رواية لين صخر الفصل الثالث 3 - بقلم جهاد موسى

رجع صخر من شغله واتجه للقصر. كان فيه هدوء غير طبيعي. طلع على الجناح ملقاش لين. سمع صوت وراه، التفت واتصدم لما لقى لين لابسة هوت شورت أسود وتيشرت قصير أحمر مع بشرتها ناصعة البياض. كانت حاطة ميكب خفيف واتجهت نحيته بدلع. جابت كرسي ووقفت عليه عشان تطوله لأنه طويل جداً. صخر كان واقف تايه في جمالها وقلبه بيدق جامد. لما لقاها حاوطت رقبته بإيديها بتبصله ببراءة بعينيها الفيروزي. لين برقة: صخر. صخر: ها.

استوعب توهانه ورجع كشر تاني. شالها من على الكرسي واتجه على الحمام. شغل المياه وبدأ يغسل وشها ويمسحلها الميكب. خلص وطلع جابلها فوطة ورماها في وشها. صخر بغضب: اياكي أشوفك مكررة اللي انتي عملاه في نفسك ده تاني، انتي فاااهمة؟ ومتحاوليش تتحدي حدودك وتقربي كده تاني. لازم تعرفي إنك في نظري طفلة. لين بصريخ: لما انت شايفني طفلة اتجوزتني ليه؟ ودفنتيني بالحياة، بعدتيني عن ماما وبابا وقاسي عليا، انت إيه ده؟ قلب ده إيه؟ مبتحسش.

وسكتت لما شافت الباب بيتفتح ودخلت بنت. منه كان لبسها قصير جداً وقربت على صخر حضنته. صخر بعد البنت دي عنه بغضب وبص للين. صخر: دي تبقى سهر بنت خالتي. وقاطعته سهر. سهر: وابقى خطيبته. وشاورت على لين وكملت لصخر: هي مين دي وبتعمل إيه في جناحك؟ لين قربت وبعدتها عن صخر بغضب وكملت: أنا مرات صخر. وقربت على صخر حضنته. سهر بغيظ: مراته إزاي يعني؟ هو مجبلناش سيرة. صخر بيحاول يكتم ضحكته على حركة لين وجرأتها. وكمل لسهر.

صخر بحده: أيوا تبقى مراتي واسمها لين. وياريت تبعدي عني ومتقربيش كده تاني. وابقى خبطي على الباب قبل ما تدخلي، فاهمة؟ وياريت تتفضلي عشان ناخد راحتنا. وافتكر إن لين لابسة قصير وداراها وراه. طلعت سهر من الجناح والدموع في عينيها من غيظ رعد ليها. لين بعدت عن صخر بزعل ودخلت غرفة الملابس. صخر راح وراها. صخر: ياريت لبسك يكون محترم عشان البيت فيه ناس. ويلا غيري عشان خالتي وصلت هي وولادها.

وسابها ونزل تحت. كانت خالته قاعدة وجمبها سهر وأختها ليلى. خالة صخر هيام قربت من صخر حضنته بحب وبادلها وكملت. هيام: هي مين اللي سهر بتقول عليها في جناحك؟ رد عدى من وراها. عدى بسخرية: مراته. أصله اتجوز واحدة قد بنته. صخر بابتسامة: لين مراتي وحبيبتي. وبص لسهر بطرف عينيه وكمل: زمانها نازلة.

وبص لقى لين نازلة من على السلم ولبسة دريس أبيض فيه نقوش بسيطة وفاردة شعرها الأشقر. وكانت ملكة متوجه. نزلت بابتسامتها الجذابة وقفت جمب صخر اللي تايه فيها. هيام قربت سلمت عليها بحب هي وليلى. ولين اتجاوبت معاهم وكانت فرحانة. صخر كان بيبص لعدي بتوعد اللي واقف بيبتسم بسخرية وهو بيبص لسهر. سابهم صخر واتجه لغرفة الرياضة الخاصة بيه. لما لقى لين متجاوبة مع هيام وليلى واتطمن عليها معاهم. لأن هيام وليلى قلبهم أبيض.

دخل الغرفة قلع تيشرته وفضل يلعب بإرهاق. ووقف لما لقى سهر داخلة عليه بكل جرأة. كانت لين قاعدة بتضحك من قلبها هي وليلى وبقوا صحاب. في نفس الوقت كانت بتدور على صخر بعنيها بقلق. سهر بدموع: مكنتش مصدقة إنك اتجوزت ونسيتني بسهولة كده. أنا بحبك. صخر بحده ووجع: انتي اللي أصرتي إنك تبعدي عني. سهر: وعرفت غلطي ورجعتلك. أنا لسه بحبك، مكنتش فاهمة.

صخر بحده وغضب: سهررر خلاص، أنا اتجوزت وبحب مراتي. ولو عايزة ترجعي لحبيب القلب ارجعيله. ولا تلاقيه فلس فجيتي لما لقيتيني ناجح وبقيت غني. سهر كانت بتبصله وبتعيط وبتتوعد للين لأنها أخدت حبيبها منها. ومرة واحدة قربت من صخر. لين طلعت الجناح وفضلت تدور على صخر ونزلت تحت. لقت في غرفة مفتوحة في الآخر خالص. اتجهت للغرفة. الدموع متجمعة في عينيها لما لقت سهر بتحاول.