رواية ما يخبئه لنا القدر الفصل السادس 6 - بقلم زينب رشدي

عمر بقلق: ملك؟ ملك؟ نزل عمر تحت الماء وخرجها. عمر بقلق وبيطبطب على خدها: ملك، فوقي عشان خاطري. أوعي تعملي فيا كده. ملك، ملك، أمانة عليكي فوقي. حملها وخرج بها إلى الشاطئ. عمر: ملك، فوقي. ملك بابتسامة: قد كده بتحبني؟ عمر بصدمة: انتي كنتي فايقة؟ ملك: أنا كنت بهزر والله، بس لما لقيتك قلقان بجد خوفت أتكلم. عمر بعصبية: بتهزري؟ انتي بتلعبي بمشاعري يا ملك؟ انتي عارفة أنا كنت حاسس بإيه؟ حرام عليكي بجد. ملك: أنا آسفة.

عمر: يلا يا ملك، يلا. ملك مسكت إيده: لا، عشان خاطري نكمل اليوم. عمر بعصبية: مـ... ملك بمقاطعة: عشان خاطري. عمر: طيب. رجعوا المطعم وقعدوا. آدم: طبعاً نزلتِ الميه. مي: أنا مش عارفة المطعم ده مدخلك إزاي. ملك: عيب، أنا أعمل اللي أنا عايزه. عمر: طيب، يلا نتغدى عشان نمشي قبل ما نبرد. آدم: أيوه، يلا. مي: المطعم ده سمكه تحفة. آدم بابتسامة: بالهنا والشفا يا قلبي. ملك باستغراب: قولت إيه؟ آدم: ملك، اخرصي وخليكي في طبقك.

ملك: طيب، نتكلم بعدين. عمر: هتفضل ساكت كتير؟ عمر: ملك، متكلميش معايا عشان مقولش حاجة تضايقك. ملك بحزن: حاضر. خلصوا غدا وكل واحد روح بيته عشان يغير لليل. وعند عمر: عمر: وحشتيني أوي يا ست الكل. عائشة: وانت كمان يا حبيبي، برضو مسافر تاني؟ عمر: للأسف أيوه، أنا بس جاي أحضر حفلة كده وراجع تاني. عائشة: ربنا معاك يا ابني. عمر باستغراب: يعني سكتي على طول ومزعلتيش؟ عائشة: أزعل ليه؟ مش معاك شغل.

عمر: طيب، أنا هاخد شاور وأجي أقعد معاكي قبل ما أمشي. عائشة بخبث: قولي صحيح، انت جاي بطيارة صح؟ عمر باستغراب: أكيد. عائشة: اومال إيه مغرقك كده؟ عمر: لا، واحدة مجنونة كده نزلتني الميه. عائشة بخبث: ملك. عمر: إيه عرفك؟ عائشة: انت ليك سيرة غير عليها، كل ما أكلمك تحكيلي عنها. عمر بابتسامة: طيب، هغير وأجيلك عشان في كلام كتير عايز أقوله. غير ورجع وتكلم مع أمه، ومعظم الكلام كان على ملك، بس مقالهاش إنهم زعلانين من بعض.

عائشة: قد كده بتحبها؟ انت من ساعة ما قعدت ما قولت غير ملك. عمر: بعشقها يا أمي، وخايف تروح مني بقا. فكرة فقدانها كابوس بيرودني. عائشة: وتفقدها ليه؟ من كلامك شكلها طيبة وبتحبك. عمر بحزن: ربنا يسترها. عائشة: المهم، لما قولتلها بحبك لحد دلوقتي مردتش؟ عمر: لا، أنا هقوم ألبس عشان متأخرش. وعند دكتور هيثم قاعد مع دكتور زميل ليه، دكتور أسعد. هيثم: بقولك، التقارير ممتازة، يعني كام شهر وهيبقوا كويسين.

أسعد: أنا مش مطمن من النتيجة دي في السرعة دي. هيثم: شوف كده تقاريرهم، شوف كانوا إيه وبقوا إيه. أسعد: عندك حق، تحاليل عمر كويسة وممكن عشان عرف المرض من الأول، بس تحاليل ملك غريبة. هيثم: عشان بدأت علاج بعد سنة ونص، يعني مش شرط؟ ما هي في تحسن. أسعد: لا، المؤشرات تقلق صدقني، يعني من حوالي شهرين قبل العلاج، اترفع المؤشر بطريقة تخض، كأن صاحبها لازم يعمل عملية، وبعدين وقف لما بدأت علاج، ودلوقتي السرطان بيتلاشى.

هيثم بقلق: عندك حق، حالة ما وردتش عليا، بس طبيعي مع العلاج والنفسية تخف. أسعد: على العموم، خلي بالك يا دكتور، في حالات كتير بتمشي على العلاج وبتبقى حالتها النفسية كويسة ومش بتخف، كل بـ أمر رب. هيثم: خلاص، أنا هركز في حالتها الفترة الجاية. وعند ملك، أخدت شاور وغيرت ونزلت تتكلم مع أخوها. ملك: اومال ماما فين؟ آدم بملل: هتكون فين؟ بتحضرلك وليمة. ملك: وليمة إيه بس؟ أنا يا دوبك شوية وهمشي. آدم: يعني انتي مش عارفة مامتك؟

ملك: وبابا هيرجع امتى من السفر؟ آدم: معرفش. ملك: قولي بقا إيه حكاية "قلبي" دي؟ آدم: أنا اعترفت لـ مي بحبي. ملك بفرحة: أخيراً! آدم باستغراب: انتي كنتي عارفة إنها بتحبني؟ ملك: أيوه طبعاً. آدم لوا دراعها: يعني عارفة يا حيوانة وكنت كل ما أسألك تقولي معرفش وتغذيني وتقولي هتجوز وتسيبني؟ ملك: في إيه يا أبو الهداهيد؟ كنت بحركك يا أخي. اومال كنت أقولك إنها بتحبك عشان تنام زيادة؟ آدم: يا حيوانة، كنت خايف تضيع مني.

ملك بخبث: الله، للدرجادي بتحبها يا دومي؟ آدم: كام مرة أقولك متقوليش دومي تاني. ملك بخبث: بس أنا بحب أقولها، ولا انت ليك ناس وناس؟ آدم: انتي بترديها بقا. ملك: اومال ده انت جيت على حجري. أسماء: يلا يا حبيبتي، حضرت الغدا. ملك: حاضر. اتغدت مريم ولبست هي وآدم ونزلوا. ملك: روح انت جيب حبيبت القلب. آدم: غوري يا بت، أخرب بيت اللي يقولك حاجة. ملك: كنت هعرف من مي عادي يعني.

مشي آدم وسابها، وملك راحت عند عمر، فضلت ترن مردش، واضطرت تطلع. فتحت عمر. ملك: لسه زعلان حضرتك؟ مبتردش ليه؟ عمر دخل أوضته: مسمعتش. عائشة: أهلاً وسهلاً، اتفضلي. ملك: معلش، مستعجلة. قولي لعمر يخلص. عائشة: لا والله، ميصحش. انتي أكيد ملك صح؟ ملك بضحك: ههههه، أيوه. عائشة بصوت واطي: الواد عمر قالي إنه بيحبك. ملك بصوت واطي: وإيه كمان؟ عائشة: وإنتي مردتيش عليه. ملك: مش عارفة يا خالتي، خايفة. عائشة بحضن: خالتي إيه؟

ده قريب هبقى ماما. عمر باستغراب: انتوا لحقتوا تتعرفوا؟ ملك: خالتي طيبة أوي. عمر: طيب، يلا خلي اليوم ده يخلص. عائشة: هو في إيه؟ ملك بحزن: زعلان ومش عارفة أصالحه. عائشة: ادلعي يا بت وهيبقى خاتم في صباعك. ملك بخجل: إزاي بس يا خالتي؟ أتكسف. عائشة بخبث: تتكسفي إيه؟ مش أحسن ما يروح منك؟ ملك: تفتكري؟ عائشة: اومال إيه. ملك بضحك: انتي أمه ولا أمي؟ عائشة: مرات ابني. ملك بصدمة: أحيه! مرات ابنك مرة واحدة!

عمر باستغراب: انتوا بتكلموا في إيه؟ أنا بقالي ساعة بره. ملك: اهو جايه، باي يا خالتي. ركبت ملك العربية وسابت عمر يسوق. عمر: رايحين فين؟ ملك: فرح نعمة. عمر: أخيراً. ملك بضحك: أنا كمان مصدقتش، هي اتعلقت بالأخير ده. عمر: طيب. ملك: عمر. عمر: نعم؟ ملك: انت لسه زعلان مني؟ عمر: انتي عملتي حاجة تزعل؟ ملك: أنا آسفة. عمر: انتي شايفة اللي عملتيه يتصلح بالأسف؟ ملك: انت مكبر الموضوع، ده مقلب صغير.

عمر وقف العربية بعصبية: مقلب صغير؟ انتي مش فاهمة انتي عملتي إيه؟ انتي لعبتي بأعصابي، انتي خلتيني افتكر إنك مو... بعد الشر عليكي يعني. انتي مش متخيلة أنا كل يوم بحس بإيه في المستشفى، خايف حد فينا ميصحاش. مش مهم أنا، في داهية، بس لو حصلك حاجة مش هستحمل بعدك. انتي خلتيني بكافح المرض عشانك، خلتيني بنام وأصحى أفكر فيكي، خلتيني عمر اللي مش بيهمه حاجة ومش بيخاف، خلتيه يخاف عليكي ويخاف من الموت، وإنتي بكل برود تقولي مقلب؟

ده مش مقلب يا ملك، ده كابوس خايف يتحقق، كابوس بيراودني من يوم ما شفتك. ملك بصدمة ومسكت وشه: أنا آسفة بجد، مكنتش متخيلة إنك بتحس بكل ده، مكنتش متخيلة إنك حبيبتي لدرجة دي. أنا مش عارفة أقولك إيه، أنا آسفة على كل الوجع اللي سببتهولك. عمر: ...... ملك: عمر، رد عليا. أنا آسفة، هي فعلاً كلمة مش بتصلح حاجة، بس مش عارفة أقولك إيه. مش هعمل كده تاني والله. عمر: ..... ملك: طيب، لو مش مسامحني، اتكلم. يارب أموت...

عمر حط إيده على شفايفها: أوعي يا ملك تكمليها. متجيبيش سيرة الموت أبداً. أوعي. ملك بابتسامة: حاضر. عمر بابتسامة: بحبك. ملك: نروح الفرح بقا، هنتاخر. عمر: ملك، انتي ليه بتتهربي؟ انتي مش بتحبيني؟ ملك: الكلمة دي مش بسيطة ولا ملهاش قيمة. لا، الكلمة دي بتتقال لما الشخص يبقى عارف إنه قدها، يبقى عارف إنه هيكمل. بس أنا خايفة أقولها مكملش، خايفة أديك أمل وأنا كمان آخد أمل ومقدرش أكمل. المرض يبقى أقوى مني.

عمر حضنها: لا يا ملك، حبنا هيبقى أقوى منه. ملك بدموع: بس أنا مش حاسة بكده. أنا حاسة إن هم... عمر بمقاطعة: عشان خاطري، متتكلميش وخلاص. مش عايز أسمعها. أنا عرفت ردك، بس اوعديني لما ربنا يشفينا تقوليها على طول. ملك: أوعدك. عمر: نروح الفرح بقا، لأن انتي أصلاً شكلك قمر، والوضع ده يخليني أعمل حاجات هموت وأعملها. ملك بخجل وضربته: قليل الأدب. عمر: والله بتحلوي أكتر لما تتكسفي، يمكن عشان مش متعود عليكي تتكسفي. ملك: عمر.

عمر: قلبي. ملك بابتسامة: اخلص، هنتاخر. ملك: انتي تأمري. وعند مي وآدم: مي بضيق: هنفضل واقفين كتير؟ آدم: ما هو يتنزلي تغيري، يا مفيش رواح مكان. مي: يا آدم، هنتاخر. ثم ماله ده؟ آدم: ماله؟ مش شايفه عريان أوي؟ مي: انت من امتى بتكلم معايا على لبس؟ آدم: يا حبيبتي افهمي، أنا الأول مكنش ليا حكم عليكي، بس دلوقتي لي. مي: إيه اللي اتغير؟ انت لسه ملكش حكم عليا، مش عشان اعترفت بحبك يبقى كده تتحكم؟ آدم بضيق: انتي شايفة كده؟

مي بإصرار: أيوه. آدم: تمام. وصلوا الفرح. اتقابلوا كلهم. ملك: تعالوا نسلم على العروسة بقا. عمر: أه، يلا. راحوا كلهم سلموا عليها. ملك: مبروك يا نعمة، أخيراً يا شيخة نرتاح من هدايا كل خطيب. نعمة: اسكتي، أنا والله ما مصدقة. ملك: صدقي يا حبيبتي، انتي طيبة وتستاهلي. نعمة: عقبال ما أفرح بيكي انتي واللي في بالي يارب. ملك بابتسامة: اللي في بالي؟ نعمة: أيوه، عمر باشا. والله الراجل شكله طيب وبيحبك. ملك: طيب، اتلمي.

عمر: مبروك يا نعمة. نعمة: الله يبارك فيك يا عمر بيه، عقبالك. عمر: آآآه، والنبي يا نعمة ادعيلي ربنا يهديها عليا. آدم: كيس جوافة. أنا مبروك يا أستاذة نعمة. نعمة: الله يبارك في حضرتكم. مي: مبروك يا نعمة. نعمة: الله يبارك في حضرتك، عقبالك. ملك: نعمة، دي هدية بسيطة مني. نعمة: والله مكنش ليه لزوم، ليه تكلفي نفسك. ملك: برضو كده؟ ده انتي أختي. خلصي أجازتك بسرعة عشان هتوحشيني. نعمة: حاضر. رجعوا كلهم، قعدوا في مكانهم.

عمر: ملك. ملك: نعمة. عمر: مش نفسك في فرح زي ده؟ ملك بابتسامة: لا يا عمر، عايزة أخف بس. عمر بضيق: فصيلة. ملك: عارفة. عمر: على فكرة شكلك زي القمر النهاردة. ملك رفعت حاجب: النهاردة بس؟ عمر: انتي قمر كل يوم، بس بصراحة مش متعود أشوفك هادية، لا ومش بس كده، وكمان بميكب. ملك بضيق: وبتقول إنها فصيلة. لما أقوم أتخانق معاك وأخرب فرح البت المسكينة دي. عمر: والله بعشق عصبيتك وجنانك، بحب أضايقك عشان أشوفه.

ملك بضيق: طيب اسكت يا عمر، متكلمنيش بقا. عمر: زعلتي؟ ملك: أه، وهيبقى ليلة نكد عليك النهارده عشان تضايقني كويس. عمر: هرمونات هتطلع علي. ملك: بتقول حاجة؟ عمر: لا يا قلبي، أنا أقدر. مي: آدم، متتنكدش. آدم: أنا مش متنكد ولا حاجة. مي: طيب، مكشر ومش بتكلم معايا ليه؟ آدم: عاجبك الناس اللي هياكلك بعينهم دول؟ وزمتك ده لبس في فرح شعبي؟ مي: أنا مش عارفة ماله، ما ده لبسي. وعلى العموم، حاضر يا سيدي، هخلي بالي بعد كده.

آدم: براحتكم. مي: خلاص، متزعلش. آدم: كلمي باباكِ، عايز أجي أقابلهم. مي بصدمة: تقابله ليه؟ آدم: عشان متقوليش ملكش حكم عليا بعدين. مي: آآآه، عايز تتحكم، مش عشان بتحبني وعايز تبقى معايا؟ آدم بضيق: انتي حوله يابت؟ أنا مش قايلك بحبك يعني عايز أتجاوزك وجع قلب وخلاص؟ ما عشان بحبك وعايز أبقى معاكي. مي: خلاص، متتعصبش. خلصوا فرح ورجعت ملك وعمر بسرعة المستشفى ودخلوا أوضة ملك زي الحرامية. عمر: هتودينا في داهية في يوم.

ملك: ياعم طنش وعيش حياتك. عمر: لسه زعلانة؟ ملك: أه، صح أنا زعلانة. عمر وقف قدامها: طيب، آسف. ملك: لا. عمر: أنا سامحتك الصبح. ملك: لا برضه. عمر شدها من وسطها: وأنا عملت إيه لكل ده؟ ملك بتوتر: عملت قولت إن مش حلوة. عمر: بس أنا مقولتش كده، انتي أجمل بنت في الدنيا. ملك: مش قولتي إن مجنونة وأول مرة أحط ميكب؟ عمر: وده معناه إنك مش حلوة؟

بالعكس، ده انتي أجمل بنت شفتها عيني، رغم عدم استخدامك بالميكب زي بقية البنات، وهدومك اللي مش مبالغ فيه. ملك: بجد؟ عمر قرب: بجد. ملك بتوتر وخجل: عمر، كده مينفعش. عمر بعد: احم، أنا هروح أوضتي أحسن. تاني يوم، ملك صحيت على صوت فاطمة. فاطمة: قومي يا مريم بقا، بقينا الضهر. ملك بكسل: اخرجي يا فاطمة واطفى النور. فاطمة: والله دكتور هيثم لو عرف إنك نايمة لدلوقتي هيقتلنا كلنا. ملك بملل: اهو صحيت. أنا بجد تعبت من هيثم ده.

هيثم بضيق: كملي، ساكتة ليه؟