رواية ما يخبئه لنا القدر الفصل الثاني 2 - بقلم زينب رشدي

عمر باستغراب: علاقات ملك: اااه ما انا قررت نبقي صحاب عمر رفع حاجبه: صحاب ملك: ااه مترفعش حاجبك بس وتتنك علينا انت تطول بنت زي القمر زي تبقي صاحبتك عمر بملل: لا طبعاً ملك: شوفت بقا يلا انا همشي اشوف طنط سوسو عمر باستغراب: مين ملك: مريضه هنا في الدور اللى قبلنا صحبتها قريبه عمر: لا شكلك اجتماعية اوي ملك: اوي ولسه هتشوف ي زميل بااااى عمر بقرف: زميل هي قالت متخرجه من ايه

ملك بصوت عالي وهي ماشيه: اداره اعمال ي صاحبي ادراه اعمال وعند آدم في الشركه دخلت عليه ميمي ميمي: صباح الخير آدم بابتسامة: صباح النور ميمي: خير طلبتني آدم: مش انتي ي ستي كنتي بتدوري على شغل بعد ما سبتي الشغل مع ملك ميمي بضيق: ايوه آدم بابتسامة: متضايقيش بس لقيتلك شغل ميمي: بجد ي آدم آدم: بجد هتشتغلي معايا هنا مترجمه وتطلعي معايا اي حفله خاصه بالشركه لان انا مش بعرف غير انجليزي فرنسي وانتي عارفه انجليزي

و الماني وايطالي ميمي: عندك متنساش تركي آدم: ااه نسيت انك اتعلمتيه بس عشان بتحبيهم ميمي: بس انا مش موافقه انا مش حابه اشتغل معاك انت عارف مش بحب الوسايط آدم: ومين قال ان وسطه انا فعلا محتاجك في الشغل وهتعامل معاكي زي أي موظف ميمي مدت ايدها: اتفقنا آدم بابتسامة وسلم عليها: وهتبداي من دلوقتي هترجمي كل الاميلات دي ميمي: تحت امرك ي فندم

عدى أسبوع يوميا بتروح ملك تتكلم مع عمر وهو مرة يرد وعشرة لا بس اتعود على وجودها واستغرب انها مجتلهوش النهارده عمر: لو سمحتي هي اوضه ملك فين نعمه بحزن: اوضتها اللي جنب حضرتك بس هي تعبانه النهارده والدكتور بيكشف عليها عمر بقلق: تمام اتفضلي فضل عمر قلقان عليها لحد ما قرر يروح يشوفها وخبط ودخل لقاها نايمه وحاطه محلول عمر بتوتر: مساء الخير ملك بصدمه: عمر عمر بابتسامة: مستغربه ليه

ملك بتعب: ابدا ده انا قولت ارتحت ان مجتلكش النهارده عارفه اني طفلا حبه عمر بضحك: هههه حبه ملك: ابو جبل بيضحك ياااهوو عمر: على فكره انا مش زي ما انتي فاكره اااه ماليش صحاب وكل حياتي شغل بس مش حجر يعني ملك: استغفر الله مين يقدر يقول كده عمر: ماشي اتريقي المهم انتي عامله اي ملك: احسن الحمدلله دخل دكتور هيثم هيثم: ازيك ي عمر عمر: الحمدلله هيثم: ينفع اللي بتعمليه ده

ملك بملل: ي دكتور انت بقيت ممل اه والله من اول الصبح وانت بتقول نفس الكلام هيثم بعصبيه: ده مش لعب ي ملك طالما دخلتي هنا تنتظمي بالتعليمات انتي في مستشفى تتعالجي مش لعب يعني ملك: خلاص ي دكتور نسيت اخده هيثم: نسيتي بقالك تلت ايام مش بتاخدي علاجك وتقولي نسيت عمر بصدمه: تلاته اومال فين الممرضه بتاعتها هيثم: اعطتها اجازه اصلها مديرة المستشفى بتدي أوامر عمر: خلاص ي دكتور أنا هاخد بالي منها هيثم بضيق: انتوا الاتنين

تعبتوني اصلا عن اذنكم ملك: تاخد بالك من مين مكنتش أنا اللي باخد بالي منك عمر: ناخد بالنا من بعض ملك: متقولش هتتغير وهنبقي صحاب وهترد عليا مش هكلم نفسي عمر بضحك: هههههه انتي ملاحظه ان احنا اوردي بقينا صحاب والا مكنتش جيت اطمن عليكي ملك: ايوه صح عمر: طيب أنا هروح اوضتي بقا ملك: تمام وتاني يوم صحيت ملك على صوت خبط الباب دخل عمر واتفاجئ بشكله رغم إرهاقها شعرها مش مظبط نتيجه نومها عينها اللي تسحر عمر: احم صباح الخير

ملك بكسل: صباح النور شكلك هتتعود عليا الساعة لسه تسعه ي أستاذ عمر: ااااه واذا كان عاجبك اصلا النوم بدري مفيد يلا نفطر تحت ملك: طيب انزل وأنا هغير وجايه وراك نزل عمر وملك أخدت شاور بسرعة ونزلت وراه كان الفطار وصلم ملك: ازيك ي فطوم عامله ايه فاطمه: الحمدلله بخير اخبار صحتك ملك: فل هستناكي بليل انتي ونعمه فاطمه: حاضر عمر: بت انتي عارفه المستشفى كله ملك: ده كام واحده بس عمر: امممم طيب افطري فطروا والغريب انها ساكته

عمر: اتكلمي مش متعود أشوفك ساكته ملك: أقول اي عمر: انتي غريبه حاسس إنك بتضحكي وبتكلمي وبتصاحبي كتير عشان تنسي الوجع عيونك بتلمع عايزه تبكي انتي بتداري حزنك بالضحك ملك بابتسامة: دكتور نفساني حضرتك عمر: لا والله بس باين عليكي اصل اللي يشوفك وانتي بتكلمي مع ده وده عشان تحفزيه ميشوفكيش وانتي اصلا مش هامك تخفي ولا لأ

ملك: عندك حق أنا داخلة هنا واثقة إن مش هخف اصل ده مش أي مرض أنا دخلت بس عشان خاطر أهلي مش عشان أعيش عشانهم عشان لو حصلي حاجة أبقي عملت اللي عليا من ناحيتهم عمر بصدمه: انتي إزاي بتفكري كده ملك: عايزني أفكر إزاي مش عايزة أحبطك بس بص حواليك وقولي كام واحد خف من المرض ده عمر: اللي عند ربنا مش كبير ملك بتنهيده: ونعمه بالله عمر: في حاجة تاني مضايقاكي أو دخلتي المستشفى عشانه ملك: قولت دكتور نفساني عمر: قولي قولي

ملك: مش حابة أتكلم في الموضوع ده نعمه: معاد الجلسة ي ملك عمر: ده في معاد جلستين نعمه: ايوه لأنكم تخصوا دكتور هيثم ملك بحزن: طيب أنا هروح عمر: هي مالها نعمه: مش متقبله الجلسات ودي حاجة غلط وغير كده هي بتتعب بعدها عمر: إزاي جواها الألم ده كله بس بتنشر السعادة في المستشفى نعمه: ربنا زرع حب الناس فيها عن اذنك راحت ملك تاخد الجلسة وفعلا تعبت ورجعت كان اخوها ومي مستنين عارفين انها بتكون تعبانه آدم بحضن: وحشتيني ملك بتعب:

وانت كمان ميمي: انتي كويسة ملك: كويسه آدم: مالك ي حبيبتي اي اللي مضايقك ملك بدموع: عايزة أموت في وسطكم مش عايزة أقعد آدم بخضه: ليه بتقولي كده ي حبيبتي ملك: قلبي بيقولي اني مش هخف ميمي: هتخفي ي حبيبتي وهترجعي شغلك وهتعيشي حياتك كمان ملك: حياتي؟ طيب آدم: حبيبتي خلي أملك في ربنا كبير قولتلك أنا عند ظن عبدي في ملك بتنهيده: طيب عمر دخل: مساء الخير آدم بصدمه: عمر عمر: آدم انت أي اللي جابك هنا آدم: أنا جاي لاختي

وهو ده الشغل ياعمر عمر: مكنش ينفع أقولك ي آدم مبحبش نظرة الشفقة آدم: شفقة ي صاحبي بدل ما تقول لي واقف جنبك عمر: شغلي اللي ماسكه وأمي اللي مخلي بالك منها دي وقفتك جنبي آدم: مكنش العشم ي صاحبي عمر: اختك عامله الواجب وزيادة ملك: لا بقولكم أي الأفلام الهندي مبحبهاش عمر بقرف: متأكد إنها أختك آدم: أحياناً ملك: عارفه إن أحلى بس متقولش قدامه عشان مشاعره عمر: اومال أي أحلى بكتير أمي عامله ايه ي آدم آدم: الحمدلله

ناقصها تسمع صوتك عمر: قريب إن شاء الله آدم: وانت عامل اي عمر: زي ما انت شايف ميمي بصوت واطي: بت الواد المز ده وقعتيه ازاي ملك: وقعت أي اتلمي احنا أصدقاء ميمي: أصدقاء ده أنا أسمع من آدم إن مالوش صحاب غيره ملك بخبث: من آدم الله قولولي أي حكايتك مع آدم ميمي بتوتر: ولا حاجة قعدوا شويه وبعدين مشيوا ملك: ياااه على صدف طلعت صاحب أخويا عمر: فعلاً صدفة غريبة المهم أنا قررت آخد بالي منك ومن علاجك وحالتك النفسية بس

اللي مش ظاهرة للناس ملك: حلو وأنا موافقة وأنا كمان هخلي بالي منك عمر مد ايده: تحدي ملك سلمت عليه: تحدي وتاني يوم راح عمر يشوفها ملقهاش في اوضتها قلق جدا لحد ما سمع صوتها من وراه ملك: ازيك ي باشمهندس عمر: ملاحظه إنك مش بتقولي عمر خالص ي أستاذ ي باشمهندس مع إني مش مهندس ولا حاجة ملك: مش عارفه محرجه أقول اسمك بس عمر: ملك محرجة اللهم اجعله خير ملك: لا انت متعرفنيش في الإحراج أوعى عمر: طيب كنتي فين على الصبح

ملك بابتسامة: طفل صغنون بقاله كام يوم هنا روحت ألعب معاه عمر بيأس: لا انتي فظيعة مش عاتقه ملك: هعرفك عليه في يوم متقلقش عمر: طيب تعالي خدي علاجك الأول ملك: انت أخدت علاجك عمر: من ساعة انجزي يا لام ملك: طيب متزقش بس نعمه دخلت بسرعة: ملك مصيبة عمر بقلق: في اي ملك بملل: لا متخدش في بالكبصي ي نعمه ساعة وعلبة برفان هيخلص الموضوع نعمه: دايما فهماني باااي عمر باستغراب: مش فاهم

ملك: لا أبداً ياما خطيب الأسبوع ده زعل منها وعايزة تصالحه ياما اكتشفت إن عيد ميلاده قرب عمر: الأسبوع ده ملك بضحك: هههههه اه والله بقولك اي انت وراك اي بليل عمر باستغراب: ولا أي حاجة ملك: معاك قميص وبنطلون حلوين أو بدلة عمر باستغراب: أكيد يعني ملك: حلو هعدي عليك الساعة سته تكون لابسهم عمر: طيب أنا هروح اوضتي بقا ملك: عمر سته بدقيقة تكون جاهز عمر بتوهان: قولتي عمر يعني ملك بتوتر: احم مش انت اللي قولت أقول عمر

عمر بابتسامة: خلاص هجهز في المعاد بااااي وعلى الساعة سته راح عمر اوضه ملك كانت لسه بتجهز عمر بزهق: انتي منهم ملك باستغراب: من مين عمر: من اللي مش مهتم بالمواعيد بيقعد ساعة يلبس ملك قربت بضيق: على فكرة أنا خلصت عمر بابتسامة: بس أنا مش شايف كده ملك ماسكه لياقة قميصه: ليه شكلي وحش ولا مش مظبط عمر ولاول مرة يسرح في عينيها ويبقي قريب منها: زي القمر ملك بعدت بإحراج: أيوه كده اتعدل يلا عمر: ممكن اعرف رايحين

فين أعتقد ممنوع نخرج ملك: ليه سجن تعالى بس نزلت ملك مع عمر وخرجوا من الباب الخلفي بدون ما حد يتكلم معاها عمر: إزاي ملك: قدرات ي أستاذ عمر: صحبتيهم هما كمان ملك: حاجة زي كده راحت ملك وعمر حفلة وكانت عيد ميلاد واحدة صحبتها عمر: مبحبش الجو ده ملك: ربع ساعة وهاخدك عند الجو اللي بتحبه عمر: طيب ملك كانت شايفاهم وهما بيرقصوا وافتكرت ياسر لما كان بيضايق لما ترفض ترقص معاها عمر: انتي بتحبي الرقص ملك: جداً عمر: تحبي ترقصي ملك:

عمر مسك ايدها: تعالي تعالي ملك مرفضتش ودي كانت اول مرة ترقص مع شخص غير أخوها عمر: شكلك متوترة ملك: بصراحة اه مرقصتش مع ولد قبل كده عمر باستغراب: غريبة بس بترقصي حلو ملك: لان أصلاً بحب الرقص جدا وكنت برقص مع آدم وانت كمان رقصك حلو مين علمك بقا عمر: اتعلمت بالممارسة ملك: إزاي ليك حبيبة عمر بسرعة: لا أبداً عمري ما حبيت أصلاً بس في الشغل أي حفلة كنت برقص مع العملاء ملك: اممم عمر: شكلك حلو النهارده ملك بخجل: مرسي

عمر بتوهان: وعيونك شكلهم حلو ملك: شكراً ياسر: معقول ملك انتي هناملك بضيق: ومبقاش هنا ليه ياسر: سمعت إنك تعبانه ملك بضيق: وانت بتسأل على أخباري ليه ياسر: طبعاً إحنا بينا عيش وملح بس غريبة صحتك جات على المستشفى وعملتي موف اون بسرعة عمر بضيق: يلا بينا ياسر: ما انتي بترقصي مع رجالة أهو اومال كنتي رافضه معايا ليه اللهم صلى وسلم وبارك على سيدنا محمد يتبع….