رواية ما يخبئه لنا القدر الفصل الثالث 3 - بقلم زينب رشدي

ياسر: ما انتي بترقصي مع رجاله اهو، اومال كنتي رافضه ليه؟ عمر ضربه لكمه: يمكن عشان مكنتش شايفاك. اخد ملك وساق، هو وهي فضلوا ساكتين. ملك: عايزة اقعد على البحر. عمر: حاضر. اخدها لنفس المكان اللي كانت قاعدة فيه قبل كده. ملك: المكان هادي، صح؟ كنت ناوي اجيبك هنا بعد الحفلة، بس مكنتش متخيلة اني هاجي وانا مخنوقة كده. عمر: انتي كويسة؟ ملك: لا مش كويسة ي عمر، مش كويسة. عمر بابتسامة: لو حابة تحكي، انا سامعك.

ملك: هو ليه بيعاملني كده طيب؟ انا ازاي كنت مغفلة كده؟ عمر بقلق: اهدى عشان متتعبيش. ملك ببكاء: هو انا وحشة؟ اصل مش ذنبي اني مريضة. عمر حضنها وملس على شعرها: اششش، اهدى. انتي أجمل بنت شوفته. ملك ببكاء: سيبني عشان مريضة ي عمر. بعد ما فضل يقول بحبك ومش هسيبك وهنحارب المرض. سيبني وقالي امرك محسوب، كده كده هتموتي يبقي اشوف مصلحتي. هو كان طماع وانتي هاتزي وانا مخدتش بالي. فضل عليا بنت صاحبة الشركة.

عمر: اششش، اهدى عشان خاطري. هو اللي خسران. متبكيش على اللي يبيعك. ملك: انا مش ببكي عليه، انا كرهته والله. مبقتش احبه. يمكن محبتهوش اصلا. بس ببكي على الكلام اللي سمعته منه، وجع قلبي لما قالي انتي هتموتي. عمر: بعد الشر عليكي. ملك فضلت شوية في حضنه لحد ما هديت. واخد باله انها في حضنه، بعدت بسرعة. ملك باحراج: آسفة. عمر بابتسامة وقاطعها: ولا يهمك. انا خوفت تتعبتي زي المرة اللي فاتت. اعتقد المكان ده بتيجي فيه وانتي مخنوقة.

ملك: ايوه. ولما اكون عايزة اهر.... ثم اكملت بتذكر: اي ده، ثانية يعني اي اتعب تاني؟ عمر: انا اللي اخدتك المستشفى لما تعبتي. ملك بتذكر: متقولش انت اللي سألتني مالك واغمي عليا على ايدك ووو. عمر: بالظبط. ملك خبت وشها: ي لهوي على الاحراج. عمر بضحك: ههههه. بجد مش مصدق. اول ما عرفتك كنتي منهارة وبتبكي. مع انك كنتي زي القمر. وتاني مرة في المستشفى وانا اللي بزعق ومنهار. وبعدين طلعتي اخت صاحبي. بجد صدف عجيبة.

ملك: عندك حق. انا بحب اصلا الصدف قوي. عمر: بقيتي كويسة؟ ملك بتنهيدة: اااه، احسن. هي الساعة بقت كام دلوقتي؟ عمر: 11 ونص. ملك بخضة: ي لهوي! هي يسلموا الوردية وانا معرفش. اللي هيستلموا يلا بسرعة. عمر بفرحة فيها: ي خوافة. ملك: اسكت. دكتور هيثم مستقصدني وحاطط ميت عين عليا من ساعة العلاج اللي نسيته. عمر: دكتور محترم وشايف شغله. ملك: خليك كده لحد ما نتقفش يابني. يلا. عمر بابتسامة: يابني؟ طيب يلا يابنتي.

هسوق وهوصّلك في وقت قياسي. ملك: اشطا. عمر ساق وفضل ماشي بسرعة كبيرة. وكان متصور انها هتخاف، بس مخفتش. وطلعت وشها من الشباك وكانت مستمتعة. لحد ما حست بتعب ودخلت. وعمر قلق ووقف العربية بسرعة. عمر بقلق: في ايه؟ ملك بنفس سريع: تعبانة ي عمر. نفس. عمر بقلق: اهدى وخدى نفس براحة. بصي ورايا. شهيق وزفير. شهيق زفير. ملك: عمر خدني المستشفى بسرعة.

عمر ساق وشالها ونزل بيها بسرعة. انصدمت ملك، بس مقدرتش تعلق لأنها كانت تعبانة. دخلها اوضتها. عمر: انتي لسه تعبانة؟ ملك بتعب: عمر جيب البرشامة اللي هناك دي. نفسي مش قادرة اخده. عمر اعطاها لها بسرعة: اكلم دكتور هيثم؟ ملك: لا لا. انا هبقى كويسة. فاطمة: انتي كويسة؟ ملك: لا ي فاطمه. تعبانة. فاطمة وصلتلها جهاز التنفس. وفضلت شوية وبعدين نامت. عمر: هي متعودة تتعب كده؟

فاطمة: بقالها يومين بعد كل مجهود بيحصل كده. وبصراحة هي بتلف على كل الادوار وبتلعب مع الاطفال. وكذا مرة حذرتها وهي مش بتسمع الكلام. عمر بضيق: طيب روحي انتي. انا هفضل جنبها. فاطمة: انت لازم ترتاح. عمر: لا مش هقدر. هطمن عليها الاول. فاطمة: طيب ربنا يشفيكم يارب. خرجت فاطمة. وعمر قعد جنبها ومسك ايدها. عمر: عملتي في اي بس؟ ليه بقيت اخاف عليكي اكتر من نفسي؟

قلبي كان هيقف لما تعبتي. وكنت مضايق اوي لما الزفت ده اتكلم معاكي في الحفلة. وبعد فترة نام على الكرسي جنبها. وهي صحيت الصبح لقيته جنبه. ملك بتعب: عمر. عمر اصحى. عمر بقلق: انتي كويسة؟ ملك: الحمدلله كويسة. انت هنا من امبارح؟ عمر: اااه. قلقت عليكي برضو. يبقي بتتعبى من بدري ومتقوليش. ملك: محبتش اقلقكم معايا. المهم روح ارتاح. انا آسفة تعبتك معايا. عمر: تعب وقلق ايه بس. انتي بقيتي ملزمة مني. ملك: احم. شكرا.

عمر: فُوقي كده عشان ننزل نفطر. ملك: مش قادرة والله ي عمر. هفطر هنا. نعمة: عاملة ايه دلوقتي؟ فاطمه قالتلي انك تعبانة. ملك: الحمدلله. ونبي ي نعمة جبلنا الفطار هنا. نعمة: من عنيا. خرجت وجابتلهم الفطار. وقعدوا يفطروا وخلصوا. وبعد شوية دخلت مامتها وباباها. أسماء: حبيبت ماما. عاملة ايه؟ ملك: ماما وحشتيني خالص. أيمن: وبابا موحشكيش ولا اي؟

ملك: لا طبعا وحشتني. بابا اعرفك عمر صاحب آدم وصاحب الشركة اللي بيشتغل فيها. وهو اللي مخلي باله منى هنا. أيمن: اهلا يابني. تعبينك معانا معلش. عمر: مفيش تعب ولا حاجة. واصلا لولا ملك مكنتش كملت علاج ولا حالتي بقت مستقرة. أسماء: ربنا يشفيكم ي حبيبي. عمر: امين. عن اذنكم انا. أيمن: اتفضل. عمر: ملك، فاضل ساعة على برشامك. اوعي تنسي. ملك: حاضر ي عمر. أسماء بخبث: اي الموضوع؟ أيمن: ايوه صحيح. دلوقتي مين بيخلي باله من مين؟

ملك: احنا الاتنين والله. أسماء: امممم. طيب ربنا يسعدكم. ملك: تقصدي ايه؟ أيمن: متقصدش. المهم انتي عاملة ايه؟ ملك: الحمدلله. أسماء: حاسة بتحسن؟ ملك: هو التحسن هيظهر في شهر ي ماما؟ أيمن: ي حبيبي ربنا قادر يخففك دلوقتي. ملك: يارب ي بابا. فضلوا شوية وبعدين مشيوا. وهي اخدت العلاج. وشوية دخل هيثم وعمر ونعمة وفاطمة. ملك بقلق: في اي ي جماعة؟ اي الدخلة دي؟ هيثم: قوليلي ي ملك انتي عاملة ايه اليومين دول؟ ملك: عاملة ايه في ايه؟

كويسة. هيثم: اصلك بطلتي تقولي زهقانة ومليت. ملك بتوتر: عادي يعني اتعودت على الوضع. هيثم: سمعت انك تعبتي امبارح. ملك بخوف: ااااه. قول كده. انت قفشتني بقا؟ هيثم: يعني سيبك انك بتخرجي من غير اذني كمان. بقالك يومين بتتعبى. وعرفتي من فاطمه ونعمة بالصدفة. انتي اي مفيش اي احساس بالمسؤولية؟ عمر: براحة عليها ي دكتورة. هيثم بعصبية: براحة اي؟ انت زيها رايحين تخرجوا وتطنطوا وهي ترجع تعبانة. افرض مكنش حد لحقها؟

كنتي هتبقي مبسوطة لو حصلك حاجة؟ ملك بدموع: ي دكتور انت مش حاسس بينا. كفاية احساس عدم الامان. انا بنام ومش عارفة انا هصحي ولا لا. انت خايف على بحثك ومصلحتك. اما احنا خايفين على نفسنا واهلنا. عايزين نتمتع في اليومين اللي فاضلين. هيثم: لو سمعتي الكلام هتخفي وتعيشي زي ما انتي عايزة. ملك: توعدني ان لو ماشيت على كلامك بالظبط هخف؟ هيثم مردش عليها وخرج. وخرجت بعده الممرضين. عمر: اعتقد عنده حق. ملك: عارفة.

عمر بتنهيدة: هتسمعي الكلام؟ ملك: هسمع. عمر: خلاص. ايدي على ايدك عشان نخرج سوا من هنا. ملك: هنام. عمر: يلا بااااي. ملك: رايح فين؟ عمر: معايا شغل على الاب عشان الحق ابعته لاخوكي. ملك: اساعدك. عمر: تفهمي في شغلنا؟ ملك: انت بتغلط على فكرة. بقولك خريجة ادارة اعمال وبتكلم اربع لغات. وتقولي تفهمي في شغلنا. عيب والله. عمر بصدمة: اربع لغات؟ ملك: امممم. يلا يلا وحشني الشغل. نزلت ملك وعمر الجنينة. وفضلوا يشتغلوا سوا.

ملك: عمر تعالى كده. عمر وقف في ضهرها وقرب منها. عمر: خير؟ ملك اتوترت جامد وخصوصا ان نفسه بقا قريب من خدها: مظبوط كده. عمر باعجاب: اي ده ي ملك. ده انتي طلعتي شاطرة بجد. ملك: عجبك؟ عمر: تحفة. جيبي اكمل وانتي ترجمي الاميلات دي. ملك: اشطا. اول ما وقفت رجلها اتلوت وكانت هتقع. واول لما حاول يمسكها زقته ووقعوا سوا. هو تحت وهي فوقيه. عمر بوجع: ااه. ملك: اسفة. اسفة مقصدش والله. عمر شالها شعرها من على وشها وسرح في

المرة المليون في عينيها: قولتلك قبل كده ان عيونك حلوين. ملك اتوترت وقامت بسرعة: انت كويس؟ عمر: كويس. انتي رجلك كويسة؟ ملك: ايوه. خلصت الاميلات بسرعة وطلعت اوضتها. وتاني يوم اتقابلوا عند مكتب دكتور هيثم. هيثم: تعالوا ي ابطال. عمر: خير ي دكتور. هيثم: اخبار هتعجبكم. ملك: ياريت والله. لان بصراحة ي دكتور بقالك فترة مش بتعمل حاجة غير تتعصب وتتخانق. هيثم: واي لزمتها دكتور بعد ده كله؟ ملك: اسفة ي دكتور. اتفضل. عمر: دكتور.

هيثم: ادخل في الموضوع عشان ملك هتموتني ناقص عمر. ملك: اتفضل. هيثم: تحاليل الشهر دي مبشرة جدا. في تحسن ملحوظ جدا. عمر بفرحة: بجد؟ هيثم: بجد. انا قولتلكم نسب شفائكم كبيرة جدا. ساكتة ليه ي ملك؟ ملك: لا مفيش. فرحانة بس. هيثم: كده من بكرة هنبدا بالمرحلة التانية ومفهاش هزار. مفهوم؟ عمر: تمام. عن اذنك. اخد عمر ملك من ايدها ودخل اوضته وقفل الباب. عمر: مالك؟ ملك: مالي؟ عمر: ي سلام. اومال الدموع اللي في عينك دي اي؟

ملك بدموع: مش عارفة. محستش بفرحة لما قالي. بالعكس خوفت جدا. انا مش مطمنة ي عمر. حاسة ان قلبي مقبوض. انا هم... عمر بمقاطعة: اوعى تكملي كلام. هتخفي وهتكملي حياتك. ملك ببكاء: انا اول مرة ابقي خايفة من الموت وابقي متمسكة بالحياة. انا مكنتش هامني في الأول. عمر مسح دموعها ومسك ايدها: اهدي. انا مش بحب اشوفك بتعيطي. انا قلبي بقا بيقولي اننا هنخف وهنخرج ونكمل حياتنا سوا. ملك بعدت ايدها: سواع.

عمر بتوتر: اه طبعاً. مش هنشتغل سوا. انا قررت. هشغلك معايا في الشركة. ملك: ده الشركة بقت بتاعتنا بقا. انا واخويا في الشركة. عمر بحب: بتاعتكم فعلاً. ملك: بس قولى ي برنس شكلك مضايق ليه؟ عمر بملل: نفسي تكملي كلام من غير مصطلحاتك الغريبة دي. ملك: ي عم قول بس. عمر: بصراحة امي وحشتني جدا. وكلمتها امبارح. بس طبعاً مقولتلهاش حاجة. وانتي عارفة المرحلة التانية هنتعب ومش هعرف حتى اكلمها. ملك: امممم. طيب ما تقولها.

عمر: لا طبعاً. هي هتقلق واحتمال تتعب. ملك: هتعدي بإذن الله. عمر باستغراب: انتي رايحة فين؟ ملك: رايحة ل هيثم. كان عايزني في حاجة. عمر بغيره: عايزك في اي؟ ملك بمرح: معرفش. يمكن عايز يطلب ايدي. هههه. عمر مسك ايدها وقف قدامها: يطلب ايدك؟ انتي بتهزري صح؟ اكيد مش هتوافقي. انتي مش بتحبيه اصلا. ملك باستغراب: اي ي عمر مالك؟ ماوفر الموضوع ليه؟ بهزر معاك. عمر بغيره: بس هو ممكن يكون بيحبك بجد. هو بيعاملك بطريقة مختلفة.

ملك: براحته يحبني ميحبنيش. عن اذنك. عمر في اللحظة دي حاسس ان فعلاً حبها. اما ملك استغربت من كلام عمر وراحت ل هيثم. ملك: مسا ي دكتور. هيثم: تعالي ي ملك. قوليلي بقا مالك؟ ملك: في ايه ي جودعان؟ كله بيسالني نفس السؤال. هيثم: جودعان. طيب امسكي كده. دي تحاليلك. ملك: الله الله. انت بتغلط فيا بطريقة غير مباشرة ولا اي ي دكتور؟ انا مش بفهم في الحاجات دي. هيثم: ياريت تفهميني ي ملك. انتي....

حابة اشكركم على تفاعلكم الجميل ده. وعايزة اعرف توقعاتكم. ملك وعمر هيخفوا ولا لأ؟ وهيبقي بينهم علاقة ولا لأ؟ سبحان الله وبحمده. يتبع...