رواية ما في قلبي الفصل الثامن عشر 18 - بقلم يارا عبدالسلام

قربت منها بتحدي: علشان فارس دا ملكي. نور بعصبية مش قادرة تمسك نفسها، وهوب شدتها من شعرها. سهى قعدت تصوت ونور ماسكة شعرها مش راضية تسيبه. فارس جه واتفاجئ من اللي نور عاملاه. قرب منها بعصبية وحاول يفك إيدها من شعر سهى والكل جه. فارس: سيبيها يا نور بقى. نور: سيبني يا فارس، أنا سكتالها من الصبح. أنا برضو اللي... بلدي يابت، دانتي مفيش حاجة فيكي طبيعية، كله صناعي. دانتي يبت ضاربة شعرك اكسجين. فارس حاول يفكها منه.

نور: سيبني عليها، دي بتقول لي إنك ملكها. ملك مين يختي، انتي مفكراه علبة ميكب بتدهني بيها وشك؟ الجد زعق ونور وقفت اللي بتعمله. الجد: فارس خد مراتك وامشوا من هنا يلا. سهى فضلت واقفة تعيط ونور بتبصلها بكل شراسة. فارس خد نور من إيدها وركبها العربية. أول لما ركب مات على نفسه من الضحك. نور بصتله بعصبية. نور: انت بتضحك على إيه؟ فارس: على شكلك وإنتي ماسكاها من شعرها، أنا أول مرة أشوفك كدا بجد.

نور: أنا نفسي استغربت نفسي، لقيت إيدي جايبة شعرها في إيدي ومدرتش بنفسي. بت مستفزة عصبتني عالصبح. فارس: بس إيه خلاكي تتعصبي كدا؟ نور: بتقول لي إنك ملكها، مدرتش بنفسي بجيبها من شعرها. فارس: أفهم من كدا إنك غيرتي عليا وإنك بتحبيني؟ نور: لا. فارس: ماشي يا نور، أنا هخليكي تقوليها غصب عنك.

نور سكتت. هي أصلاً مستغربة اللي عملته، أول مرة تخرج عن شعورها كدا، وأول مرة تمسك حد تضربه كدا. هي آه غيرانة عليه، بس هتقول له بسهولة كدا؟ لا طبعاً! وصلوا الجامعة. ونور قابلت جميلة. جميلة: صباح الفل عليكوا. نور: صباح الخير. جميلة: مالك يبه؟ نور اتنهدت وحكتلها كل اللي حصل. جميلة نزلت ضحك. جميلة: إنتي يا نور، أنا آخر حاجة أتوقعها منك تعملي كدا. نور: يعني عايزاني اسكت لما تقول لي كدا؟

إنتي أكتر واحدة عارفة إني لما بحب حاجة مبطيقش كلمة عليها، ولا حد يقرب لها. والبت اللي عاملة زي البهلوان دي حسابها معايا. الملزقة بنت الملزق. أشوفها بس بتبص له هكلها بسناني. جميلة: جدعة يا نور. جميلة بفضول: هو هوا أحمد مجاش لي لحد دلوقتي؟ ولا مش هييجي علشان هي هناك؟ نور: لا هتلاقيه جاي في الطريق، متقلقيش. هو محدش طايقها هناك أصلاً، أنا مش عارفة إيه جابهم دول. جميلة: لا اهدى كدا علشان فارس ميزعلش منك.

نور: مش هقدر امسك نفسي لو بصت له. أنا واثقة إن فارس مش هيبص لها، بس برضه البت مغرية وعاملة انتفاخات وارتفاعات وأنا خلاص هنفجر. جميلة: طيب متدلعي زيها، ودلعي على فارس قدامها. اثبتي لها إنها متقدرش تاخده منك. نور: عندك حق. أنا هعمل كدا، بس خايفة فارس يستغل كدا. جميلة: إزاي؟ نور: يلا يا جميلة نروح نشوف جدول الامتحانات. راحوا يشوفوا الجدول. جميلة فضلت تتلفت حواليها يمين وشمال. نور: مالك يا بنتي؟

جميلة: أحمد مجاش يا نور، أنا خايفة للبت دي تعلقها. نور: لا متقلقيش، هي مركزة مع فارس وإنتي عارفة إن أحمد اتغير. جميلة: مش عارفة، بس قلبي مش مرتاح له. نور: متقلقيش يا حبيبتي. فارس جه عليهم. فارس: نور يلا علشان نمشي. نور بلامبالاة: مش دلوقتي، عايزة اقعد مع جميلة شوية. فارس: معلش يا جميلة، أنا تعبان وعاوز نور. جميلة: خلاص يا نور روحي.

نور مشيت مع فارس. وهو مسك إيدها قدام الجامعة كلها علشان يعرفهم كلهم إنها بقت ملكه ومراته. وصلوا البيت ودخلوا. ونور شافت سهى قاعدة بمياعة. قربت من فارس وتبتت فيه. وفارس ابتسم وعرف إنها عايزة تغيظها وحاول يستغل الموقف. لف إيده حوالين وسطها. وده زود من توترها. خدها وطلع عالسلم. والجد نادى على نور. الجد: نور اطلعي ارتاحي وتعاليلي علشان عاوزك. نور: حاضر يا جدو. سهى كانت بتراقبهم وهي متغاظة من نور.

دخلوا الأوضة ونور حاولت تبعد عنه. وهوا منعها إنها تبعد. نور: فارس ابعد. فارس: وهوا اللي قربك. مش إنتي اللي قربتي من مزاجك؟ نور: ها؟ فارس: ها إيه؟ نور: دا بس علشان البت العقربة اللي تحت دي. فارس: وأنا موافق. نور: موافق على إيه؟ فارس: موافق إنك تغيظيها. دا دليل إنك بتحبيني. نور: طيب ابعد بقى. فارس: مهو مش بمزاجك. نور زقته بكل قوتها وبعدت ودخلت الحمام وخدت شاور وخرجت. وخرجت برا الأوضة. فارس: مصيرك هتقعي يا جميل.

نزلت لجدها. الجد: تعالي يا نور. خدها ودخلوا المكتب. نور: في إيه يا جدو؟ الجد: عاجبك اللي عملتيه الصبح دا؟ نور: جدو انت متعرفش حاجة، دي بتغيظني وبتقولي إن فارس ملكها. بنت المقشفة وأنا شكلي بيئة اللي ضاربة اكسجين دي. الجد ضحك. الجد: مانتي طلعتي بتحبي فارس أهو. نور: معرفش يا جدو، أنا لقيت نفسي بجيبها من شعرها. ولو شفتها قدامي تاني مش هقدر امسك نفسي. الجد: بصي، إنتي عندك حق في كل دا، بس هي ضيفة عندنا، مينفعش كدا.

نور: ضيفة تقعد بأدبها وليها أحلى ضيافة. غير كدا اعذرني يا جدو عاللي هعمله. مديحة جت وقالتلهم إن الأكل جاهز. نور خرجت وهي ماسكة نفسها. وفارس كان قاعد. ولسه سهى جايه تقعد جنبه. نور قربت وشالت الكرسي من تحتها وهي وقعت. سهى: إنتي حمارة مبتفهميش! نور: آسفة، بس دا مكاني. وابتسمت لها. معلش يلا روحي اقعدي جنب ماما. سهى سابتها وراحت جنب أمها. وفارس ضحك. ونور قعدت جنبه وهي متغاظة. فارس قرب من ودنها. فارس: عجباني أوي الغيرة دي.

نور: لا دي مش غيرة، أنا بحافظ على كرامتي بس. وانت شكلك مبسوط بوجودها. فارس: آه. نور بغيظ ضربته في رجله. فارس: بقيتي عصبية أوي وسرسرية. نور: وهبقى أكتر من كدا على اللي هيجي عليا وعلى كرامتي. سحر اتكلمت: وإنتي بقى يا نور بتدرسي إيه؟ نور بسماجة: أنا آداب علم نفس في آخر سنة. سحر: اممم ربنا معاكي يا حبيبتي. ناوية بقى على دكتوراه؟ نور: آه طبعاً، علشان أفتح عيادة لأصحاب النفوس المريضة.

سحر وسهى بصوا لها بعصبية وكملوا أكل. بسكوت وفارس وجدو ومديحة ومحمد وأحمد بصوا لبعض وضحكوا. نور خلصت أكل وقامت. الجد: مالك يا بنتي؟ نور: مفيش يا جدو، أنا شبعت. هطلع علشان ورايا مذاكرة. فارس هوا كمان قام معاها. وسهى بصتلهم بعصبية وهم طالعين. أحمد قرب على ودنها. أحمد: متحاوليش، للأسف بيحبوا بعض أوي. والكل قام وفضل هي وأمها. سهى لامها: شوفي اللي جايين نعمله، إحنا جينا اتهزقنا.

سحر: إنتي شكلك مش هتعرفي توقعي فارس. فإيه رأيك في البديل؟ سهى: قصدك مين؟ سحر: إنتي فاهمة. سهى: أحمد!!!