رواية معاناة انثى أملي كاتبة الفصل الحادي عشر 11 - بقلم أملي كاتبة

خالد قام من النوم على صوت حركة في الفيلا. قام براحة يتسحب يشوف مين. زفر براحة لما شاف جيجي. خالد بتفاجئ: إيه ده؟ انتي مش المفروض دلوقتي متجوزة وسمعتيش كلامي إنك تهربي وتجيلي؟ غيرتي رأيك ليه؟ جيجي بغضب: اهدى يخويا وهفهمك كل حاجة. خالد: اتفضلي فهميني، سامعاك. جيجي باشمئزاز: انت مش شفتش اللي اسمه جوزي ده عامل إزاي؟ بشنب ده وهدومه بايظة، ولا مامته وباباه ناس بيئة أوي يا خالد. ده غير طبعهم، ناس مفترية.

خالد بارتباك: بس أكيد مش هيسكتوا. واتلاقيهم دلوقتي قالبين عليكي الدنيا. جيجي براحة: عادي يا ابني يدوروا، كدا كدا أصلاً محدش هيخطر على باله إني هنا. لأن الفيلا دي مقفولة بقالها ٥ سنين وعمر حد قرب ناحيتها ولا حتى عمي فاكرها أصلاً. خالد ببعض القلق: ماشي ربنا يستر. إلا صحيح، انتي إزاي اتجوزتيه وإنتي حامل وعمك وافق إزاي بكده؟ جيجي: يا ابني مش أنا سمعت كلامك وروحت أجهضت الجنين بس من غير ما حد يعرف. خالد باستغراب: إزاي ده؟

جيجي: فاكر اليوم اللي قولتلك فيه إني حامل وعمي قالي متخرجيش من البيت؟ ساعتها أنا خرجت زي ما خرجت قبل كده كتير ومحدش شافني. *** عندما نام الجميع. اتسحبت جيجي كالعادة وراحت على المستشفى. جيجي: أنا عاوزة أعمل عملية إجهاض. الطبيب: أيوه بس دي عملية خطيرة ومش مسموح بيها. جيجي: ملكش دعوة، خد فلوس العملية وزيادة اهي واعملها يلا. الطبيب بقلة حيلة: أمري لله. بس اعملي حسابك إنك مش هتخرجي من المستشفى قبل يومين. جيجي بصدمة: إيه؟

لا طبعاً مستحيل. أنا عاوزة بكرة الصبح بدري أكون في البيت. اتصرف، اعمل أي حاجة تعمل مفعول أسرع. الطبيب: ماشي بس ده هيتعبك إنتي شوية. عاوزة أول ما تروحي ترتاحي. جيجي: طب يلا بس، وأنا مش مشكلة. أهم حاجة اتخلص منه. وبالفعل تمت عملية الإجهاض. ورجعت جيجي بتاكسي على البيت الصبح بدري من غير ما حد يشعر. بس كانت بتشعر بألم فظيع. جيجي بتكملة الخطة: آه آه الحقوني. جرى سالم وصفاء على أوضتها عشان يشوفوها مالها.

سالم بخضة: إيه في إيه ي بنتي مالك؟ جيجي (تمثيل ودموع مزيفة) : أنا قمت من النوم كنت باخد شاور وبعد كده لقيت دم كتير في الأرض معرفش إيه سببه. سالم: طب اهدى اهدى، استريحي إنتي وأنا هتصل بالدكتور اللي متابعك. وبعد ساعة وصل الطبيب. واخبره بما اتفق عليه هو وجيجي. الطبيب: للأسف المدام فقدت الجنين بسبب ضعف بطانة الرحم عندها. سالم بحزن: لا حول ولا قوة إلا بالله. الطبيب: البقاء لله يا فندم. ***

جيجي: بس يا سيدي، وعمي مصدق إني خفيت وحدد معاد فرحي مع عمار. خالد: يا بت الـ... إيه بس جدعة إنك عملتي كده عشان نبدأ بقى في تنفيذ الخطة على رواقة. جيجي بشر: وحياتك عندي يا بيبي لهندمهم كلهم. خالد بشر: استعنا على الشقا بالله. في فيلا سالم. هريدي: أنا مش هخلي حتة في مصر غير لما أدور عليها فيها وساعتها تقري على نفسك الفاتحة. يلا يا بوي ندور عليها. عويس: قدامي يا ولدي، أما نشوف آخرتها إيه.

وبص لسالم بحزن وقال: الله يسمحك يا ولد عمي. وسالم مش عارف يرد يقول إيه. عمار بابتسامة لنفسه: كنت فين يا هريدي من زمان والله، وجه اللي هيعلمك الأدب يا ستي جيجي. عمار: طيب عن إذنك يا بابا عشان سايب نور لوحدها فوق. سالم: ماشي يا حبيبي اطلع. صعد عمار إلى جناحه الخاص وجد نور ترتدي بيجامة بينك وفاردة شعرها الطويل خلفها. عمار بانبهار وتلاعب: إحنا كنا بنقول إيه يا عروسة؟ نور بخجل: لو سمحت يا عمار أنا عاوزة أنام.

عمار بحب وهو يقترب: إزاي ودي تيجي؟ وبدأ يقرب منها ونور ترجع لورا. بس وهو بيقرب حس بصداع شديد. عمار وقد بدأ يتصبب عرقاً ويهلوس في الكلام: لا كفاية كفاية تفكير. ليه بيحصلي كده؟ آآه. وبدأ يمسك دماغه جامد. شعرت نور بالخوف الشديد عليه، فهي أول مرة تراه هكذا. نور بقلق: عمار رد عليا، فيك إيه يا عمار؟ وبدأ دموعها تنساب بغزارة. عمار وهو يغمض عينيه ويمسك يدها: نور متسبنييش. وبعدها أغمى عليه.

نزلت نور جرى بدموع واحت أوضة صفاء وسالم. نور بدموع وتوتر: يا طـ طنط الحقوا عـ عمار، أغمى عليه. قامت صفاء وسالم بخضة. صفاء بدموع: يا ربي، هي المصايب كلها بتيجي في يوم واحد. سالم: لا دا كدا كتير، الواد بقى بيغمى عليه كتير. يلا يا صفاء البسي، أنا هنقله المستشفى. نور بمقاطعة: وأنا كمان يا عمو هلبس وهاجي معاكو. وبالفعل تم نقل عمار إلى المستشفى. خرج الطبيب من الغرفة وقال: عمار بيه، عمال يهلو'س بالكلام وعاوز مدام نور.

سالم بقلق: هو حالته إيه يا دكتور؟ ابتلع الطبيب ريقه وقال: كويس، كـ كويس. اطمن يا سالم بيه. *** ملحوظة: الطبيب ده هو نفسه اللي اتفق مع جيجي. ابتلع الطبيب الذي اتفق مع جيجي ريقه وقال وهو يتصبب عرقاً: اتفضلي معايا يا مدام نور. دخلت نور معه وقلبها يدق بعنف. الطبيب بتوسل: أرجوكي يا مدام، أنا عارف اللي عملته غلطته متتغفرش بس والله غصب عني. نور بعدم فهم: حضرتك بتقول إيه؟ وبعدين عمار لسه ما فاقش ليه؟ قولت إنه عاوزني.

الطبيب بخوف: عمار فاق، بس لسه تحت تأثير حبوب الهلوسة اللي أخدها. نور بصدمة: انت بتقول إيه يا دكتور؟ هلوسة إيه؟ الطبيب بتوسل وندم: أنا هحكيلك كل حاجة، بس أرجوكي متقوليش لعمار بيه......