رواية ليتني لم اكن الفصل الرابع 4 - بقلم مروة علي

خديجة بعياط: مريم!!! وبتمسك الفون عشان تسمعهم. مريم بعصبية: عاجبك كدا ياغبي؟ أحمد بعصبية: أنا اللي غبي ولا أنت؟ وبعدين ماتنسيش ياست مريم إنك أنت اللي مخططة لكل دا، ولا إيه؟ مريم بغل: أيوه أنا اللي مخططة لكل دا، ولو طولت أقتل خديجة هقتلها عشان... خديجة بعياط: ليه كدا ياربي؟ حتى الفون فصل يارب، طب ليه؟ دا أنا اعتبرت مريم أكتر من أختي من وقت ماعرفتها، وعرفتها كل أسراري ودخلت بيتنا. آه ياربي، طب وأحمد؟

دا أنا كنت هسلمه نفسي يارب. بس لا مش هسكت عن حقي، لازم أعرف ليه عملوا فيا كدا؟ وبتقوم تلبس عشان تنزل. خديجة بعياط: معلش يابابا هخرج أروح لصاحبتي لأنها تعبانة. محمد: ألف سلامة عليها يابنتي، بس الساعة دلوقتي تسعة والوقت بقي ليل. خديجة: معلش يابابا لازم أخرج ضروري. محمد: ماشي يابنتي، بس خديني معاك. خديجة بإرتباك: ها، ماهو أصل... محمد: أصل إيه يابنتي؟ خديجة بكذب: ندي قالتلي إنها هتبعتلي أخوها وأختها الصغيرة معاهم.

محمد: ماشي ياخديجة، أما نشوف أخرتها. خلي بالك من نفسك، وسيبلي رقم صاحبتك. خديجة: حاضر يابابا، مع السلامة. وبتمشي. خديجة: السلام عليكم ياأميرة، أنا خديجة. أميرة بضحك: خطيبي، وعليكم السلام. خديجة بسرعة وعياط: بصي ياأميرة. وبتحكلها كل حاجة. خديجة: وأنا دلوقتي لازم أروح عشان أعرف عملوا كدا ليه، ومفروض إنك تعبانة وأنا هجيلك زي ماقولت لبابا، وإن أخوكي هيجي ياخدني، وأنا دلوقتي هروح هناك، يلا باي. أميرة بحزن: استني ياخديجة.

تيت تيت. ياربي، طب أعمل إيه؟ بتبدأ تعيط بصوت عالي. حذيفة: مالك ياميرو؟ بتعيطي ليه؟ أميرة بعياط: صاحبتي ياحذيفة. وبتحكيله كل حاجة. حذيفة بحزن: لاحول ولا قوة إلا بالله، بس كدا ممكن يعملوا فيها حاجة عشان راحة لوحدها. أميرة بعياط: لازم نلحقها ياحذيفة. ف شقة أحمد. مريم وهي بتلبس هدومها: يلا، همشي أنا، بس خلينا علي تواصل عشان نعرف نوقع الزفتة اللي اسمها خديجة. أحمد بزهق: ماشي. بس ولكن الجرس بيرن. مريم: خليك، وأنا هشوف مين.

وبتفتح الباب وبتلاقي خديجة في وشها بصدمة. خديجة: خديجة!!! خديجة بعياط: أيوه خديجة ياست مريم، خديجة اللي لعبتوا عليها اللعبة، صح؟ طب ليه؟ دا أنا حبتكم أكتر من أي حد، وكنت مستعدة أضحي بحياتي عشانكم. مريم بضحك وغل: طب كويس إنك عرفتي الحقيقة. بتقولي إيه؟ حبتيني؟ بس أنا بكرهك ياخديجة، عارفة يعني إيه بكرهك؟ وعندي استعداد أعمل أي حاجة عشان أشوفك متدمرة. وبتشاور علي أحمد: حتى إن خليت جوزي يحاول معاكي عشان يوقعك.

خديجة بصدمة: جوزك!!! مريم: اه، جوزي. عرفي، بس أنت بالنسباله. وبتبص عليها بقرف: أظن فاهمة قصدي. خديجة بعياط: طب ليه؟ أنا عملتلك إيه وحش؟ دا أنا من يوم ماعرفتك وأنا بقدملك كل حاجة وبسمع كلامك، وعمري ماقولت حاجة. حتى أحمد حبيته من قلبي، ليه؟ مريم بغل: عايزة تعرفي ليه؟ من وأنا صغيرة وأنا مش بيتقالي غير جملة واحدة: شوفي خديجة عملت إيه؟ حتى يوم ماخدت المركز التاني في الرسم علي مستوي الجمهورية،

اتقالي: وليه ماجبتيش الأول زي خديجة؟ كرهتك وكرهت نفسي. وكل دا كوم، ويوم ما لبستي الخمار كوم تاني. وقتها كنت لابسة طقم جديدة وفرحانة بيه. أبويا مسكني ضريني لحد ماهدومي اتقطعت والطقم الجديد باظ، ووقتها قالي: مالبستيش الخمار زي خديجة ليه؟ ووقت ماكنا في ثانوي، حتى الولد اللي حبيته وكنت هموت عليه، حبك. ولسه كتير، تحبي تسمعي؟ خديجة بعياط: وأنا ذنبي إيه من كل دا؟ أنا كنت بعتبرك زي أختي.

وبتبص عليهم وقامت: بس خلاص، أنا عرفت حقيقتكم. أنا ماشية، ومن انهارده مش عايزة أشوف خلقة حد فيكم تاني. مريم بغل: وأنا مش هسمحلك تمشي. وبتحاول تكتفها. أحمد: البنج بسرعة. خديجة بخوف: ابعدوا عني، آه، ابعدي عني. ولكن أحمد بيرش عليها البنج وبيغمي عليها.