رواية ما يخبئه لنا القدر الفصل السابع عشر 17 - بقلم زينب رشدي

قالت ملك: "عشان خاطري ي دكتور، اديني أي مقويات أو أوقف علاج لحد العملية." عبر هيثم بعصبية: "علاج إيه اللي يتوقف؟ مش كفاية سايباكي تكمليه برا المستشفى؟ قالت ملك: "ي دكتور، أنا فرحي بعد يومين وبجد مش قادرة أقف على رجلي حتى." قال هيثم بقلق: "ي ملك، بلاش حالتك هتدهور، استني لحد ما نعمل عملية." قالت ملك: "تاني ي دكتور؟ ساعدني بقى واعتبرني أختك الصغيرة."

قال هيثم: "طيب ي ملك، تقدري تيجي بكرة أعملك فحوصات وأقولك على التعليمات وأقلل الجرعة عشان ما تتعبيش." قالت ملك بتفكير: "الساعة تلاتة كويس عشان معايا معاد خمسة." قال هيثم: "كويس، هستناكي. سلام." نامت ملك وهي بتدعي ربنا يشفيها وتعدي اليومين دول ومحدش يعرف. وتاني يوم، أخدت شاور ونزلت تقعد معاهم شوية. قالت ملك وهي بتُقبّل خد أيمن: "ازيك ي حجوج ي عسل أنت؟ قال أيمن: "الحجوج زعلان منك." قالت ملك: "ليه بس؟

أنا أقدر على زعلك." قال أيمن: "مطنشاني خالص، سي عمر خدك مننا." دخل آدم وقال: "عندك حق ي بابا، دي اتغيرت خالص." قالت ملك: "بس ي سوسة أنت، مالكش دعوة بيه. ي بابا ده عايز يزعلنا من بعض." قال أيمن: "ي سلام." عانقت ملك أيمن وقالت: "وحياتك متزعل، غصب عني مشغولة." قال أيمن: "المهم إنك بخير ي حبيبتي." قالت ملك: "أنا مية فل وعشرة." قالت أسماء: "بت أنتِ، أنا مش قولتك بلاش طريقة الكلام دي." قالت ملك بصوت واطئ: "عاجبك كده؟

أهي هتتخانق." قال آدم: "سيبك منها، دي سوفاج." قالت ملك بضيق: "سـ... إيه؟ أخويا سوفاج؟ أنا سوفااااج ي... قالت أسماء بغضب: "بت أنتِ، هتردحي؟ شايف بنتك وعمايلها؟ نبي دي عروسة وفرحها بكرة. أنا عارفة عاجبه فيكي إيه." قالت ملك: "كلي ي ماما، عاجبه كل حاجة فيا. ده أنا قمر وست البنات وكل الرجالة تتمنى نظرة مني." قال آدم: "قمر بالستر! وإيه كل الرجالة دي؟ أكلم جوزك أعرفه؟ قالت ملك ببراءة: "شوف ي بابا بيضايقني إزاي."

قال أيمن بصدمة: "شوف البراءة اللي في عينيها بتتكلم ببراءة إزاي، ولا كأنها كانت بتردح من شوية." قالت ملك: "حتى أنت ي بابا؟ لأ، أنا أروح بيت جوزي ولا حد يقولي سوفاج ولا براءة." قالت أسماء: "بت تعالي هنا." قالت ملك: "أومري ي هانم." قالت أسماء: "اخلصي، اجهزي عشان ترجعي بدري عشان ورانا حاجات كتير." قالت ملك: "طيب." صعدت وغيرت ملابسها وذهبت إلى المستشفى. قالت ملك: "أزيك ي نعمة." قالت نعمة: "الحمد لله، أنتِ عاملة إيه؟

قالت ملك: "نشكر ربنا، هيثم جوا؟ قالت نعمة: "آه، مستنيكي." دخلت ملك وسلمت عليه. قال هيثم: "فاطمة، خدي ملك واعمليلها التحاليل اللي قولتلك عليها." قالت فاطمة: "آه طبعاً، يلا ي ملك." أخذتها وعملت التحاليل ورجعت لهيثم على طول. قالت ملك: "بص... صدم عمر وقال: "أنتِ بتعملي إيه هنا؟ قالت ملك بتوتر: "كـ... كنت جاية أعزمك على الفرح وأعزم نعمة وفاطمة. أنت بتعمل إيه هنا؟ قال عمر: "جيت أعزمك برضه ويشوف التحاليل ويطمن."

قالت ملك بخوف: "تحاليل إيه؟ قال هيثم: "تحليل عمر. الحمد لله عمر اتعافى تمامًا من المرض." قالت ملك براحة: "الحمد لله، ألف مبروك ي حبيبي." قالت فاطمة: "دكتور، تحليل مـ... قال هيثم: "مش وقته ي فاطمة، روحي دلوقتي." قال عمر: "ازيك ي فاطمة؟ أوعي متجيش الفرح." قالت فاطمة: "إحنا نقدر، ده فرح الغالية. عن إذنكم." قال عمر: "طيب، يلا ي ملك." قالت ملك بتوتر: "لأ، امشي أنت. أنا لسه هسلم على كام حد أعرفه كده." قال عمر: "تمام."

تنفست ملك الصعداء وقالت: "قلب كان هيقف. محسش بحاجة؟ قال هيثم: "ي شيخة، ياريت يحس." قالت ملك: "متقولش كده، المهم هتكتبلي على جرعة أقل؟ قال هيثم: "استنى نشوف التحاليل." بعد شوية، دخل أسعد. قال هيثم: "كويس إنك جيت، دي ملك كلمتك هنا كتير." قال أسعد: "أهلاً وسهلاً. مش عارف أقولك مبروك على الفرح ولا السلامة." قالت ملك بأمل: "قول إن فيه حل."

قال أسعد: "بصي، أنا مش زي هيثم. أنا هكلمك بكل صراحة، أنتِ رجعتي لنقطة الصفر. أبقى بكذب عليكي لو قلتلك في طريقة مضمونة أو تكملي علاج. ومش بقولك كده عشان تخافي." قالت ملك بدموع: "اومال عشان إيه؟ قال أسعد: "عشان تعرفي تاخدي قرار." قالت ملك: "قرار إيه؟ قال أسعد: "قدامك حلين. أول حاجة، في دكتور جاي من بره يعملك عملية، يا إما تخفي وتبقي كويسة، يا أما بقى... قالت ملك: "أمـ... موت؟ صح؟ يبقى الحل التاني؟

قال أسعد: "إنك تسبيها على الله لحد." قالت ملك بمقاطعة: "ما أمـ... موت برضه؟ صح؟ قال أسعد: "الأعمار بأيد الله." قال هيثم بغضب: "أسعد! قالت ملك بحزن: "سيبه ي دكتور، ده بيقولي الحقيقة. كانت واضحة من زمان بس أنا اللي كنت عمية." قال أسعد: "أنا متأسف، بس أنا عشان تعرفي تفكري." قالت ملك: "عن إذنك." كتب لها هيثم على علاج مناسب لحالتها، وبعدين نزلها. قال هيثم: "في حد يقول كده؟ قال أسعد: "اومال عايزها تاخد أمل على الفاضي؟

وكمان مستحيل تكمل الفرح، دي ممكن يحصلها حاجة." قال هيثم: "أعمل إيه أنا؟ وعدتها." قال أسعد: "وعدك ومشاعرك مش هينفعوك لما مريضة عندك تمـ... وت. كلم جوزها، أنا هفهمه." قال هيثم: "خلاص، أنا هبقى أكلمه وأقوله." قابلت مي وراحت البيوتي سنتر عشان بشرتها وخلصت على الساعة تمانية، وبعدين روحت كملت باقي عناية بالبشرة وفضلت تتكلم مع أهلها لحد ما نامت. وصحيت تاني يوم على صوت الموبايل. قالت ملك: "امممم."

قال عمر: "ملك، أنتِ لسه نايمة؟ قالت ملك: "امممم." قال عمر: "طيب قومي، مفيش وقت." قالت ملك: "عشر دقايق بس." قال عمر بملل: "قومي ي ملك، مفيش وقت. ساعة وهعدي عليكي. باي." قامت ملك أخدت شاور وغيرت ونزلت لقيت مامتها ومي جاهزين. قالت ملك: "طيب، طالما صاحيين، مصحتونيش ليه؟ قالت أسماء: "حاولت معاكي معرفتش." قالت مي: "طيب يلا، عمر برا مستنيكي من نص ساعة." قالت ملك: "طيب، روحي أنتِ مع آدم جيبلي الفستان وتعالي على الفندق."

قالت أسماء: "وأنا هروح الأول بيتك أشوف لو ناقص حاجة." قالت ملك بضيق: "كل عارف البيت إلا صاحبته." خرجت ملك وركبت مع عمر. قال عمر: "كل ده ي ملك؟ قالت ملك: "معلش." قال عمر: "طيب، كل ده هيطلع عليكي." قالت ملك: "أقولك حاجة؟ أنا والله خايفة أوي." قال عمر: "من إيه؟ قالت ملك: "منك ي عمر ي حبيبي. أنت بتستحلفلي. وكل حاجة، لما نتجوز هوريكى، هوريكى." قال عمر بضحك: "متخفيش ي قلبي، أنا عمري ما أذيكي." قالت ملك: "ي سلام."

قال عمر بخبث: "وطيب، وذمتك حضني ياذي؟ قالت ملك بخجل: "لأ." قال عمر: "طيب انزلي ي فرولتي." قالت ملك: "عمر، عايزة أقولك حاجة." قال عمر: "قولي ي حبيبتي." قالت ملك: "أنا بحبك أوي وبثق فيك أكتر من روحي." قال عمر: "انزلي ي ملك، أحسن أخطفك على شقتنا دلوقتي." قالت ملك بجرأة: "أنت تعمل اللي تحبه." قال عمر: "أتمنى الجرأة دي تكمل لحد بليل." قالت ملك بخجل: "بااااي." نزلت ملك ودخلت الفندق، وبدأوا البنات في تجهيزها لحد ما وصلت مي.

وفي آخر اليوم، دخل أيمن. قال أيمن بفرحة: "تبارك الرحمن، ألف مبروك ي حبيبتي." قالت أسماء: "يحميكي من العين ي حبيب ماما." قال آدم: "ي لهوي على الجمال ي خلق! تصدقي خسارة فيكي؟ قالت مي: "لو سمعك دلوقتي." قال أيمن: "بس ي واد، يلا حبيب بابا عشان هو واقف على أعصابه تحت." قالت ملك: "يلا."

نزلت ملك، وأول لما شافها عمر انبهر بجمالها وجمال الفستان. حبس أنفاسه من خفقات قلبه، ولا ينكر غيرته من ذلك الفستان العين المكشوف اللي زاد جماله، والميكب اللي زودها رقة. قال أيمن: "خلي بالك منها ي عمر، دي روحي." قال عمر بحب: "في قلبي ي عمي، متقلقش." أخذها عمر، ووقفوا يرقصوا سلو. قال عمر: "بغض النظر عن الفستان، بس سرقتي روحي بجمالك." قالت ملك بخجل: "بجد؟ شكلي عجبك؟ قال عمر: "أنتِ من زمان عجباني."

قالت ملك: "والفستان، فيه إيه؟ قال عمر: "قولي، مفهوش أي حاجة مفتوحة أوي غير إنه مخليكي زي القمر." قالت ملك: "أصلاً أنا قمر من غيره." قال عمر: "ي لهوي على الغرور." قالت ملك: "ده مش غرور، دي ثقة. بس أنت برضه شكلك زي القمر." قال عمر: "عارف، عارف." قالت ملك: "مغرور." قال عمر بخبث: "دي مش غرور، دي ثقة." قالت ملك بضحك: "بتردهالي؟ قال عمر: "صحيح، غيرتي لون شعرك." قالت ملك: "أيوه، وقصيته كمان." قال عمر بصدمة: "نعم ي ختي؟

قـ... قصيتي إيه؟ قالت ملك: "عمر، أهدي الناس." قال عمر بضيق: "ناس إيه بس؟ بيطول بعد قد إيه ده؟ قالت ملك: "مبيخدش وقت معايا، متقلقش. ثم أنت عاجبك شعري بس؟ قال عمر: "أنتِ كلك عاجبني ي جميل." قال آدم: "ي عم الرومانسي، الأغنية خلصت من ساعة." جلسوا، والكل طلع يبارك لهم. قالت فاطمة: "ألف مبروك ي ملك، والله فرحنالك من قلبي." قالت ملك بابتسامة: "الله يبارك فيكي ي غالية." قالت نعمة: "مبروك ي ملك، ويارب يتمم شفـ...

قاطعتها ملك: "الله يبارك فيكي. خديها ي فاطمة، هتفضحنا." قال هيثم وآيه: "ألف مبروك ي ملك، أنتِ وعمر. ربنا يتمم لكم بخير." قالت ملك بابتسامة: "الله يبارك فيكم. عقبالكم إن شاء الله." قال هيثم: "قريب إن شاء الله." قال عمر: "أيوه ي دكتور، بقا هنفرح فيك قريب." قالت ملك: "تفرح بيه ليه إن شاء الله؟ هو الجواز وحش؟ قال عمر: "هو أنا لسه شوفته. أقصد الجواز مفيش أحسن منه." قال هيثم: "أيوه كده اتعدل."

قالت آيه: "أصلاً أنت واخد جوهرة." عمر حضنها من وسطها وقال: "أغلى جوهرة." قالت آيه: "يلا ي هيثم، نسيبهم." قالت ملك: "ي عمر، يلا نرقص عشان خاطري." قال عمر: "اقعدي ي ملك." قالت ملك: "رقصة واحدة بس." قال عمر: "اقعدي أحسن، ننهي الفرح ونمشي." قالت ملك بتكشيرة: "مش فارقة." خاف عمر على زعلها وقال: "بيني وبينك يعني، أنا زهقت من القعدة والمباركات. فـ يلا نرقص." قالت ملك بفرحة: "بجد؟

فضلوا طول الفرح عمر وملك، وآدم ومي يرقصوا، وعمر دايما مقربها من حضنه خايف عليها من عيون الناس. والكل كان بيتمنالهم السعادة لحد نهاية الفرح. قالت ملك: "خلاص بقا ي ماما، متعيطيش." قالت أسماء: "عشان خاطري، خلي بالك من نفسك ومتجهديش حالك وخذي علاجك وكلي كويس." قالت ملك: "متقلقيش، هعمل كل ده." قال أيمن: "كفاية بقا ي أسماء. مبروك ي حبيبتي، عشت وشوفتك وأنتِ عروسة." قالت ملك: "ربنا يديك طولت العمر وتشوف أحفاد أحفادي."

قال عمر: "جماعة، يلا بقا." قال آدم: "اصبر، مستعجل على إيه؟ حبيبتي، أيوه اتجوزتي وبقيتي مسؤولة من راجل، بس وقت ما تحتاجي حاجة، أنا في ضهرك. اليوم اللي تبقي مضايقة ولا زعلانة من عمر، تعالي شكلي." قال عمر: "ما تهدى ي عم، صلوا على نبي ي جماعة، ده إحنا متجوزين في نفس البلد، مش هنسافر." قالت عائشة ببكاء: "بس ي ولد، خلي بالك من عمر ي ملك. والله هو طيب وحنين ومش بيتعصب إلا لو خايف عليكي." قالت ملك: "في عيني ي ماما."

قال عمر: "يلا، ونبي دول هيقلبوها مناحة. يلا." ركب عمر وملك العربية. قالت ملك باستغراب: "عمر، أنت ماشي كده ليه؟ أحيه، أنت هتروحني بيت أبويا؟ قال عمر بضحك: "أنتِ عبيطة ي بت؟ أنا هاخدك بيتنا." قالت ملك: "بس ده طريق فيلتنا." قال عمر بابتسامة: "ما أنا واخد الفيلا جنبكم، يعني بعدها بفيلتين." قالت ملك بصدمة: "أنت بتهزر صح؟ قال عمر: "محبتش أبعدك عن أهلك. زي ما قربتي أمي وخلتيها تعيش معانا، حبيت نسكن جنب أهلك."

عانقت ملك عمر وقالت: "بحبك أوي." قال عمر بخضة: "هنعـ... مل حادثة ي مجنونة! وصلوا البيت، وملك كان عاجبها ذوقه جدا. قال عمر: "أنا هغير في الحمام لحد ما تغيري هنا." قالت ملك بخوف: "طيب." دخلت ملك الدريسنج، اللي كان قد الأوضة حرفياً. لبست قميص نوم أبيض ولبست روب كبير تحاول تخفي مفاتنها، وراحت السرير بسرعة تستدعي النوم. خرج عمر وسرح في جمالها، وبعدين ابتسم على شكلها وهي بترمش برموشها وتستدعي النوم. نام جنبها وحضنها جامد.

قال عمر: "على فكرة، مفيش داعي تعملي نفسك نايمة. أصلاً نمتي جنبي وفي حضني، واصحى على عيونك تكفيني عن أي حاجة." قبلت ملك خده وقالت: "شكراً." ضمها إليه وأغمض عينيه ونام وهو في قمة سعادته أنها في حضنه وملكه. وتاني يوم، صحيت ملك بكسل. شافت عمر حضنها جامد وكأنه هيفقدها. قبلت خده وقامت أخدت شاور وغيرت هدومها وأخذت علاجها ونزلت حضرت الفطار وطلعت. قالت ملك: "عمر حبيبي، اصحى." قال عمر بنوم: "إيه الجمال ده؟

أنا هصحى كل يوم على الجمال ده." قالت ملك بخجل: "طيب، قوم بقا، أنا جعانة أوي." قال عمر: "هي الساعة كام؟ قالت ملك: "عشرة." قال عمر: "طيب، وزمتك في عريس وعروسة يصحوا عشرة؟ قالت ملك وهي تأكل: "آه، أنا." قبل عمر خدها وقال: "صباح الورد." قالت ملك بخجل: "صباح النور. يلا نفطر بقا." فطروا، وملك نزلت الفطار ورجعت لعمر. وأول لما دخلت، قفل التليفون. قالت ملك باستغراب: "بتكلم مين؟ قال عمر بشرود: "لأ، ده ماما، بطمن عليكي."

قالت ملك: "ننام تاني بقا." قال عمر: "نامي أنتِ بس، أنا معايا مشوار لازم أعمله." قالت ملك باستغراب: "مشوار إيه دلوقتي؟ قال عمر: "لما هاجي، هقولك." قالت ملك: "عمر، متقلقنيش في أي حاجة." قبل عمر رأسها وقال: "متقلقيش ي حبيبتي، هاجي بسرعة. باي."