رواية معاناة الحب الفصل الرابع عشر 14 - بقلم مارينا عبود

تاج بزعيق: انت مجنون، حد ينزل الميه في الجو التلج ده؟ عمر: عاوزه إيه؟ تاج: اطلعي عشان هتتعب كده. عمر بابتسامه: خايفه عليه؟ تاج: عمر اخلص، الجو تلج. عمر: طيب، هاتى إيدك علشان أطلع. تاج مدتله إيدها. عمر بخبث مد إيده وفجأة شدها ووقعت معاه في الميه. تاج: عااااا! يخرب بيتك، أنا مش بعرف أعوم. عمر وهو يجذبها من خصرها ويحضنها من ضهرها: هههه، وإيه يعني؟ أنا معاكي. تاج وهي تغمض عيونها: عمررررر، طلعني بسرعة، الجو برد.

عمر: هههه، لا مش هطلعك. تاج بغيظ من هذا المجنون: انت مجنون، الجو برد، طلعني. عمر: خلاص هطلعك بشرط. تاج: قول، وأنا موافقة. عمر: بوسه. تاج بصدمة: نعممممم؟ لا مستحيل. عمر ببرود: خلاص مش هطلعك. تاج بخجل: يوووه، عمر بلاش برود، طلعني بقااا. عمر بإصرار: لما تنفذي الشرط، وإلا هنفضل في الميه طول الليل عادي. اتنهدت والتفت وبصتله ونظرت إلى عيونه وقربت منه بخجل وطبعت قبله على خده. ثم أغمضت عينيها من شدة الخجل والتفت مرة أخرى.

تاج: ممكن تطلعني بقااا. عمر بابتسامه جذابه: ماشي. عمر شالها وطلعها، وبعدها طلع. تاج قلبها بدأ يدق بسرعة وجريت على أوضتها. عمر بص عليها وابتسم بحب ولبس هدومه وطلع وراها. *** عند ريتال ريتال خلصت شغل وطلعت، بس كان الوقت متأخر وكانت مستنية تاكسي. وفجأة طلعوا مجموعة شباب وبدأوا يضايقوها. الشاب الأول: إيه القمر ماشي لوحده ليه؟ ريتال بخوف: لو سمحت ابعد. الشاب الثاني: ليه بس؟ منيجي نوصلك ونتسلى شوية في الجو ده؟

ريتال قربت وضربته بالقلم. الشاب اتعصب أوي وقرب منها وهي بدأت ترجع وباقي الشباب حاوطوها. الشاب: وحيات أمك، هدفعك تمن القلم ده غالي أوي. وبدأ يقرب وهي تبعد لحد ما وقعت في الأرض. ريتال بخوف ودموع: لو سمحتوا، سيبوني أمشي. الشاب: محنا هنسيبوكي يا حلوة، بس لما ناخدوا إللي عاوزينه منك. وبدأ يقرب ونزل لمستواها. وقبل ما يلمسها، كانت إيد قوية اتمدت وضربته. سليم وقف قدامها وبدأ يضرب الشباب بقوة وغضب لحد ما هربوا من قدامه.

سليم التفت ومدلها إيده. ريتال مسكت إيده وقامت. سليم بزعيق وغضب: انتي مجنونة؟ في بنت من عيلة محترمة تطلع في الوقت المتأخر ده؟ ريتال بدموع: أنا كنت في الشغل. قاطعها سليم بصوت افزعها: انتي تخرسي خالص، مش عاوز أسمع منك ولا كلمة. اتفضلي يا محترمة علشان أوصلك. ريتال اتوجعت من كلامه وقعدت على الأرض. سليم بعصبية: ممكن أعرف حضرتك قعدتي على الأرض ليه؟

ريتال بدموع: ممكن تمشي من هنا، مش عاوزة أشوف وشك. انت زعقت فيه وانت مش فاهم حاجة. سليم بهدوء عكس ما بداخله: طيب، قومي معايا أوصلك وبعدين نتكلم، ولا مستنية الشباب يرجعوا مرة تانية. ريتال خافت الشباب يرجعوا وياذوها وخصوصاً إنه الوقت اتأخر، فقررت تقوم وتروح مع سليم. سليم: مش هتقومي؟ ريتال بدموع: حاضر، هقوم. سليم: امسحي دموعك دي. ريتال: ملكش دعوه بيه. سليم بتنهيدة: ماشي، يلاه اتفضلي.

سليم ركب العربية وريتال ركبت معاه ووصلها عند العمارة. ريتال فتحت باب العربية وكانت هتنزل، لكن أوقفها صوت سليم. سليم: ريتال، هاتى موبايلك بتاعك ثواني. ريتال باستغراب: ليه؟ سليم: هاتى بس. ريتال طلعت تليفونها واتدهوله. سليم أخده وسجلها رقمه. سليم: خدي، أنا سجلتلك رقمي ورنيت من تليفونك عليه وسجلت رقمك. لو حصل أي حاجة كلميني. ريتال بحزن اتجاهلت كلامه ومشيت ومقلتش ولا كلمة.

سليم استغرب من تصرفها، بس قرر يعرف كل حاجة عنها بطريقته. *** في فيلا عمر الهواري تاج دخلت وغيرت هدومها وكانت بردانة أوي. عمر كمان دخل وغير هدومه ولبس ترينج أسود وسرح شعره وطلع لقاها بتترعش. عمر قرب وحط إيده على راسها واتكلم بحب: انتي كويسة؟ تاج برعشة: بردانة أوي. عمر بضحك: حد قالك تنزلي وتيجي عند البسين؟ تاج بعصبية: تصدق أنا غلطانة.

عمر بحب: صح، انتي غلطانة، لأنه أنا لما بكون مضايق بنزل الميه عشان أهدا شوية، انتي بقا إيه نزلك ورايه؟ تاج بغضب طفولي: أنا كنت خايفة عليك لتتعب، وانت عملت إيه؟ وقعتني في الميه وخلتني بالحالة دي. عمر بحب قرب وباس جبينها: طيب يا ستي، حقك عليا، يلاه عشان تدفي وتنامي. تاج بزعل: ملكش دعوه بيه، روح نام انت. عمر قعد على السرير وشدها لحضنه. تاج حاولت تبعده عنها، لكن هو كان أقوى منها وضمه جامد.

عمر: هشششش، نامي بقااا، يخرب بيت جنانك. تاج من كتر التعب استسلمت ونامت، بس كان جسمها بيترجف من البرد. عمر قام وجاب غطا وغطاها كويس وحضنها وناموا. *** في فيلا المعادي ماسة كانت بتكلم حبيبها على الفون. ماسة: سيف، ارجوك تعال خدني من هناا. سيف بخبث: طيب، قوليلي انتي فين. ماسة: بص، أنا سمعت الحرس بيقولوا إننا في فيلا أمير باشا المعادي. ارجوك اسأل وتعال خدني، أنا تعبت من الحبسة والظابط ده. سيف بخبث: حاضر يا روحي.

ماسة: ماشي، أنا هستنى. ولكن قبل أن تكمل جملتها، اتفاجئت بـ