رواية معاناة الحب الفصل الثالث والعشرون 23 - بقلم مارينا عبود

عمر بمشاكسه: طيب بقولك أنا بفكر نلغي الاجتماع بتاع النهارده والخروج ونطور علاقتنا سوا. أنها كلامه بغمزة. تاج: أنت بقيت قليل أدب. عمر بضحك: ولله. تاج: آه وقوم بقا. تاج قامت من جنب عمر وكانت هتطلع وفجأة عمر قام وشدها ووقعوا على السرير وهو وقع فوقها وبقت أنفاسهم متقاربة. تاج: عاااااا يخرب بيتك ابعد. عمر وهو يقترب منها: هههههه ولو مبعدتش. تاج بخجل: عمررر. عمر قرب وطبع قبلة على خدها. عمر: بحبك. تاج: هااا.

عمر بضحك: لسانك أكلته القطة دلوقتي. تاج بخجل: طيب سيبني. عمر قرب منها وكاد أن يقبلها وفجأة الفون رن. تاج انفجرت ضحك. عمر بضيق: مين الحيوان اللي بيرن دلوقتي. قام مسك تليفونه وفتح وكان سليم وتاج انتهزت الفرصة ونزلت بسرعة. سليم: صباح الفل يا صديق. عمر بضيق: صباح الزفت على دماغك. سليم بضحك: هههههه شكلي اتصلت في وقت مش مناسب. عمر بسخرية: أنت دايماً اتصالاتك بتيجي في الوقت اللي مش مناسب.

سليم بضحك: ههههه ماشي حبيت أقولك متتأخرش على الاجتماع بتاع النهارده علشان مهم. عمر: ماشي. سليم بضحك: اشطااا روح كمل اللي كنت بتعمله ههههههه. عمر التفت لقى تاج نزلت. عمر: ما خلاص بقااا. سليم انفجر ضحك. عمر: اقفل الله يخرب بيت معرفتك. وقفل التليفون. سليم كان واقف قدام بيت ريتال علشان ياخدها وبعد وقت نزلت تلك الجميلة وهي ترتدي بنطلون جينز وبلوزة بكم جميلة جداً وعاملة شعرها ديل حصان.

سليم قفل مع عمر وشافها وهي طالعة من باب العمارة وفضل يتأمل ملامحها. ريتال فتحت العربية وركبت جنبه. ريتال: صباح الخير. سليم بضحك: صباح الفل. ريتال: أموت وأعرف أنت بتضحك على إيه. سليم: ههههه موضوع كده. سليم: وبعدين أنا بقالي كتير مستنيكي إيه التأخير ده كله. ريتال بتوتر: مهو بصراحة. سليم: فيه إيه. ريتال: راحت عليا نومة. سليم: هههههه ومالك خايفة كده ليه. ريتال: أصلك بقالك كتير مستني فكنت خايفة تزعقلي.

سليم: المرة دي سماح المرة الجاية هعاقبك. ريتال بصدمة: تعاقبني إزاي. سليم: لما تغلطي هعرفك العقاب. وغمزلها. ريتال: ماشي. سليم بدأ يسوق العربية علشان يلحق الاجتماع. في فيلا عمر الهواري. عمر لبس بدلته وحط برفيوم جميل وأخد الملف ونزل لقى تاج ومامته قاعدين على السفرة. عمر أخد كرسي وقعد جنب تاج. عمر: صباح الفل يا ماما. بسمة: صباح الخير يا حبيبي. عمر قرب لتاج واتكلم بهمس: هربتي المرة دي بس المرة الجاية لا. وبدأ ياكل.

تاج وشه أحمر من الخجل. بسمة: مالك يا بنتي وشك قلب أحمر كده ليه. عمر بضحك: صحيح مالك يا تاج أنتِ سخنة ولا إيه. تاج لنفسها: كده يا عمر بتحاول تكسفني قدام ماما ماشي أما أوريك. تاج: مفيش يا ماما. وداست برجلها على رجل عمر. عمر بوجع: آآآه. تاج بغيظ: إيه يا عمر مالك. عمر لنفسه: بقااا كده طيب استحملي. عمر: مفيش يا قلبي متخافيش. بسمة بضحك: فيه إيه يا ولاد مالكم النهارده.

عمر بضحك: مفيش يا ماما أنا همشي دلوقتي علشان عندي اجتماع هخلصه وهرجع. وبص لتاج وكمل بضحك: علشان فيه حاجة كنت هعملها الصبح ومخلصتهاش هرجع أخلصها. تاج بصتله بغيظ وكملت أكل وهو ضحك ومشي. في الشركه. سليم وصل وأخد ريتال ودخلوا. سليم: إيمي دي الآنسة ريتال هتبقى سكرتيرتي الجديدة عاوزك تعلميها كل حاجة بخصوص الشغل. إيمي بحب: حاضر يا فندم اتفضلي معايا. سليم: ريتال دي إيمي سكرتيرة عمر هتفهمك كل حاجة. ريتال: ماشي.

سليم دخل مكتبه وإيمي أخدت ريتال وبدأت تفهمها كل حاجة بخصوص الشغل. وبعد وقت عمر وصل واتفاجأ لما شاف ريتال. إيمي: طيب يا ريتال خليكي هنا وأنا هروح أشوف مستر عمر. ريتال: أوك. إيمي: صباح الخير يا فندم. عمر: صباح النور يا إيمي قوللي ريتال إيه جابها هناااا. إيمي: مستر سليم عينها سكرتيرته الخاصة. عمر لنفسه: يخرب بيتك يا سليم هي وصلت معاك تجيب البنت الشركة ده أنت يومك منيل. إيمي: مستر عمر هو فيه حاجة.

عمر: هاا لا روحي جهزيلي أوضة الاجتماعات علشان الاجتماع وياريت تقولي لسليم يجيلي المكتب. إيمي: أوك. عمر دخل المكتب وإيمي طلبت من ريتال تدخل تقول لسليم إنه عمر عاوزه. في فيلا أمير الباشا. ماسة قامت ولبست فستان بكم طويل وفردت شعرها ونزلت لقت فريدة قاعدة. ماسة: صباح الخير. فريدة بحب: صباح الفل يا بنتي طمنيني ارتحتي عندنا. ماسة: جداً هو حضرتك بتعملي إيه. فريدة: بقرا كتاب تقدري تقوليلي إي حاجة غير حضرتك على فكرة.

ماسة بحزن: هو أنا أقدر أقولك يا ماما. فريدة باستغراب: ماما مرة واحدة. ماسة بحزن: آآه أصل أمي ماتت من وأنا صغيرة وأنتي في مقامها. فريدة بحزن على حالتها: طبعاً يا حبيبتي وأنا اتشرف. ماسة: هو حضرت الظابط اللئيم مصحاش ولا إيه. فريدة بضحك: لا صحي تلاقيه في أوضته. ماسة: طيب ممكن أروح أشوفه. فريدة: طبعاً يا بنتي. ماسة: ماشي هروح أشكرة على وقفته معايا امبارح. فريدة بحب: ماشي يا حبيبتي اتفضلي.

ماسة طلعت فوق وخبطت على الباب مفيش رد خبطت مرة تانية برضوا مفتحش فتحت الباب ودخلت. ماسة: يالهوووى ديه كلها أوضة بس شكلها حلوو أووى. أمير طلع من الحمام وحاطط فوطة على خصره وعاري الصدر. لقاها واقفة وبتتفرج على الأوضة. أمير: عجباكي أووى. ماسة التفت ووشها أحمر من الخجل ولفّت وشها مرة تانية. أمير: هههههه إيه ده أنتِ طلعتي بتتكسفي. ماسة بخجل: أنت إزاي تطلع كده. أمير بضحك: أنا في أوضتي أعمل اللي أنا عاوزه.

ماسة: آآه صح طيب ممكن تلبس حاجة. أمير: ههههه لا. ماسة بغيظ: تصدق إنك قليل أدب. أمير: ولله ليه أنا اللي دخلت أوضة حد من غير إذن. ماسة التفت واتكلمت بعصبية: على فكرة بقااا أنت واحد مستفز علشان أنا خبطت كتيرر ومردتش ف اضطريت أفتح الباب وبعدين أنا. وقبل ما تكمل كلامها اتكعبلت وكانت هتقع لكن أمير مسكها وشدها ليه وفضلوا باصين لبعض ما يقرب من دقيقة. ماسة: احمم بعد إذنك. أمير سابها وهي طلعت بسرعة وقلبه كان بينبض جامد.

ماسة: يخرب بيتي أنا إيه اللي خلاني أروحه وبعدين ليه كل ما يقرب مني أحس بإحساس غريب. أنا هنزل قبل ما يطلع. أمير سرح شعره ولبس تريننج وحط برفيوم ونزل لقاها بتضحك مع مامته ابتسم ورحلهم. أمير: بتحكوا ف إيه. فريدة: ههههه وأنت مالك أم وبنتها. أمير: نعم ياختي أم وبنتها إزاي يعني. فريدة: ههه أنا وماسة بقينا صحاب جداً وهي من دلوقتي هتناديني ماما. أمير: ولله. ماسة بغيظ: آآه وهاخدها منك.

أمير: لا دي أمي أنا مش هتكون أم حد تاني ويا ريت تبعدي عنها خاالص. ماسة زعلت من طريقة كلامه وطلعت فوق. فريدة بزعل: ليه كده يابني البنت معندهاش أم وعلشان كده اعتبرتني زي أمها هي مكنتش قصدها حاجة هي بتهزر. أمير بضيق: ولله أنا كنت بهزر مكنش قصدي. فريدة: أمير روح اعتذرله. أمير: بس أنا. فريدة بمقاطعة: أميرر قولت روح اعتذرله واعمل حسابك هروح أقعد يوم عند خالتك النهارده علشان تعبانة.

أمير: حاضر خلي بالك من نفسك وسلميلي عليها وحمزة هيوصلك. فريدة: ماشي روح اعتذر. أمير: روح اعتذر للبنت وقلها تيجي تفطر. أمير: حاضر. أمير طلع وخبط على أوضتها ودخل لقاها بتعيط. أمير: على فكرة أنا مكنتش قصدي أنا كنت بهزر أنتِ قلبتيها جد ليه. ماسة. أمير: طيب يلا انزلي افطري مع ماما قبل ما تمشي. ماسة بحزن: هي رايحة فين. أمير: هتشوف خالتي علشان تعبانة وهتيجي بكرة. ماسة بدموع: حاضر. أمير: ماسة ممكن متعيطيش ولله كنت بهزر.

ماسة بدموع: بس أنا مش زعلانة منك. أمير: أماال بتعيطي ليه. ماسة: أصلي النهارده. ولكن قاطعها صوت سعاد. سعاد: أمير بيه الهانم بتقولكم تعالوا افطروا معاها علشان هي هتمشي. أمير: ماشي جايين. ماسة مسحت دموعها واتكلمت بوجع: يلا علشان ماما متزعلش. أمير ابتسم وأخدها ونزلوا. فريدة بحب: يا بنتي متزعليش من أمير أمير مش قصده حاجة. ماسة بحزن: عارفة. فريدة: طيب يلا تعالوا علشان نفطر.

فريدة وأمير وماسة قعدوا على السفرة وبدأوا يفطروا وطبعاً فريدة مامت أمير بخفة دمها طلعتهم من المود وقلبت القعدة ضحك. في الشركه. سليم دخل مكتب عمر وقعد. عمر: يابني أنت مجنون هي حصلت تجيب البنت الشركة. سليم: هههههه هي أصلاً كانت بتدور على شغل وأنا استغليت الفرصة وجبتها علشان تبقى قدام عيني. عمر: يا ولد يا حنين المهم كلمت أمير. سليم: آها وقالي إنه تمام متقلقش. عمر: كويس يلا علشان الاجتماع. سليم: يلا.

بعد وقت خلصوا الاجتماع وطلعوا وسليم اتصدم لما شاف.