رواية ليتني لم اذهب الفصل التاسع 9 - بقلم رحمه العواني

دخل يزن عليهم: متقلقيش ابنك بخير. فارس بص لها بصدمة. إيلين حطت إيديها على بطنها براحة: الحمد لله إنك بخير يا قلب ماما. وبعدها بصت لفارس بتحذير: لو كان ابني حصله حاجة أنا مكنتش هرحمك. فارس بص لها بشفقة. إيلين: اطلع برا. فارس: خليكي عارفة إني مكنتش أعرف إنك حامل. إيلين بعصبية: والضرب اللي حصلي ده كان عادي؟ يزن: اطلع برا يا فارس. فارس بص له بلوم وقرب منه وبصوت واطي: أنت كده بتخرب الدنيا مش بتصلحها.

يزن بنفس الهمس: ملكش في يا فارس وخليك بس في أختك اللي سهل أحبسها بالدليل اللي معايا لو متنزلوش عن القاضية. فارس بص له بعصبية: أبقى قرب منها وأنا أقتلك. طلع فارس وهو بيفكر إيه هو الدليل اللي مع يزن يتسبب في سجن لينا. نزل من المستشفى وراح البيت وكان لسه بيفتح باب الشقة سمع صوت. لينا: أنتي عارفة لو اتكلمتي عن اللي حصل مش هرحمك وهطردك من هنا. الخدامة: بس يا ست لينا أنتي...........

لينا بصوت عالي: مش عايزة أسمع صوتك قولي حاضر وبس وهتشهدي في المحكمة معايا غصب عنك والا هقطع عيشك من هنا وأبقى وريني إزاي هتصرفي ع بنتك الصغيرة دي. الخدامة بقلب حيله: حاضر يا لينا هانم. فارس كان مصدوم من كلام أخته ونزل على العربية وبدأ يسوق بسرعة جنونية لغاية ما وقف في مكان مفروش ناس ونزل من العربية وبدأ يصرخ بجنون. أنا إزاي عملت كده إزاي قتلت روح بريئة وظلمت بنت ملهاش ذنب علشان لعب العيال اللي لينا عملته ده.

بدأ يصرخ بنهيار: إزاي عملت كده إزاي. أنت ع طول بتدافع عن الحق معروف عنك النزاهة إزاي تعمل كده يا فارس إزاي. وضرب سطح الغرابية بغضب لدرجة إنها اطبقت. وقعد على الأرض وبدأ بنفس الانفعال: أنت غبي إزاي مصدقتها إزاي. ونام على الأرض بيحاول يسترجع نفسه من تاني وبدأ يتنهد بتعب. _عند إيلين ويزن. ارتاحت إيلين لما فارس طلع وبدأت تعيط بتعب وهي بتفتكر كل الضرب اللي اتعرضتله في الأوضة الضالية دي وكانت خايفة جدا. يزن: اهدي يا إيلين.

بصت إيلين على الكلبش اللي في إيديها وبدأت تعيط أكتر. إيلين: أنا معملتش........... قطعها يزن: أنا مصدقك يا إيلين. إيلين بدموع: أنا تعبت. يزن: معلش يا إيلين حقك عليا وصدقيني هطلعك من هنا غصب عن الكل ودليل براءتك بقى معايا. إيلين: بجد؟ يزن: أيوه متقلقيش أسيبك ترتاحي دلوقتي وهجيلك بكرة. خرج يزن وافتكر كل اللي حصل وإزاي جاب دليل براءة إيلين والتمن اللي دفعه مقابل ده.