رواية معجزة الحب الفصل الثاني والعشرون 22 - بقلم بسمله حسن، منة السيد

الدكتور خرج من الأوضة بإرهاق وتعب. كيان وبدر قاموا جري على الدكتور. بدر: طمني يا دكتور، هي كويسة صح؟ الدكتور: إحنا عملنا كل اللي نقدر عليه عشان ننقذ الأم والأطفال، بس التسمم انتشر في جسمها ولحقنا الأطفال بمعجزة. هما دلوقتي حالتهم كويسة، بس الأم حالتها خطرة جداً ومش قدامنا غير الدعاء. بدر أول ما سمع كده عيونه اتملت دموع. بدر: أنت بتقول إيه؟ الدكتور: ادعيلها إن شاء الله تبقى بخير، خلي عندك يقين.

بدر بخوف وعصبية: لا لا، نادين هتبقى كويسة. حاول تعمل أي حاجة يا دكتور، حتى لو هتتخلص من الأطفال اتخلص منهم، أهم حاجة نادين تبقى كويسة. مش مهم عندي الأطفال، أهم حاجة هي. الدكتور: للأسف، إحنا كنا هنعمل كده بس الأطفال حالتهم بقت مستقرة ومينفعش ننزلهم. إحنا دلوقتي هنستنى لما الأم تفوق. بدر بلع ريقه بالعافية. بدر: لو ما فاقتش؟ الدكتور: هتبقى دخلت في غيبوبة. ادعي إنها تفوق. بدر قعد وحط إيده على وشه. كيان قعد جنبه.

بدر بدموع: أنا مش قادر أشوفها بتموت قدامي، ليه ربنا بياخدها بذنبي؟ بيعاقبها من ذنوبي؟ بدر قام وقف. كيان: رايح فين يا بدر؟ بدر: شوية وراجع، خليك جنب نادين لحد ما أجي. بدر خرج من المستشفى وهو حاسس إنه تايه. ركب العربية ومش عارف يروح فين. فضل يلف بالعربية لحد ما وقف في مكان فاضي خالي من الناس. بدر وقف وصوت بي كل طاقته: يااااااااااااااارب، يااااااااااااااارب، أنا تعبت من كل ده. بدر قعد في الأرض وعمال يعيط.

يارب أنا عارف إني عملت ذنوب كتير، بس يارب سامحني. أنا عارف إني مش قريب منك، بس أنا ناوي أتوب. يارب، متأخدش نادين بذنبي. يارب، أنت جبتلي اللي يتوبني، بلاش تاخدها مني تاني. يارب، أنا عبدك محتاجلك، أنا ضعيف، قويني يارب. بدر طلع كل اللي في قلبه وقعد يعيط على حب عمره اللي هتروح منه. فضل قاعد شوية وقام بص على نفسه لقى هدومه كلها تراب. ركب العربية وهيروح البيت عشان يغير هدومه. وهو داخل سمع اللي متوقعش إنه يسمعه.

حسنات بشر: أيوه يا باشا، حطتلها السم في النسكافيه بتاعها، وهي دلوقتي زمانها ماتت هي واللي في بطنها. بدر دخل عليها وعيونه بتطق شرار. حسنات خافت من شكل بدر اللي ميطمنش خالص، قفلت بسرعة. بدر بهدوء مرعب: كنتي بتكلمي مين؟ حسنات بخوف وتوتر: ما.. ما.. مافيش يا.. يا باشا. بدر قرب منها بهدوء: إيه يا حسنات، أجيبلك برسيم؟ بتمأي زي المعيز ليه؟ حسنات بخوف: أنا... أنا مليش دعوة. بدر ضربها بالقلم وقعها في الأرض.

بدر بغضب جحيم: أمال مين يا روح أمك؟ ده انتي ليلة أهلك سودة. نزل لمستواها ومسك شعرها: عارفة يا بنت الكلب لو مقلتيش مين اللي وزك علينا هكون دافنك حي. حسنات عمالة تعيط. بدر بصوت عالي هز أركان البيت: أنتي لسه هتعيطي؟ قوووووولي مين وزك علينا، اخلصيييييييي. حسنات بخوف وعياط: توفيق يا باشا، هو اللي جابني اشتغل عندكم عشان أموت الست نادين وأحرق قلبك عليها عشان أنت موافقتش تشتغل معاه.

بدر أول ما سمع كده جتله حالة جنون وفضل يضرب في حسنات بيطلع كل غله فيها. بدر بعصبية: عايزين تحرقوا قلبي عليها يا ولاد الـ****. والله العظيم أنا اللي هحرق قلبكم كلكم يا ولاد الـ****. قومي يا بنت الكلب معايا. شد حسنات من شعرها وجرها لحد العربية وخدها في مخزن ستة أكتوبر. بدر اتصل بكيان. بدر بعصبية: تعال على مخزن أكتوبر بسرعة. كيان باستغراب: في إيه يا زعيم؟ بدر بغضب: بله زعيم بلبنانين، تعالى بسرعة اخلص.

كيان: طيب، ونادين هاسبها لمين؟ بدر: أنا هتصرف. بدر اتصل بجاسر ورودينا هي اللي ردت. بدر بهدوء عكس اللي جواه: بقولك إيه يا رودي يا حبيبتي، عايزك تروحي لنادين في مستشفى جاسر. رودينا بخوف: مالها نادين يا بدر؟ حصله إيه؟ بدر: حصلها تسمم وهي دلوقتي حياتها في خطر. فا أنا عايزك دلوقتي تروحي المستشفى وتخلي بالك منها. اديني جاسر. رودينا ادت الفون لجاسر. بدر: ودي رودينا عندك في المستشفى، وتعالى أنت على مخزن أكتوبر. جاسر: ليه؟

هو في إيه؟ بدر: نادين اتسممت وحياتها في خطر، واللي كان السبب هو توفيق. جاسر: تمام، أنا جايلك. جاسر قفل مع بدر ووصل رودينا لحد المستشفى، وكان كيان خارج من باب المستشفى وشاف جاسر ركب معاه العربية. كيان: أنت متعرفش بدر عايز إيه؟ جاسر بهدوء: أيوه عارف. كيان بفضول: ليه؟ جاسر: هتروح وهتعرف كل حاجة. و فعلاً راحوا وكان بدر جوه المخزن. كيان: في إيه يا بدر؟ وليه حسنات هنا؟ ومين اللي عمل فيها كده؟

بدر شد حسنات من شعرها: انطقي يا بنت الـ****. حسنات بعياط: توفيق باشا هو اللي قالي أروح عندكم وأحط سم لمدام نادين عشان أحرق قلبك عليها وترجع له الشغل تاني. كيان سمع كده راح خد المسدس من جيب جاسر وحطه على وش حسنات. جاسر شده منه المسدس. جاسر: اهدا، وإحنا هنموتها بس اصبر. بدر: نصبر ليه؟ دي واحدة عرضت حياة مراتي وعيالي للخطر، وبتقولي اصبر؟ إيه البرود ده؟ جاسر: عشان بفكر بعقل، ثم أكمل بسخرية: مش بقلب يا زعيم.

وطلع الفون وكلم نافين. جاسر: نافين، تعالي على مخزن الزعيم اللي في أكتوبر. وكلم رجالته قالهم يجيبوا توفيق وقفل. جاسر قعد وحط رجل على رجل. جاسر: اهدا يا زعيم، وكل حاجة هتتحل. بدر بعصبية: ياعم يخربيت برودك، بقولك مراتي حياتها في خطر، وأنت قاعد حاطت رجل على رجل. جاسر: عشان العصبية مش هتحل حاجة، لازم تكون هادي. فعلاً نافين جت ورجالة جاسر كمان ومعاهم توفيق. بدر وكيان أول ما شافوا توفيق جريوا عليه وعايزين يموتوه.

كيان بعصبية: تعالي يا روح أمك، بقا أنت يابني الـ**** عايز تموت أختي؟ ده أنا هعمل من الـ****. بدر بغضب: ده أنا هخلي أمك ترحم عليك يا ابن الـ****. بقا أنت عايز تموت مراتي وعيالي يا ****. جاسر لـ نافين: عايزك تظبطي اللي اسمها حسنات دي. نافين بصت على حسنات اللي مدمرة من كتر الضرب. نافين ضحكت بسخرية: اعتبره حصل يا إمبراطور. و نافين كملت على حسنات. وطبعاً كيان وبدر قاموا بالواجب مع توفيق، وبي زيادة كمان.

جاسر واقف بيتفرج عليهم. بدر بعد عنه: أنت تفتكر كده إني هسيبك؟ تبقا بتحلم. أنا هعمل فيك اللي متعملش. وجاب المسدس وضرب طلقة في رجل توفيق. كيان راح داس على رجل توفيق اللي متصابة بكل غل. توفيق صوت بكل طاقته من الوجع. بدر بهدوء مخيف: تو تو، لسه بدري على الصوات يا توفي. أنت ليه خفيف أوي كده؟ مش عامل فيها دكر وجايب واحدة تقتل مراتي. راح ضرب طلقة تاني في دراعه.

كيان: لا، أنا مبحبش الصوت العالي. وخد من بدر المسدس وضرب المرادي في نص دماغه. كيان تف عليه بقرف: كلب وغار في داهية. جاسر قرب منهم وطبطب على كتف بدر. جاسر: أنت كده أخدت حقك تالت ومتلت. كيان: وأنت مجتش معانا ليه؟ خايف من الدم؟ جاسر بسخرية: لا يا خفيف، خايف على هدومي تتوسخ. وكانت نافين خلصت على حسنات. نافين: عملت اللي قلتلي عليه يا إمبراطور. بدر طبطب على كتف جاسر: لا، راجل يعتمد عليك يا إمبراطور.

جاسر بفخر: طبعاً مش هنكون نسايب يا زعيم. بدر بص لجثة توفيق وحسنات. بدر: هتعمل إيه في ولاد الـ**** دول؟ جاسر بشر: هنعمل كل خير.