإيه اللي مدخلك هنا؟ وكملت بدموع من نظراته: اطلع بره.

زين بخبث: إيه الجمال ده؟ بصراحة صخر عرف يختار. وقرب منها. كان بيمشي إيده على وشها بتوهان من جمالها. وبعد مرة واحدة وفجأة.