رواية ما قبل العاصفه الفصل السادس 6 - بقلم سمر احمد

مسكت قمر فازا من جنبها وخبَطته على دماغه. عدي وقع جنبها. قمر: مكنتش اتوقع إنك تطلع زبالة كدا. الباب خبط. قمر: مين؟ فيفي: المربية ياقمر هانم. قمر فتحت الباب. قمر: خير، في إيه؟ فيفي: هو إنتي مالك كدا؟ قمر بعصبية: الواطي اللي اسمه عدي كان عايز يغتصبني. فيفي بصدمة: يغتصبك إزاي؟ هو مش ده جوزك برضو؟ قمر: اتنيلي، إنتي مش عارفة حاجة. المهم جاية ليه؟ فيفي: وليد بيعيط وحاولت أسكته كتير معرفتش. قمر: أنا جاية.

قبل ما قمر تتحرك من مكانها، تليفونها رن. قمر: حسنية، أيوا. عايزة إيه وبتعيطي ليه؟ خير؟ حسنية: وهعوز منك إيه؟ أبوك مات. قمر بانهيار: كدابة، والله العظيم كدابة. حسنية: أنا عرفتك، عايزة تيجي تحضري جنازته تعالي، مش عايزة إنتي حرة. قمر قفلت في وشها وجريت على عدي اللي مرمي على السرير ورأسه متعوّرة وبتجيب دم. قمر: عدي اصحى، أبويا مات يا عدي، اصحي تعالي نمشي. قمر بصت لعدي ولقيته مش بيرد. جابت إزازة مية وفضلت تصحى فيه.

عدي بصوت كأنه لسه صاحي من النوم: حصل إيه؟ بتعيطي ليه؟ آه يا راسي. حط إيده على راسه لقي دم. عدي: يانهار أسود، الدم ده جه إزاي؟ قمر بعياط: مش وقته، أبويا مات، تعالي معايا بس، ولو عايز ترجع بعدها ماشي. عدي قام وهو حاطط إيده على راسه. عدي: ثواني أمسح راسي. قمر: بسرعة أرجوك. قمر غيرت هدومها بسرعة وكان عدي فاق ومسح راسه ومشي معاها لبيت أبوها. وصلوا ودخلوا البيت لقيوهم بيحضروا لجنازته. قمر: عايزة أشوفه. حسنية: تشوفي مين؟

قمر: أشوفه للمرة الأخيرة. حسنية بضيق وعياط: ادخلي. دخلت قمر شافته وحضنته وهي بتعيط. بعدها دفنوه. قمر قعدت تلات أيام في الفيلا هي وعدي، وكانت بتروح تغيب شوية كأنها بتعمل حاجة، تشوف ابنها وترجع. جه اليوم الرابع، كانت قمر قاعدة هي وعدي. حسنية نزلت من أوضتها لابسة زيتي وببرود: بيقولوا إكرام الضيف واجب، وإحنا أكرمناكم أوي، وكفاية لحد كدا. قمر: ضيف إيه؟ دا بيتي قبل ما يكون بيتك. وبعدين إيه اللبس دا؟

دا زي ما يكون اللي مات دا كلب مش بني آدم، وكمان جوزك. حسنية: هو إنتي فاكرة إني كنت هوافق أتجوز واحد أكبر مني بعشر سنين حبا فيه، وكمان معاه عيلة هربيها له؟ دانا خلفت منه عشان تبقى ثروته كلها من حق عياله. قمر: هو إزاي فيه ناس كدا بجد؟ إنتي إيه؟ تعالي يا سما شوفي أمك، شوفيها بتقول إيه على أبوكي وأبويا. سما: متقوليش أبويا، أنا بكره. عدي: إيه الجبروت ده؟ حسنية: بلاها كلام ويلا من غير مطرود. قمر: مفيش حد يطردني من بيتي.

حسنية: بيت إيه يا أم بيت أبوكي؟ كتب كل حاجة باسم ولادي قبل ما يموت، كان خايف تاخدي حق أخواتك، كان دايما بيشتكي منك، فحب يطمن على مستقبل عياله. قمر: إنتي كدابة. أحمد جه: لا مش كدابة. قمر بعصبية: إنت تخرس خالص، مين جابك هنا؟ عدي: إنت ليك عين؟ سما: دا جوزي وييجي في الوقت اللي هو عايزه. قمر: الله الله، دانتو طبختوها سوا بقا. أحمد: تقريبا. قمر: وأنا مش هخرج من هنا، كل حاجة كدب، ولا جبتوا ورق أكيد مزور.

حسنية: لأ مش مزور ياروحي، أبوكي بصم بإيده لأنه كان خايف تقولي كدا. قمر: كله كدا، أنا هجبلكم البوليس وهخليه يجيب حد يثبت إن كل ده كدب. حسنية: هاتي، وادينا قاعدين. البوليس جه وفعلا جابوا حد يشوفوا الأوراق اسمه محمود. محمود: كل حاجة مظبوطة، مفيش غلط. قمر: اتأكد تاني، أكيد هما لاعبين فيها. محمود: أنا متأكد، كل حاجة سليمة.

البوليس: كل حاجة سليمة ياقمر هانم، بعد كدا ياريت تكوني متأكدة قبل ما تعملي بلاغ. أسفين ياحسنية هانم، نستأذن إحنا. حسنية بصت لعدي وقمر. حسنية: برا. عدي بص لأخوه: كلب فلوس وحريم. قمر قالت بتحدي وعيون بتطلع شرار: ورحمة أمي لاندَمكم واحد واحد. حسنية: أعلى ما في خيلك اركبيه. قمر بصتلها بقرف: يلا يا عدي. قمر وصلت البيت وهي مش طايقة نفسها. قمر: دي آخرتها يابابا، دي آخرتها. عدي: اهدي ياقمر، أكيد في حاجة غلط.

قمر طلعت فونها ورنت على حد اسمه عمر. قمر: الو ياعمر بيه، آسفة إني رنيت في وقت زي ده، بس عايزالك حاجة مهمة. عمر: خير هانم، خير. قمر: المفروض بعد بكرة كان بابا الله يرحمه كان هيسلمك صفقة أدوية صح؟ عمر: صح. قمر: مش عايزك تستلمها، لأن في حد غير بابا هيسلمهالك. عمر: ليه؟ قمر: لأنها ببساطة مبقتش شركتي أو شركة بابا، والصفقة دي مدفوع فيها كل فلوس بابا، فصاحبها هيخسر كل حاجة.

عمر: والله إحنا ملناش علاقة بمين مالكها، إحنا لينا علاقة بالشركة. بعتذر ياقمر هانم. قمر: بس... عمر: مفيش بس، دا شغل مش لعب عيال. سلام. قمر: الواطي، بس استحالة اسمح للصفقة دي إنها تتم، لازم مرات أبويا تخسر كل حاجة. عدي: يعني ناوية تعملي إيه؟ قمر: عمر بيه عنده بنت حلوة وقمورة. عدي: وإيه علاقة بنته بده؟ قمر بصتله بخبث: هخليه يختار بين بنته والصفقة. عدي: إزاي؟ قمر: هنخطفها. عدي بقلق: يانهار فل...