رواية معادلة حب الفصل الثاني 2 - بقلم دعاء احمد

صحيت مع أذان الفجر. صليت وكنت مجهزة شنطتي، أخذتها وطلعت من الشقة. لقيت صالح بيرن عليا. _ازيك يا كلب البحر _بطل بقى يا أخي، زهقتني. مرة كلب ومرة حمار. _ههههه، تاب انتي عملتي ايه؟ _هسافر يا صالح. _انتي قوية يا شجن، هتنسيه؟ _يارب. ياله سلام. _شوفي، انا هبعتلك عنوان الشركة أول ما توصلي كلميني. _تمام، مع السلامة. _الله يسلمك.

روحت المحطة وأخذت القطار. قعدت افتكر زمان، أول مرة شوفت أحمد. جايز اللي حاسة ده إعجاب، احترام، معرفش. بس الأكيد إنه خسرني. يارب يبقى سعيد مع مريم. عند أحمد: _شجن افتحي الباب عايز أتكلم معاكي... شجن شجن. فتح الباب ملهاش. لقي هدومها. حاس إنه هيتجنن. لقى جواب موجود في الصالة. بيفتحه:

_متدورش مش هتلاقيني. بس مش عشان أنا في مكان بعيد عنك، لا. عشان أنا قررت أخرج من حياتك ومش هرجع تاني. ولو اتقابلنا مرة صدفة، هعتبرك صديق قديم وهسلم عليك وأقولك خلي بالك من نفسك. مع السلامة يا باشمهندس. أحمد بدموع: _ليه يا شجن؟ عارف إني أناني، بس أنا محتاجك جنبي. مبعرفش أقضي يومي من غيرك. في القاهرة. واخدة أوضة في أوتيل. بجهز ورقي عشان مقابلة الشغل. قررت أنزل أشتري عشان مقابلة بكرة.

لبست سلوبت جينز وبلوزة بنص كم لونها أبيض. ورفعت شعري. النهاردة كان مختلف. الجو شمس برغم إننا في الشتا، بس جو القاهرة مختلف عن إسكندرية. جميل. واقفة في المحل زي الطور مش عارفة أختار إيه. زي ما أكون حصبة في نفسي. أيوه أنا مبعرفش أختار لبس رسمي. دايماً مهزأة نفسي بالكاجول. بس اوكي. _اختاري الأسود. _نعم؟ _الفستان الأسود. انتي بشرتك بيضاء هتبقى جميلة عليه. _أنا عندي مقابلة شغل.

_أنا أسر صاحب المكان. قولتيلي بقى مقابلة شغل، تمام. تعالي. _إيه رأيك في ده؟ _إيه ده؟ أنا ألبس ده؟ _هيبقى جميل عليكي. _مظنش. _جربيه بس. واقفة قدام المراية متنحة. مين المزة دي يا جماعة؟ _ههههه، إيه رأيك؟ _هو انت إزاي عرفت إنه هيليق عليا بالشكل ده؟ _أنا بشتغل في المجال ده من تلات سنين وعارف إيه اللي يليق مع إيه. _شكراً جداً. حسابه كام؟ _انتي من القاهرة؟ _أفندم؟ لا من إسكندرية.

_شكلك بيقول كدا. وانتي عشان أول مرة عندنا، ببلاش. اعتبره كادو من المحل. _لا معلش، تمنه كام؟ لو مقالتش مش هشتري. مع إن عيني عليه. _ههههه، تاب ادفعي اللي انتي عايزة تدفعيه يا ستي. روحت غيرت الطقم ودفعت فلوسه. _إيه رأيك نبقى أصحاب؟ _شوف، أنا مستريحالك وشكلك بيقول إنك من ناس، بس أنا مليش في الصحوبية. _أصحاب ليوم واحد؟ _إزاي؟ _نتجنن اليوم ده ونضحك من قلبنا. _اشمعنى؟ _انتي اللي محتاجة اليوم ده، باين على ملامحك.

_بغباء. هنعمل إيه؟ _جعانة. _جداً. _تاب، ياله هعزمك على الغدا ونشوف هنعمل إيه بعد كدا. خرجت معاه. عارفة إنه جنون، بس أنا عشت حياتي كلها بطريقة تقليدية. إيه المشكلة لو اتجننت يوم واحد؟ وصلنا. _شاكله حلو أوي. _فعلاً، والأكل هنا تحفة. طلبنا أكل وأنا طبعاً زي الجاموسة. _هههه، شكلك كنتي واقعة من الجوع. _فعلاً، من الصبح بدور على كذا حاجة. _اسمك إيه؟ _شجن. وانت؟ _أسر. _تمام. تحكيلي بقى عنك؟

_أنا أسر الشناوي، ٢٧ سنة. عندي أخ... _كح كح كح! انتي قلتي مين؟ أسر إيه؟ _ههههه، مالك يا بنتي؟ أسر الشناوي؟ قامت تجري من قدامه. _فرصة سعيدة بعد إذنك. _إيه في إيه يا بنتي؟ _اااااهههه! مش تحاسب يا حيوان! بص من إزاز العربية وكمل عادي كدا ولا أكنه عمل حاجة. قامت متغاظة. هو يوم مهبب أصلاً. أسر الشناوي، ابن عيلة الشناوي. شركات الشناوي اللي أنا هقدم فيها بكرة. يلهوي! بس اللي أعرفه إن المدير اسمه عز الشناوي.

_استر يا اللي بتستر. دا أنا داخلة على أيام سودا.