رواية ليتني احببتك اكثر الفصل الثالث 3 - بقلم اسيل باسم

دي مراته لياسين يا مراد. ياسين عرف يختار عروسة، قمر وجميلة كمان. مراد بغيظ: ياسين بيه دايماً بيوقع وهو واقف، دايماً هو اللي كسبان. بصت لهم بعدم فهم عن أي مسبب يتكلم مراد. نادها والدها الذي ضمها بشوق: البيت من غيرك وحش أوي. حور بتغيير الموضوع: هي نور مجاتش ليه؟ سليم بأسف: كان نفسها تيجي وتشوفك بس المدير مسمحلهاش تيجي، انتي عارفة شغل أختك صعب إزاي، خاصة بالنسبة لمتدربة، يا دوبها في أول السلم وهي عايزة تثبت نفسها.

أومأت برأسها بتفهم وجلست بجانب سليم بحذر. سليم: ياسين كيفه معاكي؟ حور وهي تنظر له بضياع: عادي. بصلها ياسين ثواني وسرح في عيونها، وهي كمان. فاق على صوت والدته اللي بتضحك على شكله وغيظ مراد منه ومن نظراته لحور. ياسين: احم احم، بتقولي حاجة يا مدام؟ والدته: بقولك يا حبيبي، ناوي تعمل شهر العسل فين؟ ياسين: عاملها مفاجأة لحبيبة قلبي. ابتسم سليم بهدوء لحور: على كده هتخيب كتير. ياسين: معرفش.

مراد: ومين هيستلم الشغل في غيابك يا ياسين؟ انت عارف إني مقدرش لوحدي. ياسين: متقلقش، يوسف هيغيب مكاني. مراد بغضب: بس انت عارف إن يوسف ملهوش في البيزنس بتاعنا، إزاي هينوب عنك مش فاهم. ياسين وهو يقف: أنا عارف أنا بعمل إيه يا ابن خالتي. مد ايده لحور: عن إذنكم يا جماعة هنطلع نريح شوية. استأذن والد حور وذهب. وخرج وراءها مراد بغضب.

مراد وهو بيوقف قدام سليم: متفكرش إنه اللي عملته ده هيعدي كده على الساهل ومن غير عقاب، أي حد فرق بيني وبين حبيبة قلبي حور هيدفع التمن غالي أوي، وأولهم انت يا عم. سليم بسخرية: روح والعب بعيد يا ولد، أنا مبتهددش. وبعده عن طريقه وذهب إلى منزله. مراد بغضب: ماشي يا عمي ماشي، انت اللي جبته لنفسك، استحمل بقى اللي هيحصل فيك. كانت تدور حول الغرفة ذهابًا وإيابًا وهو ينظر في هاتفه ببرود، أو يتظاهر بذلك على الأقل قدامها.

حور: ممكن أفهم مراد كان ببرطم وبيقول إيه تحت؟ ياسين ببرود: قولتلك متجيبيش اسمه على لسانك، ثانياً أنا مش فاهم إنت بتتكلمي عن إيه. حور بغضب: لا فاهم كويس أنا قصدي إيه، هو كان بيقولك إنك كسبان على طول، هو كان يقصد إيه بالكلام ده؟ أوعى تكون متراهن إنت وابن خالتك عليا يا ياسين. وقف ياسين قدامها: أنا معنديش وقت للكلام الفارغ ده يا حور. وجاء يمشي بس مسكت ايده وقربت منه من غير ما تاخذ بالها.

حور: لا انت مش هتمشي غير لما تجاوبني على سؤالي. ياسين بهدوء: عايزة إيه مش فاهم. حور: عايزة تقولي الحقيقة، انت كنت تعرف إني حبيبة مراد؟ قبض على يدها بقسوة: أنا مش هفضل أعيد في كلامي كتير يا بنت الناس، علاقتك مع مراد انتهت من وقت ما اتزفتي وقبلتي تتجوزيني، والأحسن إنك تخرجي من برا دماغك، لحسن أتصرف تصرف مش هيعجبنا إحنا الاتنين، فاهمة؟ نزلت دموعها تلقائياً خوفاً منه. تفاجأ بيها ياسين بعدم تصديق: هو أنا قربت منك؟

حور بألم: إيدي هتكسرلي إيدي. انتبه لايده اللي كانت بتسحق يدها. ابتعد عنها: مقصدتش. بعدت عنه بصعوبة وهي بتمسح دموعها. الوقت اتأخر أوي. آآآه كله منك يا ****. إزاي أروح دلوقتي أنا؟ الله يلعن الساعة اللي جيت. وادربت عندك واحد بارد و **. شهقت بفزع عندما وجدته أمامها. هل هو سمعها؟ ابتلعت ريقها بصعوبة وخوف. حضرتك، انت لسه ممشيتش؟ ده أنا كنت لسه بقول عنك شعر. ركبي، هوصلك بيتك. فتحت فمها فير مصدقة لما يقوله هذا البارد.

نظر لساعته بملل: يمكن ترفضي وأنا هروح عادي. يلا لا وصلني طبعاً، ده م صدقت تطلب الطلب ده. احم قصدي يعني وصلني، أكيد مش هلاقي تاكسي في الوقت ده. أشر لها تمشي قدامه. عضت على شفايفها بإحراج. أما هو ابتسم بخبث. وقبل ما تفتح باب السيارة ثواني وكان قدامها ٥ أشخاص بيبعثوا الرعب في نفس واحدة. وهو ببرود: في حاجة يا بهوات؟ واحد منهم: البنت دي تخصنا، سلمنا إياها، هنسمحلك تروح من غير أي أذى. انكمشت وراء ظهره بخوف.

هو: طب اتفضل خدها وأنا مالي بيها أصلاً، هي مش من بقيت أهلي حتى أبقى عليها، خدها على طول. بصت له باستنكار وهي بتهز رأسها. بلا. تقدم واحد منهم وهو بيبص عليها بشهوة ورغبة: يظهر إننا هنتمتع النهارده يا حلوة .....