رواية معاناة مليكه الفصل الثالث والعشرون 23 - بقلم ملك شريف

"مليكة بصدمة... "اييييييه... !!! جاء الجميع ليرون من على الباب واردفت روما لمليكة بتساؤل: "مين دي يا مليكة... كانت تنظر للفتاة بصدمة وغير قادرة على الكلام، لذا أردفت الفتاة بهدوء: "أنا مريم بنت عمة مليكة اللي هي ماجدة، وأبقى بنت أبوها يوسف... اتسعت عينيهم بصدمة، ثم أردفت مليكة بخفوت: "انتي كدابة، ماجدة أصلاً ما كانتش بتخلف... رفعت مريم حاجبيها بسخرية واردفت ببرود: "عادي اتعالجت وقدرت تخلف، مش حكاية يعني...

مليكة بحدة: "بقولك إيه، بتاعة انتي الدكتور قال إن من المستحيل إنها تخلف، ولو جاية عشان تنصبي عليا يبقى أحسن لك تخفي من وشي بدل ما أبلغ عنك... أردف مراد بهدوء: "استني بس يا مليكة... ثم أكمل موجهًا حديثه لمريم: "فين اللي يثبت إنك بنتهم... أخرجت مريم ورقة ووضعتها أمام أعينهم وأردفت ببرود: "دي تحاليل بتثبت إني بنتهم... انتشل سليم منها الورقة ووجد بالفعل أنها على حق، ثم أردف باستنكار:

"وإحنا إيه اللي يضمن لنا إن دي تحاليل مش مضروبة... ثم جذبها بعنف من يدها وأدخلها وأغلق الباب واردف بمكر: "لأ، مين تبقى هنا لحد ما نتأكد فعلاً من الكلام ده... شعرت بريبة من حديثه واردفت بقوة: "هتشوف إنّي على حق... انتشل مراد من يدها الحقيبة وأفرغ محتوياتها على الكرسي ورأى بعض الميك أب وهاتفها، ثم أمسك بهاتفها واردف بهدوء: "التليفون ده هيفضل معايا ومش هتاخديه، ومش هتطلعي من هنا من غير ما نتأكد... أردفت بغضب وصوت عالٍ:

"انت إزاي تاخد شنطتي وتفتش بها بالشكل ده، انت مجنون... أردفت مليكة بانفعال: "انتي يا بتاعة صوتك ما يعلاش في بيتي، انتي فاهمة؟ مش انتي زفت أختي يبقى اترزعي هنا لحد ما نخلص من الحوار ده... أمسكت ريماس بيدها وسحبتها للأعلى وجاء الجميع خلفها، ثم وضعت ريماس مريم في غرفة وأغلقت عليها تحت صرخات مريم واردفت ريماس ببرود: "اتنيلى هنا لحد ما نخلص المشوار اللي ورانا... ثم أكملت حديثها لمليكة:

"يلا يا مليكة روحي على مشوارك وما تعطليش نفسك، وأنا وسليم هنفضل هنا وهبقى أجيب فستاني بعدين... أومأت بالموافقة وأمسك مراد بيدها وغادرا. *** مساءً في اسطنبول. جاء مراد ومليكة من أزمير لأنهم اشتروا طقم الألماس من هناك، ودلفت لغرفتها وأخذت شاور وارتدت فستان تايجر حمالة عريضة لحد الركبة وصندل أسود بكعب عالٍ ورفيع، ودلفت للأسفل وكانت تفكر بموضوع هذه الفتاة، قطع تفكيرها صوت سليم بتسأؤل: "هتعملي إيه مع البنت دي يا مليكة...

مليكة بحيرة: "مش عارفة، بس لازم آخدها دلوقتي ونروح نعمل تحليل DNA عشان أتأكد... ريماس بتساؤل: "طب لو طلعت أختك فعلاً هنعمل إيه... رفعت كتفيها بعدم المعرفة واردفت بخفوت: "بس دي لو كانت أختي كان يوسف قال لي لما رحت له السجن، أو كان كتب لي في الرسالة، وكمان كان يقول لي إن ليها ورث... مراد بشك: "البنت دي أنا حاسس إنها بتعمل كده عشان تاخد فلوس أو حاجة، مش حاسس إنها أختك... مليكة بضيق:

"أنا هجيب لها أكل وهطلع أتكلم معاها... بالفعل ذهبت مليكة وأحضرت لها صينية الطعام وصعدت للأعلى وفتحت الباب، ثم أردفت مريم بسخرية: "لسة فاكرين تسألوا عليا... وضعت مليكة صينية الطعام بعنف على الطاولة وانتفضت مريم من فعلتها، ثم أردفت مليكة بخنقة: "بقولك إيه يا بتاعة انتي، قولي لي طالما انتي بنتهم، ليه ما حدش جاب في سيرتك... مريم ببرود: "كانوا بيحبوني وخايفين عليا، عشان كده ما جابوش سيرة لحد... أردفت باستنكار:

"خايفين عليكي مني يعني... هزت رأسها ببرود، ثم أردفت مليكة بسخرية: "واللهي يعني يوسف كان بيخاف عليكي وكان بيحبك، هو الحقيقة اللي ما تعرفيهوش إن يوسف ما بيحبش البنات يا بتاعة انتي... فركت يديها بتوتر، ثم أردفت مليكة بنبرة مخيفة: "اطفحي بسرعة عشان نروح نعمل تحليل DNA ونخلص من الحوار ده، ولو طلع كلامك كذب هندمك على كدبك ده...

شرعت في تناول الطعام بسرعة ونهضت معها لفعل التحليل، وأخبرهم الدكتور أنهم سيرسلون لهم التقارير في السادسة مساءً. *** في الصباح استيقظت مليكة وأخذت شاور وارتدت بنطلون بيج وبدي أسود وجاكيت بيج وحذاء باللون الأسود وشنطة باللون البيج، ودلفت للأسفل وأردفت للخادمة بأن تجهز صينية الإفطار وتعطيها لمريم، ثم ذهبت وجلست على مائدة الإفطار، ألقت تحية الصباح وكانت ممسكة بالتوست وشاردة، أردف مراد بهدوء:

"لسة بتفكري في موضوع البنت دي يا مليكة... مليكة بخفوت: "أيوا لسة بفكر، مش قادرة أشيل الموضوع من دماغي... ثم تركت التوست ونهضت واردفت بهدوء: "أنا شبعت... أردفت ريماس باستنكار: "انتي ما أكلتيش حاجة أصلاً... "ماليش نفس يا روما... أنهت حديثها وتركتهم وجلست بحديقة القصر، ثم أردف سليم بخفوت لهم: "شكلها مش هتهدى إلا لما تتأكد... *** الساعة السادسة مساءً في اسطنبول.

جاءت التحاليل، وأمسكت مليكة التحاليل وفتحتها بتوتر ونظرت للتحاليل بصدمة وأردفت باستنكار: "كلامها طلع صح إزاي ده... أردف مريم ببرود: "مش قولتلك... أردفت مليكة بنفاذ صبر: "آه يعني انتي عايزة إيه بالظبط... مريم بهدوء: "عايزة حقي في الورث... رفعت مليكة حاجبيها بسخرية واردفت ببرود:

"حق إيه يا بتاعة انتي، يوسف قبل ما يموت كتب لي كل حاجة باسمي وما كتبش ليكي حاجة، انتي آخرك معايا فيلا صغيرة على قدك وشغلانة محترمة تعيشك في نعيم وبس، ومالكيش حاجة عندي، انتي احمدي ربنا إني هجيب لك فيلا ما تحلميش تقعدي فيها أصلاً... مريم بصوت عالٍ: "يعني إيه الكلام ده، يعني مش هاخد حقي... اقتربت منها ريماس مسرعة وامسكت بشعرها بقوة واردفت بغضب: "صوتك ما يعلاش على أختي، فاهمة؟

هي قالت لك ما لكيش حاجة تاني خلاص يبقى تخرصي... مريم بألم: "سيبي شعري بتوجعيني... مليكة بسرعة: "خلاص يا ريماس سيبيها... روما بنفي: "لأ، دي محتاجة تتربى... أردف مراد بخوف لسليم: "روح شوف خطيبتك وخليها تسيب شعرها... اقترب سليم مسرعاً ونزع يدها من شعرها، بينما صعدت مريم بسرعة للغرفة، ثم أردفت باستنكار: "ليه عملت كده، كنت سيبني... مليكة بضيق: "خلاص يا روما، مالوش لازمة اللي هتعمليه، أنا هطلع أرتاح شوية...

تركتهم وصعدت للأعلى، بينما كانت مريم في غرفتها غاضبة منهم واردفت بصوت منخفض: "هتجيب لي فيلا بس لأ، أنا مش هرتاح غير لما آخد أكتر من كده، هستناها تجيب لي الفيلا بعدها هبقى أتصرف... *** صباحاً في تركيا. استيقظت مليكة وأخذت شاور وارتدت أسود طويل كت وعارى الظهر والصدر ومفتوح من الجانبين وصندل أسود بكعب عالٍ ورفيع، ودلفت للأسفل وأمرت بإرسال صينية الإفطار لمريم، وجلست على طاولة الإفطار وألقوا عليها تحية

الصباح واردفت لهم بهدوء: "المحامي هييجي بليل عشان يكتب لها الفيلا اللي في جيمش باسمها... أردف مراد بتساؤل: "وهتشغليها إيه دي... مليكة بهدوء: "أنا عرفت إن شركة مظهر أوغلو بتاعة الاستيراد والتصدير عاوزين سكرتيرة، اتفقت معاهم والمرتب حلو هيوفر لها راحة كبيرة... وأكملت بهدوء: "وهديها 2 مليون عشان لو احتاجت حاجة... هز رأسه، وأردفت روما بحب: "واحدة غيرك يا ليكة ما كانتش عملت كده، واللهي انتي طيبة جداً... مليكة بخفوت:

"عارفة لو كانت أختي من الأم كنت هحبها، بس دي بنت ماجدة وأكيد نفس الطبع... مراد بتأكيد: "معاكي حق... *** مساءً في اسطنبول. كانوا جميعهم مجتمعين وجاء المحامي ومعه الأوراق عشان توقع عليهم مليكة، أمسكت مليكة وكانت ستوقع ولكن أوقفها مراد بصوت عالٍ: "استنى ما توقعيش...