رواية ليس العمر حاجز الفصل السابع 7 - بقلم جنات بدر

تنهد رضوان وقال: ها، إيه النتيجة؟ قالت نواره: مش حمل خد. مسك رضوان التست بزعل، وبص فيه، وبعدين حضنها وقال: بحبك يا لمضه، ألف مبروك يا روحي. ابتسمت نواره وقالت: مبروك لينا، أنا مبسوطة قوي، يلا ننزل عشان نبلغ الكل. مسك رضوان إيدها وقال: مابلاش تقولي لحد دلوقتي، عشان جنة تاخد على خاطرها وتزعل. قالت نواره بجدية: لا يا رضوان، دي أول واحدة لازم تعرف جنة، عشان لو محدش قالها كده تزعل وتقول دول خايفين، أحسدهم بيخبوا عليا.

ابتسم رضوان وقال: في شاطرة كده، أنتِ فعلاً كلامك صح. عند جنة: عيطت جنة وقالت: إنت بجد زعلان؟ قال يونس بنفاذ صبر وعصبية:

أيوه زعلان، أيوه متزفت على عيني، عشان أنا زهقت يا جنة من تصرفاتك، كل شهر نفس الأسطوانة ونفس الموضوع، كل شهر نكد وعياط، وقبل ما أنتِ تزعلي أنا اللي بكون زعلان وموجوع على حالتك، وبرضه سايبك براحتك عشان ما تزعليش. الدكاترة قالوا ما فيش عيب، بس إنتِ برضه شاغلة نفسك، أنا عارف من حقك تسعي عشان تكوني أم، وده حقك، بس برضه ربنا عرفوه بالعقل، وكل حاجة بأوانها، لازم يكون في شوية صبر، ربنا بيختبر صبرك، ربنا عايز يسمع صوتك وأنتِ بتلحي عليه في الدعاء، وبعد كل ده تقولي يونس أنت زعلان عشان أنا مش حامل، الله الواحد يروح بزعله.

حضنته جنة بخوف وقالت: بعيد الشر عنك، إن شاء الله أنا وأنت لا، حقك عليا، متزعلش مني، أنا مش هعمل كده تاني. قال: كل مرة بتقولي كده يا جنة، وبرضه بنرجع لنقطة الصفر، أنا عايز، سيبي الموضوع على الله وشوفي كيف هيعوضك. قالت بحب: خلاص، أنا سبته لربنا ومش هعيط تاني، ولا هضغط على نفسي. تنهد يونس وطبع قبلة على جبينها وقال:

إن شاء الله ربنا هيكرمنا، أنتِ مش عارفة دموعك بتعمل فيا إيه، دموعك بتحرق قلبي يا جنة، مش بحب أشوفك ضعيفة يا قلبي، مش بيستحمل. قالت بعشق: أنا بحبك قوي يا يونس. ابتسم بحب وقال: ويونس بيعشقك يا قلب يونس. بعدين بص ليها بعشق وقال: تعالى ناخد دوش سوا عشان ننزل نتعشى، وبعدين ليكي عندي مفاجأة هتعجبك. نزل الجميع، وكانوا على خلصوا العشاء، كانوا متجمعين بيشربوا الشاي. قالت نواره بفرحة: يا جماعة، في ضيف جديد هيشرف عيلتنا.

قال وليد: مين بقى الضيف ده؟ حد نعرفه؟ وقالت نواره بسعادة: لا، لسه جديد. قال فهد: مين يعني؟ قالت نواره: هو يقولك خالو يا فهدا. استوعب الكل الخبر. قالت عائشة بفرحة: يعني أنا هكون جدة؟ ابتسمت نواره وهزت رأسها. حضنتهم عائشة هي ورضوان: ألف مبروك يا حبايبي، ربنا يتم فرحتكم على خير يارب. فرح الكل لنوارة وهنوها. حضنتها جنة بحب وقالت: ألف مبروك، ربنا يتمم لك بخير يارب. قالت نواره: عقبالك يا قلبي. جبرية حضنت نواره وقالت:

ألف مبروك يا بتي. وبعدين ربتت على كتف يونس وقالت: وأنت مش ناوي تفرح قلبي؟ ولا هتفضل طول عمرك ظالم نفسك؟ قولي بس اتجوز وأنا أصبح أجبلك ست البنات.