رواية ليس العمر حاجز الفصل السادس عشر 16 - بقلم جنات بدر

دخلت جبريه عند جنه. بصت ليها جنه وقالت بسخريه: "ايه جايه تشوفي كسرتي ووجعي وتشمتي فيا؟ قربت جبريه من جنه ومسكت ايدها وقالت بحزن حقيقي ظاهر في عيونها ونبرة صوتها: "جنه سامحيني على كل اللي عملته فيكي. انا عرفت قيمتك عند ولدي وعرفت إنو فعلا يونس سعادته معاكي انتي. انا كنت أنانيه معاكي سامحيني يابتي. انا عارفه معملتش معاكي حاجه حلوه تشفعلي عندك بس إنتي طيبه وهتسامحيني." سحبت جنه ايدها وقالت بدموع: "أسامحك؟

أسامحك على إيه ولا ايه؟ على كلامك ليا من لما يونس اتجوزني؟ ولا على كلامك بخصوص إنو مش بخلف وكنتي ديما بتسمي بدني؟ ولا علي ضغطتك عليا وكنتي بتخليني أعمل الحاجه عناد بس عشان تتعبيني؟ أسامحك على مو،ت بنتي اللي ماشوفتهاش؟ ولا علي تعبي وكنت هم،وت انا كمان؟ ورغم كل اللي بتعمليه كنت بسكت ومرضتش اقول لي يونس عشان مايكرهكيش مهما كان إنتي أمه. و متخافيش مش هقول لي يونس حاجه عشان لو قولت مش هيفيد بحاجه." نزلت دموع جبريه وقالت:

"سامحيني ياجنه والله انا ندمانه على كل اللي عملته فيكي. انا عايزه أصلح غلطي. انا مستعده أعترف بكل حاجه عملتها قدام الكل وكمان أطلب منك السماح قدامهم. انا كان غضبي عميني بس دلوقتي اتغيرت والله العظيم اتغيرت يابتي." جنه مفيش منها اي رد. قالت جبريه بتوسل: "طيب عشان خاطر يونس ياجنه انتي قلبك ابيض فرصه واحده بس شوفي إني اتغيرت ولا لا." قالت جنه بدموع: "انتِ جايه ليا شفقه صح؟ شفقانه على حالي وقلبي المكسور ف صعبت عليكِ؟

قالت جبريه: "لا والله جايه ليكي بقلب ام خايفه على بتها. وانا كنت فاهمه غلط انتي خلقتي لي يونس وعمره فرق العمر مكان حاجز انتي مكتوبة لي إبني وانا فهمت غلطي اي نعم فهمت متأخربس المهم عرفت ده. مليش فرصة عندك ياجنه؟ نزلت دموع جنه غصب عنها وقالت: "ربنا يسامحك يامرات عمي ربنا يسامحك." قالت جبريه بحزن: "بردوا رفضه تسامحني بس ده حقك يابتي ربنا يشفيكي ويعوض عليكي." لسه هتقوم. دخل يونس. يونس قال: "صباح الخير يامي." ابتسمت

ابتسامه بسيطه وقالت: "صباح النور ياولدي. حط الفطار لمراتك عشان لو عندها علاج تاخده." ابتسم يونس وقال: "اكيد تعالي افطري معانا." قالت: "لا خدو راحتكم انا هنزل." ومشي. قعد يونس بستغراب وقال: "انتي ملاحظه إنو امي هاديه جدا على غير عادته؟ بصت بشرود وسكتت. تقرب يونس منها وقال: "روحتي فين؟ انا بكلمك." تنهدت جنه بحزن وقالت: "معرفش." قال: "طيب يلاه عشان تاكلي." عده شهر واتنين. ونوره وضعت طفل وسموه رعد. الأمور تمام.

جبريه اللي تغيرت بجد وبقيت تعامل جنه كويس. معاده جنه إللي الحزن اثار عليها بقيت ملامحها مطفيه وبهتانه وبقيت مختصره الجميع ترد على قد السؤال ومش بتكلم كتير. وكان يزيد حزنها لما كل واحده شايله طفل لها وهي تبص عليهم وتبكي. وكانت تطلع غرفتها عشان محدش يلاحظ حزنها. دخل يونس الغرفه لقيها بتبكي. قرب منها وحضنها وقال: "وبعدين معاكي هتفضلي كده لي امتى؟ قالت من بين شهقاتها:

"غصب عني يايونس غصب عني قلبي وجعني قوي مش قادره أنسى. انا بشوف كل واحده شايله ابنها انا بيصعب عليا نفسي يايونس. انا ما ستهلش اللي حصل معايا يايونس. انا مش بحقد ولابحسدهم بس انا من حقي أكون أم زيهم ليه اتحرم من الفرحه دي." قال يونس: "استغفرالله ايه اللي بتقوليه ده ياجنه. قولي الحمدلله إنتي مش عارفه الخير فين اكيد في حكمه لي كل اللي بحصل. قولي الحمدلله ياقلبي وربنا يعوضنا خير." قالت بدموع: "الحمدلله."

رفع وشها ليه وقال: "ينفع كده جنه اللي كيف الورده اللي مفتحه تنطفي كده وتهمل في نفسها." قالت بحزن: "مليش نفس لي حاجه." قال بزعل مصتنع: "طيب ويونس ملهوش نفس يعني؟ قالت بحزن شديد: "انا عارفه قصرت معاك وظلمك معايا الفتره دي سامحني." قبل جبينها وقال: "أنا عذرك ياقلبي." وبعدين قال بمرح وهو بحضنها: "نفسك في واد ولابت ياسوسو." وضحكت جنه. عند نواره كانت بتعيط من رعد اللي بيبكي بدون سبب.

دخل رضوان وتفاجأه لما لقيهم هما الاتنين بيعيطوا. رضوان ضحك جامد وقال: "مين هيسكت مين كده؟ قال نواره بدموع: "أنا تعبت من إبنك ده شبعان بيعيط جوعان بيعيط ده بيعيط بدون سبب انا مش بنام انا مش حاسه بنفسي." ضحك رضوان وقال: "قصدك ابننا مش ابنك. وبعدين هات انا هوديه لي امي وانتي اهدي شويه." خد رعد منها وقال: "مالو العصبي مزعل ماما ليه." وخده ونزل.

نزل تحت كانت جليلة شايله يوسف وبتلعبه وعايشه وجبريه بيتكلموا اللي علاقتهم بقيت كويسه. قال رضوان: "خدي ياماما رعد باشا." ابتسمت عايشه وقالت: "مالو حبيب سته." قال رضوان: "ديما عيط ومغلب أمه معاها شكله هيكون عصبي زياده عن اللزوم." ضحكت جبريه وقالت: "ده هيكون شبه عمه يونس في طبعه." ابتسمت عايشه وقالت: "يارب اشوفه زي عمه يونس." قالت جبريه: "وعبال ماشوف اولاد يونس يارب." قالوا عايشه وجليله: "يارب." بعد مرور شهرين.

جنه كانت نايمه بتعب وإرهاق. يونس صحي وبقي يمشي انامله على وجهها وقال: "حبيبتي انتي راحت عليكي نومه الساعة 8." قالت جنه وهي مازالت مغمضه: "حبيبي انا نزلت وساعدت الجماعه بس حسيت بتعب شديد وإرهاق مقدرتش اقعد معاهم ونمت ومحستش بنفسي." اتعدل يونس وقال: "يعني دي بشرة خير." قالت جنه بتعب: "معرفش يايونس." قام يونس وقال: "خمسه ورجع." بعد فتره رجع يونس وقال: "خدي جربي ده." قالت جنه: "بس يايونس." قال: "مبـسـش يلاه قومي."

خدت جنه التست ودخلت الحمام. قال يونس: "يارب أجبر بخاطرنا يارب." بعد فتره خرجت جنه. بلع ريقه وقال: "طلع ايه." قالت جنه بزعل: "مفيش حاجه." قعد يونس على السرير وقال: "الحمد لله هتتعوض." قعدت جنبه علي السرير وقالت: "يعني مش زعلان؟ ابتسم وقال: "لا ياقلبي مش زعلان." قبل قبله علي خده الشمال وقالت: "أنا حامل يايونس." قال يونس بعدم تصديق: "انتي بتهزري؟ هزت راسها وقالت: "أنا بجد بص شوف." بص يونس لي تست الحمل

وابتسم وبعدين حضنها وقال: "مبروك ياقلبي ربنا يتمملك على خير." وقال بهمس: "الحمدلله." "انتي لازم ترتاحي ومفيش مجهود ومفيش زعل ولا عصبيه راحه بس." ابتسمت جنه وقالت: "لازم ننزل نخبر الكل." قال: "اكيد طبعا يلاه ياروحي ده الكل هينبسطو قوي." وفعلا خد جنه ونزلوا. كان الكل متجمعين. قالت جبريه بحب: "بقيتي كويسه ياقلبي كان ظاهر التعب والإرهاق على وشك." ابتسمت جنه وهزت راسها وقالت بحب: "الحمدلله بخير متقلقيش عليا."

قال يونس بفرحه: "ياجماعه عندي ليكم خبر هيسعدكم." قال حسن: "قول ياولدي فرحنا." قال يونس بفرحه لا توصف: "جنه حامل." الكل فرح وعايشه وجبريه بقيو يزغرطوا. والكل بارك ليهم وهنأهم واتمنو ليهم الذرية الصالحة والسعاده. بعد مرور 25 سنه. تنهدت جنه بحب شديد وقالت: "ودي قصتنا انا ويونس." كان يونس وقف قرب من جنه وحضنها وقال: "حبيبتي انتي المره الألف تقولي ليهم قصتنا دول حفظوها زي اسمهم." ضحك “جود “وقال:

"شوفت ياحج جنه كل يوم جمعه بتقولنا حلقه من قصة حبكم." "سيبك من القصه بس عارفه ياجنون إنتي لسه مزه زي مانتي. انا عايزة واحدة شبهك." وحضنها. نزل على قفاه من يونس وقال: "ابعد يالاه وإياك تدلعها تاني انا بس اللي أدلع." حط ايده على قفاه وقال: "أسر مقبوله منك ياحج." "ياعاشق." قال يونس: "لازمتها ايه حج بعد عاشق شكله وليد خرط عليك." "زيدان بتعمل ايه مش مركز معانا." زيدان: "ها بتقول ايه يا حج." مركز في ايه.

قالها يونس باهتمام. قال زيدان: "مفيش." بص حوليه وقال: "آمال فين فريده." "أنا هنا." قالتها فريده. قال أسر: "آمال الدلوعه بتاعتك دي." حضنت يونس فريده وقالت: "وأنت غيران ليه يابيضه." بص ليها أسر بغضب وقال: "بت احترامي نفسك." "أختك الكبيره عيب يا أسر." قالتها جنه. قالت فريده: "ماما انا جاهزة كل حاجه جوه وعطيت تيته العلاج ونامت." قالت جنه بحب: "تمام واعمامك وزوجاتهم قربوا يوصلوا."

بعد فتره وصل رضوان ونواره وبناته الاتنين ميرا وسما. سلم رضوان على جنه وقال لي يونس: "انت كل يوم شايفك في الشركه." ضحكت جنه وسلمت على رضوان وسلموا البنات وعاصم علي جنه. قالت جنه بحب: "واخبار رعد ايه." قال رضوان: "كويس بس رافض ينزل البلد انا تعبت معاه." قالت جنه: "أنا هكلمه وهقتعه يرجع." قال أسر: "مدام جنه حطت ايدها في الموضوع اتحل." شوية ودخل وليد واولده هما يوسف وسفيان. سلموا علي الجميع.

وبعدين دخل فهد ورشا واولادهم وهما زين ونوره وماهر. شوية وصل أنس وسمر واولادهم هما كيان ومراد و يارا. اجتمعوا الكل في جو عائلي حلو ومليان بالحب وقعدوا يسترجعو أيام زمان ويضحكون.