رواية ليتني لم اذهب الفصل الثالث 3 - بقلم رحمه العواني

خير يا دكتور. هي كويسه مفيهاش حاجة. وإيه سبب التعب ده؟ هو مفيش سبب معين لده، بس لو في أي حاجة حصلت تاني ممكن تجيبها المستشفى يكون أفضل. شكراً يا دكتور. اديها بس العلاج بإنتظام وهيشويه وهتفوق. مشي الدكتور ويزن فضل جنبها مستنيها تفوق. ايلين بتعب وهي نايمة: ابعد عني. كمان بتتكلمي وإنتي نايمة. ايلين بخوف وصوت مهزوز: سبني يا أسامة. ابعددد عنني. ابني ابني لا. يزن مسك إيديها وحسس ع شعرها: اهدي. مفيش حاجة، أنا جنبك.

هدت ايلين واستقرت جسدها ونامت تاني. شوية وفاقت ايلين وابتدت تفتح عنيها: أنا فين؟ يزن بيفتح عينه بإرهاق: حمدل ع سلامتك. أنا فين؟ في أوضتي. ايلين قامت بفزع: نعم؟ في أوضتك؟ يزن بضحك: ما هو لو حضرتك مكنتيش حاولت تتحر'شي بيا امبارح وتمسكيايدي مكنش كل ده حصل. ايلين بصدمة: نعم؟ إنت بتقول إيه؟ يزن بضحك أكتر: أتصدقي شكلك زي القمر حتى وإنتي تعبانة. ايلين بخضة بعد ما افتكرت اللي حصل: إنت مجنون؟ وإيه اللي عملته ده؟

رفع ايده بإستسلام: أنا عملت إيه بس؟ ايلين بعصبية: إنت هتستهبل؟ يزن: العصبية دي مش حلوة علشان الحلوين اللي زيك. ايلين: إيه البرود اللي إنت فيه ده؟ فهمني ليه عملت كده؟ يزن بيدعي النسيان: آه، يكنش تقصدي لما وقعتي تحت وسط الناس؟ يعني أنا بقولك اضحكي علشان الصور تطلع حلوة تقومي واقعة في حضني كده. وغمزلها بعينه. وكمل بمزاح: أنا عارف إن حلو وأتحب، بس إمسكي نفسك قدام الناس كده مينفعش. ايلين: ما تحترم نفسك يابني إنت.

يزن بدعابة: معقولة حبيتيني من أول نظرة؟ علشان كده دوختي ووقعتي؟ ايلين: إنت مجنون ولا إيه؟ يزن: الكل عارف كده. ايلين في نفسها: يارب صبرني. يزن بمزاح: بتقولي حاجة؟ ايلين: ملكش دعوة. بعد شوية من الصمت اتكلم يزن. يزن: قوليلي بقي ليه اغم عليكي أول ما قربة مننا الناس؟ ايلين بتوتر: مبحبش الزحمة. يزن برفع حاجب: وكل اللي مبيحبوش الزحمة بيحصلهم كده؟ ايلين بعصبية: وإنت مالك أصلاً؟ يزن: لو كنتي ناسيه أنا اللي شلتك وجبتك هنا.

لوليا كان زمانك مرمية تحت. ايلين: ولو إنت كنت ناسي ف أنا حصلي كده بسببك. يزن بغمزة: عارفه كام واحدة بتحقد عليكي دلوقت؟ ايلين: تقصد البنت اللي كانت معاك دي؟ يزن بضحك: ومالك بتتكلمي عليها بقرف كده؟ إنتي تعرفي هي بنت مين؟ ايلين: ومش عايزة أعرف. يزن بمزاح: بس قولتلك هنتقابل تاني وطلع عندي حق. وغمزلها. وكمل: تفتكري بقي أستاهل إيه؟ ايلين: تستاهل تضرب ع دماغك. اطلع برا. يزن برفع حاجب: إنتي اللي في أوضتي على فكرة.

ايلين بحرج: طيب أنا ماشية. يزن: خليكي إنتي لسه تعبانة. ايلين: لا أنا كويسة. يزن بتفكير: هو مين أسامة ده؟ ايلين بخوف: هو فين؟ فين ده؟ يزن: اهدي، في إيه؟ هو مش موجود. أنا بس بسألك علشان إنتي قولتي اسمه وإنتي نايمة. سكت شوية وكمل: إنتي مخلفة؟ ايلين بتحاول تسيطر ع دموعها: أنا عايزة أروح أوضتي. يزن: خلاص متعيطش، اهدي. وكان بيحاول يضحكها. يزن: بس أنا أول مرة أشوف قمر كده بيعيط. ايلين بضحك: إنت ملزق كده ليه يابني إنت؟

يزن بضحك: ملزق؟ لا ده أنا بقول تروحي أوضتك أحسن. ايلين بعفوية: أنا قولتلك كده من الأول وإنت مسمعتش كلامي. ضحك يزن وبانت غمزاته أكتر. ايلين لنفسها: يخربيت ضحكتك يا أخي. خلي الواحد يتولد من أول وجديد. مش بس ينسى أحزانه. يزن بتكبر: بلاش تبصيلي كده. عارف إني حلو وخاطف قلوب البنات. ايلين: حد قالك قبل كده إنك متكبر؟ يزن بضحك: يااااااه كتير أوي.