رواية معاناة الحب الفصل التاسع والثلاثون 39 - بقلم مارينا عبود

سليم طلع وفتح الباب بس اتصدم لما شاف تاج قدامه وبشنطتها ودموعها مغرقة وشها ومكياجها سايح. سليم بصدمة: تاج! إيه اللي حصل؟ ادخلي. سليم مسك إيدها ودخلها ونادى ريتال. ريتال طلعت واتصدمت لما شافتها بالحالة دي. ريتال بحزن: يا روحي مالك؟ إيه اللي حصل؟ تاج انفجرت في العياط وحكتلهم اللي حصل. سليم لنفسه: كنت متأكد إن ده هيحصل. ليييه يا صاحبي وصلت نفسك للحالة دي؟ سليم: ريتال، خديها ودخليها ترتاح، وأنا هروح أتكلم مع عمر.

ريتال بدموع: حاضر. ريتال أخدت تاج ودخلتها أوضة الضيوف. سليم دخل غير هدومه ولبس بدلته وطلع. فتح الباب وكاد أن يخرج لكن أوقفه صوت ريتال. ريتال: سليم، إنت كنت عارف بخطة عمر؟ سليم وقف ومقدرش يبصلها. هيقولها إيه؟ سليم التفت وبصلها واتكلم بحزن كبير: ريتال، لما أرجع نتكلم. دلوقتي خليكي مع تاج. بس كل اللي أقدر أقولهولك إنه عمر بيحب تاج أوي. ومن قبل حتى ما يتجوزها. حاولي تفهميها إن عمر مش وحش. متخليهاش تكره. وسابها وطلع.

ريتال دموعها نزلت ودخلت لتاج وحاولت تهدّيها. وسليم أخد عربيته واتجه لفيلا عمر الهواري. *** في فيلا عمر الهواري. معتز كان قاعد وبيضحك ومبسوط إنه خطته نجحت. وفجأة جاله تليفون. المجهول: ...... معتز بضحكة خبيثة: تمام، أنا جايلك. وقفل. معتز بخبث: ههههه خلاص يا تاجى، النهاردة هتبقي ملكي. ملك معتز الهواري وبس. معتز أخد مسدسه وشاله، وأخد تليفونه ومفتاح عربيته ونزل تحت. لقى سليم داخل وباين على ملامحه الحزن.

معتز بص له وابتسم بخبث. وسليم بص له بغضب وقرف، لأنه عارف إنه بيكره عمر. ومن جواه حاسس إنه وراه مصيبة. سليم مدلوش اهتمام وطلع لعمر. ومعتز بص له بخبث ومشى. سليم طلع أوضة عمر لقاها مفتوحة. دخل لقى قاعد جنب السرير وفي حالة انهيار وبيبيكي زي الطفل. سليم جرى عليه وضمه: إيه اللي حصل؟ إنت مش قلت إنه خلاص ونسيت كل حاجة وهتبدأ معاها صفحة جديدة؟ مش قلت لي إنك مجهز لها مفاجأة؟ هي دي المفاجأة يا عمر؟ رجعت في كلامك ليه يا صاحبي؟

كسرتها ليه؟ وإنت عارف إنها ملهاش ذنب. عمر مكنش بيرد وكان في حالة صدمة. سليم دموعه نزلت. لأنه كان أول مرة يشوف عمر بالحالة دي من بعد وفاة والده. سليم قومه وقعده على السرير واتكلم بصوت عالي عشان يخليه يفوق: عمررررر! رد عليا! عملت كده ليه؟ خسرت حب عمرك ليه؟ إنت بنفسك قلت لي إنك نسيت كل حاجة وهتبدأ معاها من جديد. إيه اللي حصل؟ رد عليا. عمر بدموع: وهو ده اللي حصل بس. سليم بمقاطعة: بس إيه؟ عمر بدموع: اللي حصل إنه...

وبدأ يحكيله كل حاجة. سليم بغضب: معتزززززززززززز! الكلب! أقسم بالله ما هرحمه. ولا حتى هعمل اعتبار لعمك. سليم قعد على ركبته قدام عمر واتكلم بهدوء: عمررر، قوم معايا. أنا هكلم تاج وهفهمها كل حاجة. يلا. عمر بكسرة: هههه، إنت فاكر بعد كل اللي حصل تاج ممكن تسامحني؟ سليم ضم عمر

واتكلم بوجع على حال صاحبه: هتسامحك عشان بتحبك. واللي بيحب بيسامح. وإنت مجتش عليها. ولا حتى جرحتها ولا قللت من كرامتها في يوم. ولولا الفيديو اللي صورهولك معتز وبعتهولها، كان زمانك إنت اللي قلت لها الحقيقة وفهمتها بطريقتك. بس قوم معايا. وأنا متأكد إنها هتسامحك. عمر حط راسه بين كفوفه وغمض عيونه بألم. سليم بهدوء: عمر، عشان خاطري قوم معايا. وأنا متأكد كل حاجة هتتحل. بس لازم تتحرك وتكلمها. عمر بدموع: ماشي، يلا بينا.

سليم أخد عمر ونزلوا. ركبوا العربية واتجهوا لشقة سليم. *** في شقة سليم المنشاوي. ريتال كانت قاعدة مع تاج وبيتكلموا. وفجأة الباب خبط بقوة. ريتال بعصبية: إيه ده؟ مين اللي جاي في الوقت ده؟ تاج بدموع: تلاقيه سليم. قوم افتحي. ريتال بابتسامة: يا بنتي، سليم معاه مفتاح الشقة. بس تصدقي، هو أهبل، فممكن يكون نسي. أو ممكن يكون معاه عمر. تاج بدموع: مش عايزة أشوفه.

ريتال بحزن: صدقيني بيحبك. ممكن يكون قال كده قبل ما مشاعره تتغير نحيتك. بلاش تنهي كل حاجة بينكم بالسهولة دي. وياريت تسمعيه قبل ما تاخدي قرار. أنا هقوم أشوف اللي بيخبط. ريتال طلعت من الأوضة وفتحت باب الشقة. واتصدمت لما لقت رجالة وفي إيدهم أسلحة ومعتز على رأسهم. ريتال بخوف: إنتوا مين؟ معتز بخبث: اوعي يا حلوة، خليني آخد حبيبتي بهدوء. ريتال بعصبية: حبيبتك مين؟ إنت مجنون؟ معتز

مسكها من شعرها وزقها جوه: اخرسي يا بت. تاج فين؟ ريتال بعصبية: إنت مالك؟ تاج مش هتطلع معاك، فاهم؟ معتز شده شعرها جامد واتكلم بزعيق: هههه، لا، أنا هاخدها غصبن عنك وعن أي حد. ريتال بدموع: آهااا! سيبني! إنتوا مين؟ تاج سمعت صوت صراخ ريتال. قامت بسرعة وطلعت لقت معتز ماسكها ورجالته معاها. تاج بغضب: معتززززز! إنت مجنون؟ ابعد عنها! هي حصلت تيجي لهنا؟ معتز بص لها بخبث وزق ريتال. وقعت اتخبطت في الترابيزة واغمى عليها.

تاج جريت عليها بس معتز مسكها. تاج بصراخ: ريتااال! أوعى! سيبني! إنت اتجننت؟ أنا بكرهك! ابعد عني! معتز رش على وشها مخدر وأخدها وطلع هو ورجالته. معتز بخبث: اطلع على المخزن. السائق: تمام يا معتز باشا. وبعد وقت، عمر وسليم وصلوا الشقة. سليم وعمر كانوا داخلين بيحكوا. واتصدموا لما لقوا باب الشقة مفتوح. دخلوا لقوا ريتال واقعة ومخبطة في راسها ومغمى عليها. سليم وعمر جريوا عليها. سليم بلهفة: ريتااال! ردي عليا! فوقي!

عمررر، هات ميه بسرعة. عمر جرى على المطبخ وجاب ميه. سليم بدموع: ريتااااال! فوقي يا روحي! ردي عليا عشان خاطري. عمر جاب ميه ورش على وشها. وريتال بدأت تفتح عيونها بتعب. سليم: يلا يا روحي، فتحي عيونك. ريتال بتعب: تـ... تاج. عمر بصدمة: تـ... تاج مالها؟ ريتال: واحد اسمه معتز جه ومعاه كام واحد ومعاهم سلاح. واخدوها. حاولت أمنعه. زقني وبعدها محستش بحاجة. عمر بغضب: معتزززززززززززززز! وحياة أمي ما هرحمك!

عمر جه يمشي وقفه صوت سليم. سليم بعصبية: عمر، استنى. هاجي معاك. لأنه معتزززز حسابه تقل أوي. عمر بص له بحزن: خلي بالك إنت بس من ريتال. وأنا هعرف مكانه وهندمه على القديم والجديد. سليم بحزن: ماشي. هطمن على ريتال وهحصلك. عمر طلع وملامحه كادت أن تنفجر من الغضب. ركب عربيته وطلع على الفيلا. سليم شال ريتال وحطها على السرير وجاب علبة الإسعافات الأولية وبدأ يضمض لها الجرح. ريتال بدموع: سليم، تاج هتبقى كويسة، مش كده؟

سليم بحزن: متخفيش. عمر هيجيبها ومش هيحصلها حاجة. ريتال بدموع: معرفش ليه بيحصلها كده. أنا قلت إنها اترحت من ظلم وعذاب أبوها وربنا عوضها بعمر. بس الظاهر كده تاج ملهاش حظ في حاجة. سليم باستغراب: ظلم وعذاب أبوها؟ هو أبوها كان بيعملها إيه؟ ريتال بعصبية حكت له كل حاجة عن علاقة تاج بأبوها. سليم ضرب إيده على جبهته

بغضب وغمض عيونه بألم: ريتال، اسمعيني. أنا هكلم السواق يجبلك ماما نرمين تيجي تقعد معاكي. لأنه أنا مينفعش أسيب عمر لوحده. ريتال: ماشي. بس عشان خاطري خلي بالك من نفسك. سليم باس جبينها بحب: حاضر. وإنتي كمان. سليم طلع تليفونه وطلب من السواق يروح يجيب نرمين مامت ريتال. وقفل. وكلم مامت ريتال وطلب منها تيجي تقعد مع ريتال.

وبعد وقت، السواق جاب نرمين. وريتال حكت لها كل حاجة. وسليم طلع على فيلا عمر. وطلب من حسام حارس عمر يبعت له حراسة قدام شقته. وأخد عربيته واتجه لفيلا عمر. *** في فيلا عمر الهواري. عمر دخل وملامحه كادت أن تنفجر من الغضب. بسمة بخوف: عمر، تاج فين؟ رد عليه. عمر بزعيق: عمي محمود فييييين؟ محمود بخوف: فيه إيه يا ولدي؟ متعصب كده ليه؟ عمررر بزعيق

كاد أن يهز أرجاء الفيلا: أنا صبررررت كتيررر أوووى على تصرفات معتز. وبس عشانك، عشان خاطرك، كنت بعدي وأسكت. لكن توصل إنه ابنك الكلب يتهجم على شقة سليم ويضرب مراته ويخطف مراتى. ف لحد هنااا ومش هرحمه. وهنسى تماما إنه ابن عمي. محمود لنفسه: عملت اللي في دماغك يا معتزز ليه يا ولدي؟ ليه مصمم تضيع نفسك؟ بس كفاية يا ولدي، مش هسيبك تدمر حياة حد تاني. جه الوقت إنك تتعاقب.

عمررر بعصبية: عمي، ده مش وقت سكوت. قول لي معتز ممكن يكون أخدها فين؟ محمود بحزن: أكيد أخدها المخزن. مفيش مكان تاني ممكن ياخدها فيه غير المخزن بتاعنا القديم. عمر سمع صوت سليم من خلفه: يلا يا عمررر، لازم نتحرك. عمر بعصبية: إنت سبت ريتال لوحدها ليه؟ سليم بهدوء: متقلقش. مامتها معاها. وكمان بعت حرس يقف قدام الشقة يحميهم. دلوقتي لازم نلحق تاج قبل ما معتز يأذيها. عمر جرى على سلام واخده. وأخد رجالتهم وطلعوا في العربية.

سليم: عمر، أنا هكلم أمير. عمر بغضب: تمام. سليم رن على أمير. *** في فيلا أمير الباشا. أمير كان قاعد جنب السرير وبيفتكر ذكرياته مع ماسة. وفجأة تليفونه رن. سليم: أمير، فينك؟ أمير بحزن: في البيت. سليم: طيب قوم وهات رجالتك وحصلني أنا وعمر على مخزن محمود الهواري القديم. أمير باستغراب: ليه؟ فيه إيه؟ سليم بغضب: معتزز الهواري خطف تاج. أمير بعصبية: لا، معتز الهواري شكله اتجنن خالص. اطلع وأنا هحصلك. وخلوا بالكم من نفسكم.

سليم: تمام. أمير قام ورن على مازن صحبه. أمير: مازن، هات القوات وتعال ورايه على العنوان ده*******. مازن: تمام. عمر لبس بدلته واخد سلاحه وطلع. ركب عربيته وراح وراهم. *** في المخزن. تاج بدموع: إنت عاوز مني إيه يا معتز؟ سيبني أمشي. معتز وهو يتفحص جسدها بخبث: لا، انسى إنك تطلعي من هنااا. إنتى خلاص بقيتي ملك معتز الهواري. تاج بعصبية: افهم بقى! أنا بكرهك وبكره عيلة الهواري كلها. كلكم كدابين.

معتز مسكها من شعرها: ما إنتى لو وافقتي من الأول تتجوزيني مكنتيش هتبقي لعبة بين إيده. تاج بصراخ: إنت غبي! هو صحيح اتجوزني عشان ينتقم، بس هو عمره ما قلل من كرامتي أو أجبرني على حاجة. هو بيحبني. ولو كان عاوز يأذيني أو يكسرني كان عملها من زمان. مكنش استنى لدلوقتي. وهو كان ناوي يقول لي الحقيقة النهارده، بس إنت سبقته. إنت جبان واحد شفته في حياتي. إنت لو راجل مكنتش خطفتني وجبتني غصب عني.

معتززززز اتعصب من كلامه ووصل لأعلى درجة من الغضب وضربها بالقلم. معتزز بغضب: أنا هوريكى يا روح أمك راجل ولا لا. وبصلها بحقد وشهوة. قلع الجاكت بتاعه ورماه وقطع بلوزتها من الأكمام وسط صراخ تاااج. وقرب من شفايفها ووو.